ຢູເຄຣນ ປ່ອນບັດເອົາ ສະພາຊຸດໃໝ່ (ວີດີໂອ)

KYIV —  ບ່ອນປ່ອນ​ບັດ​ໄດ້​ໄຂ​ຂຶ້ນ​ແລ້ວຢູ່​ໃນ​ປະ​ເທດ​ຢູ​ເຄຣນ ​ໃນ​ການ​ເລືອກ​ຕັ້ງ​ເອົາ ສະມາຊິກ​ສະພາ ຊຶ່ງ​ເປັນ​ການ​ແຂ່ງຂັນ​ກັນ​ລະຫວ່າງພັກ​ຂອງ​ປະທານາ ທິບໍດີ Viktor Yanukovych ທີ່​ປົກຄອງ​ປະ​ເທດ​ຢູ່​ໃນ​ຂະນະ​ນີ້ ກັບ​ຝ່າຍ​ຄ້ານ​ທີ່ແບ່ງ​ແຍກ​ກັນ.

ຄາດ​ວ່າ​ພັກ Party of Regions ຂອງ​ທ່ານ Yanukovych ຈະ​ຍັງ​ກໍາ ສຽງ​ສ່ວນຫຼາຍ​ໃນ​ສະພາ​ຕໍ່​ໄປ.

ຫລາຍໆ​ກຸ່ມ​ ທັງຢູ່ພາຍ​ນອກ ​ແລະ​ພາຍ​ໃນ​ຢູ​ເຄຣນ ພາກັນ​ສະ​ແດງ​ຄວາມສົງໄສ​ ໃນ ເລຶ່ອງຄວາມ​ຍຸຕິ​ທໍາ​ຂອງ​ການ​ປ່ອນ​ບັດຄັ້ງ​ນີ້.

ພັກ​ການ​ເມືອງຫຼາຍກວ່າ 20 ພັກ ກໍາລັງ​ແຂ່ງຂັນ​ກັນ ​ຍາດ​ເອົາ​ບ່ອນ​ນັ່ງ​ໃນສະພາ​ທີ່​ມີທັງ​ໝົດ 450 ທີ່​ນັ່ງ​ນັ້ນ ຊຶ່ງ​ໃນ​ຈໍານວນ​ດັ່ງກ່າວ​ນີ້ ເຄິ່ງນຶ່ງ ​ແມ່ນ​ຈະເປັນ​ຂອງ​ຝ່າຍ​ສຽງ​ສ່ວນ ຫຼາຍ​ເປັນ​ເທື່ອ​ທໍາ​ອິດ ​ແລະ​ສ່ວນ​ທີ່​ເຫລືອ​ນັ້ນ​ແມ່ນ​ມາຈາກ​ບັນຊີ​ພັກ.

​ໃນ​ດ້ານ​ຝ່າຍ​ຄ້ານ​ນັ້ນ ພັກ UDAR ຂອງ​ທ່ານ Vitaly Klitschko ​ແຊ້ມ​ມວຍລຸ້ນ Heavy Weight ​ແມ່ນ​ຍາດ​ເອົາ​ທີ​ສອງ ກັບ​ພັກຜະສົມ​ຂອງ​ອະດີດ​ນາຍົກລັດຖະມົນຕີ Yulia Tymoshenko ມີ​ຄະ​ແນນສູ​ສີ​ກັນ. ທ່ານ​ນາງ Yulia Tymoshenko ​ກໍາລັງ​ຮັບ​ໃຊ້​ໂທດ​ຈໍາ​ຄຸກ​ເຈັດ​ປີ ຫຼັງຈາກຖືກ​ຕັດສິນ​ວ່າ ​ມີ​ຄວາມ​ຜິດ​ໃນ​ຂໍ້​ຫາໃຊ້​ອໍານາດ​ຢ່າງ​ບໍ່​ຖືກ ຕ້ອງໃນ​ລະຫວ່າງ​ທີ່​ຄອງຕໍາ​ແໜ່​ງ​ຢູ່ ເມື່ອ​ປີຜ່ານມາ.

ເບິ່ງວີດີໂອກ່ຽວກັບ ຜູ້ນໍາພັກຝ່າຍຄ້ານ ທ່ານ Vitaly Klitschko ​ອະດີດແຊ້ມ​ມວຍ ທີ່ສູງສອງແມັດ ແລະໝັດໜັກ ຈົນໄດ້ຊື່ວ່າ “ດອກເຕີ້ ກໍາປັ້ນເຫລັກ”: