ມີກຳນົດວ່າ ຊະເລີຍເສິກຢູເຄຣນຫລາຍໆຄົນ ຈະຖືກມອບໃຫ້
ແກ່ລັດຖະບານ Kyiv ໂດຍພວກກະບົດ ແບ່ງແຍກດິນແດນນິ
ຍົມຣັດເຊຍ ໃນວັນເສົາມື້ນີ້ ນຶ່ງມື້ຫຼັງຈາກທັງສອງຝ່າຍໄດ້ແລກ ປ່ຽນຊະເລີຍຈຳນວນຫຼາຍຮ້ອຍຄົນ.
ການແລກປ່ຽນຊະເລີຍ ໃນວັນເສົາມື້ນີ້ ຈະເປັນການເສັດສິ້ນ
ໃນການແລກປ່ຽນຊະເລີຍກັນ ຂອງທັງສອງຝ່າຍ.
ທຳນຽບຂອງປະທານາທິບໍດີຢູເຄຣນທ່ານ Petro Poroshenko
ກ່າວວ່າ ໃນມື້ວັນສຸກວານນີ້ ຢູເຄຣນໄດ້ມອບພວກກະບົດ 222
ຄົນທີ່ຖືກຈັບໄດ້ໃນຂະນະທີ່ພວກກະບົດແບ່ງແຍກດິນແດນມອບ
ທະຫານຢູເຄຣນ 146 ຄົນໃຫ້ໃນການແລກປ່ຽນຊະເລີຍເສິກທີ່ໃຫຍ່ທີ່ສຸດນັບຕັ້ງແຕ່ພວກ ແບ່ງແຍກດິນແດນ ໄດ້ເລີ້ມທຳການຕໍ່ສູ້ໃນເດືອນເມສາປີນີ້.
ປະທານາທິບໍດີ Poroshenko ກ່າວວ່າ “ໃນຖານະທີ່ເປັນ ປະທານາທິບໍດີ ຂອງປະເທດ ແລະໃນນາມປະຊາຊົນທຳມະດາສາມັນ ຫົວໃຈຂອງຂ້າພະເຈົ້າແມ່ນເຕັມໄປດ້ວຍຄວາມ ປິຕິຍິນດີ. ດັ່ງທີ່ຂ້າພະເຈົ້າໄດ້ສັນຍາໄວ້ ທ່ານຈະສາມາດສະເຫຼີມສະຫຼອງປີໃໝ່ກັບຄອບ ຄົວຂອງທ່ານ ແລະເພື່ອນຝູງທີ່ເປັນທະຫານ. ນີ້ແມ່ນສິ່ງທີ່ທ່ານແລະພວກເຮົາລໍຄອຍຖ້າ ມາເປັນເວລາດົນນານແລ້ວ. ຂອບໃຈຫຼາຍໆ.”
ຫຼັງຈາກນັ້ນ ສຽງໂຮ່ຮ້ອງຂອງພວກອະດີດຊະເລີຍກໍດັ່ງສະນັ່ນຂຶ້ນວ່າ ຢູເຄຣນຈົ່ງຈະເລີນ ວິລະຊົນຈົ່ງຈະເລີນ!
ການແລກປ່ຽນຊະເລີຍທີ່ອອກຂ່າວໂດຍໂທລະພາບຣັດເຊຍນັ້ນ ຄວນຈະມີຂຶ້ນກ່ອນໜ້າ ນີ້ ແຕ່ການບໍ່ລົງຮອຍກັນໃນນາທີສຸດທ້າຍ ກ່ຽວກັບການເຈລະຈາຢຸດຍິງທີ່ເບລາຣຸສ ໄດ້ ບັງຄັບໃຫ້ຕ້ອງເລື່ອນເວລາອອກໄປໜ້ອຍນຶ່ງແລະໂຈະການເຈລະຈາມື້ທີສອງໃນວັນສຸກ ວານນີ້ອອກໄປຢ່າງບໍ່ມີກຳນົດ.
ໃນເຫດການອີກດ້ານນຶ່ງນັ້ນ ລັດຖະບານ Kyiv ໄດ້ປະກາດ ໃນວັນສຸກວານນີ້ວ່າ ຕົນໄດ້ ໂຈະການໃຫ້ບໍລິການທາງລົດໄຟແລະລົດເມໄປແລະກັບ ຈາກແຫຼມໄຄຣເມຍ. ເຂດໄຄຣ ເມຍໄດ້ຖືກຣັດເຊຍປະກາດຮວມເຂົ້າເປັນດິນແດນຂອງຕົນໃນຕົ້ນປີນີ້ ທັງໆທີ່ໄດ້ມີການ ປະທ້ວງຢ່າງກວ້າງຂວາງຈາກບັນດາລັດຖະບານຂອງປະເທດຕາເວັນຕົກແລະສະຫະລັດ.
