ລິ້ງ ສຳຫລັບເຂົ້າຫາ

ວັນພະຫັດ, ໒໓ ພຶດສະພາ ໒໐໒໔

ຢູເຄຣນ ແລະ ພວກກະບົດ ຈະເລີ້ມຖອນ ອາວຸດໜັກ ອອກໄປຈາກ ເຂດແນວໜ້າ


ພວກກະບົດທີ່ໜຸນຫຼັງໂດຍຣັດເຊຍ ຂີ່ລົດຖັງ ຢູ່ນອກເມືອງ Luhansk ຂອງຢູເຄຣນ, ວັນທີ 21 ກຸມພາ 2015.
ພວກກະບົດທີ່ໜຸນຫຼັງໂດຍຣັດເຊຍ ຂີ່ລົດຖັງ ຢູ່ນອກເມືອງ Luhansk ຂອງຢູເຄຣນ, ວັນທີ 21 ກຸມພາ 2015.

ເຈົ້າ​ໜ້າ​ທີ່​ທະຫານ​ກ່າວ​ວ່າ ທັງ​ສອງ​ຝ່າຍ​ໃນບັນຫາ​ຂັດ​ແຍ້​ງກັນ
ຂອງ​ຢູ​ເຄຣນ ​ໄດ້​ຕົກລົງ​ທີ່​ຈະ​ຖອນ​ອາວຸດ​ໜັກ​ ອອກ​ໄປ​ຈາກ​ເຂດ
​ແນວ​ໜ້າ​ໃນ​ພາກ​ຕາ​ເວັນ​ອອກ​ຂອງ​ຢູ​ເຄຣນນັ້ນ ອັນ​ເປັນ​ຮ່ອງຮອຍ
ໃນ​ທາງ​ບວກ​ຂອງ​ການຈັດ​ຕັ້ງ​ປະຕິບັດ​ແຜນ​ສັນຕິພາບ ທີ່ໄດ້ຖືກ
ລະ​ເມີດ​ມາ​ຊ້ຳ​ແລ້ວ​ຊ້ຳ​ອີກ​ນັ້ນ.

​ເຈົ້າ​ໜ້າ​ທີ່ເວົ້າ​ວ່າ ພວກ​ກະບົດ​ນິຍົມຣັດ​ເຊຍ​ໄດ້​ເຊັນ​ຂໍ້ຕົກລົງ ທີ່​
ຈະ​ຖອນ​ອາວຸດ​ໜັກ​ອອກ​ໄປ​ໃຫ້​ແລ້ວ ​ໃນ​ໄລຍະ​ສອງ​ອາທິດ​ຕໍ່ໜ້າ.

ລາຍ​ງານ​ຂ່າວ​ສື່​ມວນ​ຊົນ​ເວົ້າ​ວ່າ ພວກ​ກະບົດ​ອາດ​ຈະ​ເລີ້ມ​ຖອນ
​ອາວຸດ ຂອງ​ພວກ​ເຂົາ​ອອກໄປ ​ໃນ​ວັນ​ອາທິດ​ມື້​ນີ້​ກໍ​ໄດ້.

ພວກ​ກະບົດ​ໄດ້​ຢືນຢັນ ຜ່ານ​ສື່​ຂ່າວ​ວ່າ ພວກ​ເຂົາ​ໄດ້​ເຊັນ​ຂໍ້​ຕົກ​ລົງ​ແທ້. ການ​ເຄື່ອນ​ໄຫວ​
ດັ່ງກ່າວ​ມີ​ຂຶ້ນ ຫລັງ​ຈາກ​ທີ່ຢູ​ເຄຣນກັບ​ພວກ​ກະບົດ ໄດ້​ ທຳ​ການແລກປ່ຽນ​ຊະ​ເລີຍ​ເສິກ
ກັນໃນ​ວັນ​ເສົາ​ວານ​ນີ້ ຊຶ່ງ​ເປັນ​ຮ່ອງຮອຍ​ ສຳຄັນອັນທຳ​ອິດ ຂອງ​ຄວາມ​ກ້າວໜ້າ​ໃນ​ການ
​ຢຸດ​ຍິງ​ທີ່​ສັ່ນ​ຄອນ ທີ່​ໄດ້​ເຊັນ​ກັນ​ເມື່ອ​ໜຶ່ງ​ອາທິດ​ກ່ອນ​ນັ້ນ.

Unrest, Shortages Mark Anniversary of Ukraine Protests
please wait

No media source currently available

0:00 0:02:52 0:00

ການ​ແລກປ່ຽນ​ຊະ​ເລີຍ​ເສິກ​ດັ່ງກ່າວ ​ແມ່ນມີທະຫານ​ຢູ​ເຄຣນ 139 ຄົນ ຕໍ່ ພວກ​ກະບົດ
52 ຄົນ ​ແລະ ​ໄດ້​ມີ​ຂຶ້ນຢູ່​ໝູ່ບ້ານ Zholobok. ພວກ​ກະບົດ​ກ່າວ​ວ່າ ນັກ​ໂທດ​ບາງ​ຄົນ​ແມ່ນ​ທະຫານ​ທີ່​ພວກ​ເຂົາ​ຈັບ​ໄດ້ ​ໃນ​ເມືອງ​ຍຸ​ທະ​ສາດທາງ​ລົດ​ໄຟ Debaltseve ທີ່​ພວກ
​ເຂົາ​ຍຶດ​ໄດ້​ເມື່ອ​ບໍ່​ເທົ່າ​ໃດ​ມື້​ຜ່ານ​ມາ ​ໃນ​ການລະ​ເມີດ ຢ່າງ​ຮ້າຍ​ແຮງ​ທີ່​ສຸດ ​ຕໍ່​ການ​ຢຸດ​ຍິງ
ທີ່​ສະຫະ​ປະຊາ​ຊາດ ​ເປັນ​ຜູ້​ໄກ່​ເກ່ຍນັ້ນ.

​ໃນ​ວັນ​ເສົາ​ວານ​ນີ້ ສະຫະລັດ ​ແລະ ອັງກິດ ​ໄດ້​ປຶກສາ​ຫາລືກັນ ​ເລື້ອງ​ການ​ນຳ​ໃຊ້ມາດຕາ​
ການ​ລົງ​ໂທດ​ຕໍ່ຣັດ​ເຊຍ​ຕື່ມ​ອີກ ຍ້ອນ​ອັນ​ທີ່​ເຫັນ​ໄດ້​ວ່າ​ເປັນການລະ​ເມີດ​ສັນຍາ​ຢຸດ​ຍິງໃນ
​ຢູ​ເຄຣນນັ້ນ.

ລັດຖະມົນຕີ​ຕ່າງປະ​ເທດ​ສະຫະລັດ ທ່ານ John Kerry ​ໄດ້ພົບປະ​ກັບ​ຄູ່​ຕຳ​ແໜ່​ງ ຈາກ
ອັງກິດ ທ່ານ Philip Hammond ຢູ່​ນະຄອນຫລວງລອນ​ດອນ ຊຶ່ງ​ທ່ານໄດ້ກ່າວ​ ຫຼັງຈາກ​
ການ​ພົບ​ປະກັນ​ແລ້ວ ວ່າ ປະທານາທິບໍດີ ບາຣັກ ​ໂອ​ບາ​ມາ ຈະ​ຕັດສິນ​ໃຈ “​ໃນ​ໄລຍະ 2
3 ມື້​ຂ້າງ​ໜ້າ​ນີ້”
ກ່ຽວ​ກັບ​ມາດຕາ​ການ​ລົງ​ໂທດ​ຊຸດ​ໃໝ່ ທີ່​ອາດ​ເປັນ​ໄປ​ໄດ້.

World Leaders Demand Access for Monitors to Eastern Ukraine
please wait

No media source currently available

0:00 0:02:50 0:00

XS
SM
MD
LG