ລິ້ງ ສຳຫລັບເຂົ້າຫາ

ປະທານາທິບໍດີ ຢູເຄຣນ ກ່າວວ່າ ຈະຈັດ ການເລືອກຕັ້ງ ກ່ອນກຳນົດ (ສະໄລດ໌/ວີດີໂອ)


ຕຳຫຼວດປາບຈະລາຈົນ ກຽມຮັບມືກັບພວກປະທ້ວງ ໃກ້ໆຕຶກສະພາແຫ່ງຊາດ ໃນນະຄອນຫຼວງ Kyiv ຫລັງຈາກ ປະທານາທິບໍດີ Viktor Yanukovich ປະກາດຍອມອ່ອນຂໍ້ ໃຫ້ແກ່ ພວກຝ່າຍຄ້ານ ທີ່ນິຍົມຢູໂຣບ ຮວມທັງການເລືອກຕັ້ງ ກ່ອນກຳນົດ (21 ກຸມພາ 2014)
ປະທານາທິບໍດີຢູເຄຣນ ກ່າວວ່າ ປະເທດຂອງທ່ານ ຈະຈັດໃຫ້ມີ
ການເລືອກຕັ້ງກ່ອນກຳນົດແລະໃຫ້ຄຳໝັ້ນສັນຍາວ່າຈະສ້າງຕັ້ງ
ລັດຖະບານປະສົມ ໃນຄວາມພະຍາຍາມ ເພື່ອຍຸດຕິ ວິກິດການ
ທາງດ້ານການເມືອງທີ່ໄດ້ທະວີຄວາມຮຸນແຮງຂຶ້ນໃນຮອບສັບປະ
ດາຜ່ານມານີ້.

ນອກນັ້ນປະທານາທິບໍດີ Viktor Yanukovych ຍັງໄດ້ປະກາດ
ວ່າ ຈະດັດແປງແກ້ໄຂ ລັດຖະທຳມະນູນ ເພື່ອຕັດຮອນອຳນາດ
ຂອງປະທານາທິບໍດີລົງ.

ການປະກາດດັ່ງກ່າວນີ້ ມີຂຶ້ນຫລັງຈາກ ໄດ້ມີການເຈລະຈາຕະ
ຫຼອດຄືນ ລະຫວ່າງຜູ້ຕາງໜ້າຂອງລັດຖະບານແລະພວກຝ່າຍຄ້ານທີ່ໄກ່ເກ່ຍໂດຍພວກ
ນັກການທູດຢູໂຣບ.



ເຈົ້າໜ້າທີ່ອະວຸໂສທ່ານນຶ່ງຂອງສະຫະພາບຢູໂຣບ ກ່າວວ່າ ລັດຖະບານແລະພວກຝ່າຍ
ຄ້ານ ຄາດວ່າຈະລົງນາມກັນໃນຂໍ້ຕົກລົງຂັ້ນຕົ້ນ ໃນວັນສຸກມື້ນີ້. ແຕ່ພວກຝ່າຍຄ້ານຍັງບໍ່ ທັນໃຫ້ການຢືນຢັນກ່ຽວກັບເລື່ອງນີ້.


ຂະນະດຽວກັນກໍມີລາຍງານວ່າ ມີສຽງປືນດັງຂຶ້ນໃກ້ໆຈະຕຸລັດເອກກະລາດໃນນະຄອນ
ຫຼວງ Kyiv ຊຶ່ງເປັນຈຸດສູນກາງໃນການປະທ້ວງຕໍ່ຕ້ານລັດຖະບານ ລັດຖະບານຢູເຄຣນ ໄດ້ຖິ້ມໂທດການຍິງປືນ ໃນຕອນເຊົ້າວັນສຸກມື້ນີ້ ໃສ່ພວກປະທ້ວງທີ່ຕໍ່ສູ້ກັບຕຳຫຼວດ ແຕ່ ລາຍງານຂ່າວດັ່ງກ່າວ ຍັງບໍ່ທັນໄດ້ຮັບການຢືນຢັນເທື່ອ.



ຢູເຄຣນໄດ້ປະເຊີນກັບການນອງເລືອດຮ້າຍແຮງສຸດນັບແຕ່ສະໄໝສະຫະພາບໂຊຫວຽດ ເປັນຕົ້ນມາ ໃນວັນພະຫັດວານນີ້ ໃນະຂະທີ່ການປະທະກັນລະເບີດຂຶ້ນ ຢູ່ນະຄອນຫລວງ Kyiv ລະຫວ່າງຕຳຫຼວດປາບຈະລາຈົນ ແລະພວກປະທ້ວງຕໍ່ຕ້ານລັດຖະບານ.

ມີຫລາຍໆສິບຄົນໄດ້ເສຍຊີວິດ ບາງຄົນແມ່ນຖືກຍິງ ໂດຍມືປືນຂອງລັດຖະບານ ຊຶ່ງລາຍ ງານຂ່າວບາງກະແສແຈ້ງວ່າ ມີຜູ້ລົ້ມຕາຍຫຼາຍກວ່າ 70 ຄົນ ພຽງມື້ດຽວເທົ່ານັ້ນ.

ນອກນັ້ນຍັງມີລາຍງານວ່າ ມີອີກຫລາຍຮ້ອຍຄົນໄດ້ຮັບບາດເຈັບ.
XS
SM
MD
LG