ຢູເຄຣນ ລະນຶກເຖິງ ວັນຄົບຮອບ ໄພອຶດຢາກ ຮ້າຍແຮງ

ໃນ​ວັນ​ເສົາ​ມື້​ນີ້ ຊາວ​ຢູ​ເຄຣນ ພາກັນ​ລະນຶກ​ເຖິງຂີດ​ໝາຍ​ວັນ​ຄົບ
ຮອ​ບ 80 ປີ​ຂອງໄພ​ອຶດ​ຫິວ Holodomor ທີ່​ມະນຸດ​ສ້າງ​ຂື້ນມາ
​ເອງ ຊຶ່ງ​ນັກ​ປະຫວັດສາດ ກ່າວ​ວ່າ​ ​ເຮັ​ດ​ໃຫ້​ມີ​ຜູ້​ເສຍ​ຊີວິດຫລາຍ
ເກືອບ 10 ລ້ານ​ຄົນ.

ທໍານຽບຂາວ ຮ້ອງ​ໂອກາດ​ອັນ​ເສົ້າ​ໂສກ​ນີ້​ວ່າ ​ເປັນ​ໂຕຢ່າງ​ໄພພິ
ບັດ​ຮ້າຍ​ແຮງສຸດທີ່​ມະນຸດ​ສ້າງ​ຂື້ນ ​ແລະ​ເປັນ​ໂອກາດ​ທີ່​ສະທ້ອນ
​ຄືນ​ເຖິງຄວາມ​ບໍ່​ດີ ​ທີ່ພວກມະນຸດສາມາດ​ກະທໍາ​ໄດ້.

​ນອກ​ນັ້ນ ທຳນຽບຂາວຍັງ​ກ່າວ​ອີກ​ວ່າ ປະຊາຊົນ​ຊາວ​ຢູ​ເຄຣນ ​ໄດ້​ສະ​ແດງ​ເຖິງຄວາມ​ສາມາດໃນ​ການ​ປັບ​ໂຕ​ໄດ້​ຢ່າງໃຫຍ່​ຫຼວງ ​ແລະຄວາມ​ກ້າຫານ ​ແລະ​ບໍ່​ເຄີຍ​ຍອມ​ແພ້​ໃນ​ຄວາມ​ຫວັງ​ຂອງ​ການເປັນ​ເອກ​ກະລາດ.

ລະຫວ່າງ​ປີ 1932 ​ຫາ 1933 ພວກ​ເຈົ້າ​ໜ້າ​ທີ່​ໂຊ​ຫວຽດ ​ໄດ້​ຍຶດ​ເອົາ​ໄຮ່ນາ​ຮົ້ວ​ສວນ ​ແລະ​ຜົນລະ​ປູກ ຂອງ​ຊາວ​ຢູ​ເ​ຄຣນ ອັນ​ເປັນ​ພາກສ່ວນ​ນຶ່ງ ໃນນະ​ໂຍບາຍຜະ​ເດັດ​ການ ຂອງທ່ານ Josef Stallin ​ທີ່ບັງຄັບໃຫ້​ມີ​ການ​ເຮັດ​ນາ​ຮວມ.

ຜູ້ໃດ​ທີ່​ຖືກ​ຈັບ​ສະ​ສົມ​ອາຫານ ຫລືລັກ​ເອົາອາຫານ​ປະ​ເພດ​ເມັດ ແມ່ນ​ແຕ່​ນ້ອຍ​ນຶ່ງ ​ກໍໄດ້​ຖືກ​ລົງ​ໂທດ​ຢ່າງ​ໜັກ ຫລື​ຖືກປະຫານ​ຊີວິດກໍ​ມີ.

ບາງ​ຄົນ​ໄດ້​ພາກັນ​ກິນ​ໄມ້ ກິນ​ໜູ ​ແລະ​ແມ່ນ​ກະ​ທັງໄດ້ກາຍ​ມາ​ກິນ​ຄົນກໍ​ມີ.

ຊາວ​ຢູ​ເຄຣນ ກ່າວ​ວ່າ ທ່ານ Stalin ​ໄດ້ພະຍາຍາມ​ທໍາລາ​ຍຄວາມ​ເປັນຊາດ​ນິຍົມຂອງ​ຊາວ​ຢູ​ເຄຣນ ​ແລະ​ໄດ້​ກວດ​ລ້າງ​ປາບ​ປາມປະຊາຊົນຊາວ​ຢູ​ເຄຣນ​.