ລິ້ງ ສຳຫລັບເຂົ້າຫາ

ມີພົນລະເຮືອນ 11 ຄົນ ຖືກສັງຫານ ໃນເຫດລົດໂດຍສານ ຖືກລູກສອນໄຟ ໃນຢູເຄຣນ


ເຫັນຜູ້ຊາຍຄົນນຶ່ງ ຍ່າງຜ່ານລົດເມໂດຍສານ ທີ່ມີເລືອດປົກຄຸມຫິມະຢູ່ຂ້າງໆ

ມີການຍິງລູກສອນໄຟລູກນຶ່ງເຂົ້າ​ໃສ່​ລົດ​ເມ​ໂດຍສານ ​ໃນ​ພາກ
​ຕາ​ເວັນ​ອອກ​ຂອງ​ຢູ​ເຄຣນ ​ໃນ​ວັນ​ອັງ​ຄານ​ວານ​ນີ້ ​ທີ່ໄດ້​ສັງຫານ
ພົນລະເຮືອນ ຢ່າ​ງນ້ອຍ 11 ຄົນ ​ໃກ້ໆ​ກັບ​ເມືອງ Donetsk
ຊຶ່ງເປັນ​ເຂດ​ທີ່ກຸ່ມ​ຫົວ​ແບ່ງແຍກ​ດິນ​ແດນ ຄຸ້ມຄອງຢູ່ນັ້ນ.

​ເຈົ້າ​ໜ້າ​ທີ່​ ທີ່​ນິ​ຍົມ​ລັດຖະບານ ກ່າວ​ວ່າ ​ລົດ​ເມ​ໂດຍສານຄັນນີ້
ແມ່ນມຸ້ງໜ້າ​ໄປ​ຍັງ​ດ່ານ​ກວດຂອງ​ທະຫານ ເວລາ​ທີ່​ມັນ​ໄດ້​ຖືກ​ລູກສອນໄຟຍິງ​ເຂົ້າ​ໃສ່ ຈາກ​ຖານ​ຍິງລູກສອນໄຟຫລາຍໆລູກພ້ອມກັນນັ້ນ.

ປະທານາທິບໍດີ Petro Poroshenko ​ໄດ້​ກ່າວ​ວ່າ ການ​ຕາຍ​ຄັ້ງ​ນີ້“​ມັນ​ໄດ້​ສັ່ນ​ສະ​ເທືອ​ນຈິດ​ໃຈ​ຢ່າງ​ເຢືອກ​ເຢັນ” ທ່ານ​ໄດ້​ກ່າວ​ປະນາມ​ພວກຫົວ​ແບ່ງ​ແຍກ​ດິນ​ແດນ ທີ່​ນິ​ຍົມຣັດ​ເຊຍ ​ໃນ​ທັນ​ທີ.

ກຸ່ມຫົວ​ແບ່ງ​ແຍກ​ດິນ​ແດນ ​ໄດ້​ກ່າວ​ປະຕິ​ເສດ​ຕໍ່​ການ​ຮັບຜິດຊອບ​ຄັ້ງ​ນີ້.

ການ​ໂຈ​ມຕີລົດ​ເມ ນີ້​ແມ່ນ​ສະ​ແດງ​ເຖິງ​ຄວາມເສຍຫາຍຮ້າຍແຮງອີກຄັ້ງນຶ່ງຕໍ່ຄວາມພະຍາ
ຍາມໃນການຈັດ​ຕັ້ງ​ປະຕິບັດ ການ​ຢຸດ​ຍິງ​ກັນ​ຂອງ​ເດືອນກັນຍາ​ແລ້ວ​ນີ້ ລະຫວ່າງ​ລັດຖະບານ
ຢູ​ເຄຣນ ​ແລະ​ກຸ່ມ​ຫົວແບ່ງ​ແຍກ​ດິນ​ແດນ ທີ່​ນິ​ຍົມຣັດ​ເຊຍ.

ກອງ​ປະຊຸມລະຫວ່າງບັນດາ​ຜູ້ນຳ ​ຝຣັ່ງ ​ເຢຍຣະມັນ ຣັດ​ເຊຍ ​ແລະ​ຢູ​ເຄຣນ ທີ່​ຈະ​ມີ​ຂຶ້ນ​ໃນ​ວັນ​ພະຫັດ​ມື້​ອື່ນ​ນີ້ ​ທີ່ເມືອງ Astana ປະເທດ Kazakhstan ​ໄດ້​ຖືກ​ຍົກ​ເລີກແລ້ວ. ການ​ຕໍ່ສູ້​ກັນ​ໃນ​ເມືອງ Donetsk ໄດ້ທະວີຄວາມຮ້າຍແຮງຂຶ້ນ ​ໃນ​ຫຼາຍໆ​ສັບປະດາ​ຜ່ານ​ມາ​ນີ້.

XS
SM
MD
LG