ລິ້ງ ສຳຫລັບເຂົ້າຫາ

ພວກກະບົດ ແລະຣັດເຊຍ ຍັງບໍ່ຕອບ ຕໍ່ຂໍ້ສະເໜີ ຂອງ ຢູເຄຣນ (ສະໄລດ໌/ວີດີໂອ)


ກຳລັງປະກອບອາວຸດແບ່ງແຍກດິນແດນທີ່ນິຍົມຣັດເຊຍ ຂອງ ເຂດທີ່ປະກາດຕົນເອງ ເປັນສາທາລະນະລັດ Donetks.

ຍັງ​ບໍ່ທັນ​ມີ​ຄຳ​ຕອບ​ໃດໆ ​ຈາກຣັດ​ເຊຍ ຫລືບັນດາ​ຜູ້ນຳແບ່ງ​ແຍກ
​ດິນ​ແດນ ​ໃນ​ຢູ​ເຄຣນ ຕໍ່​ຄຳຮຽກຮ້ອງຂອງ ປະ​ທາ​ນາ​ທິບໍດີ​ຢູ​ເຄຣນ
ທ່ານ Petro Poroshenko ​ເພື່ອໃຫ້ເປີດການ​ເຈລະຈາ​ຮອບ​
ໃໝ່​ ໃນ​ວັນ​ເສົາ​ມື້​ນີ້.

ທ່ານ Poroshenko ກ່າວ​ວ່າ ທ່ານ​ໄດ້​ສ​ະ​ເໜີ​ເວລາແ​ລະສະ​ຖານ
​ທີ່ສຳລັບການ​ເຈລະ​ຈາດັ່ງກ່າວ ​ໃນ​ລະຫວ່າງທີ່​ທ່ານໄດ້​ໂອ້​ລົມ
​ທາງ​ໂທລະສັບ ກັບ​ຫົວໜ້າ​ນະ​ໂຍບາຍ​ຕ່າງປະ​ເທດ​ຢູ​ໂຣບ ທ່ານ​
ນາງ Catherine Ashton. ທ່ານ ກ່າວ​ວ່າ ທ່ານ​ກຳລັງ​ລໍຖ້າຟັງ
ຝ່າຍ​ກົງກັນຂ້າມ​ຕອບຮັບຢູ່.

ສະຫະພາບ​ຢູ​ໂຣບ ​ແລະ ສະຫະລັດ ​ໄດ້​ຂົ່ມຂູ່ ທີ່ຈະລົງໂທດເພີ້ມຕື່ມຕໍ່ຣັດ​ເຊຍ ​ຖ້າ​ຫາກ​ມົສກູ
​ແລະ​ພວກ​ນັກ​ລົບທີ່ນິຍົມຣັດ​ເຊຍ ໃນພາກ​ຕາ​ເວັນ​ອອກຢູ​ເຄຣນ ບໍ່​ເອົາ​ບາດກ້າວ​ຫລຸດຜ່ອນ​
ວິ​ກິ​ດການ.

ກາ​ນສູ້​ລົບ​ໄດ້​ເລີ້​ມຂື້ນ​ອີກ ນັບ​ແຕ່ ຢູ​ເຄຣນ ​ໄດ້​ສີ້​ນສຸດ​ການ​ຢຸດ​ແຕ່​ຝ່າຍ​ດຽວ​ໃນ​ຕົ້ນ​ອາທິດ​ນີ້.

ກຳລັງຢູ​ເຄຣນກ່າວອ້າງວ່າ ຕົນໄດ້ຍຶດເອົາບ້ານ​ແຫ່ງ​ນຶ່ງ​ຄືນ ໃນເຂດ Slovyansk ທີ່ພວກ
ກະບົດຄວບຄຸມ ​ໃນ​ວັນ​ສຸກ​ວານ​ນີ້ ຊຶ່ງ​ເປັນ​ບ່ອນ​ນຶ່ງທີ່ມີ ການສູ້ລົບກັນຢ່າງຮຸນແຮງເກີດຂຶ້ນ
ນັ້ນ.

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG