ລິ້ງ ສຳຫລັບເຂົ້າຫາ

ວັນເສົາ, ໑໓ ກໍລະກົດ ໒໐໒໔

ປະທານາທິບໍດີ Poroshenko ແຫ່ງຢູເຄຣນ ປະຕິເສດ ແຜນການສັນຕິພາບ ຂອງຣັດເຊຍ


ປະຊາຊົນຫຼາຍສິບຄົນ ເຂົ້າຮ່ວມໃນການເດີນຂະບວນ ເພື່ອສັນຕິພາບທີ່ນະຄອນ Kyiv, ຢູເຄຣນ ວັນທີ 18 ມັງກອນ 2015.
ປະຊາຊົນຫຼາຍສິບຄົນ ເຂົ້າຮ່ວມໃນການເດີນຂະບວນ ເພື່ອສັນຕິພາບທີ່ນະຄອນ Kyiv, ຢູເຄຣນ ວັນທີ 18 ມັງກອນ 2015.

ລາຍ​ງານ​ຕ່າງໆ​ຂອງຣັດ​ເຊຍ ກ່າວ​ວ່າ ປະທານາທິບໍດີ Petro
Poroshenko ​ແຫ່ງ​ຢູ​ເຄຣນ ບໍ່​ຍອມຮັບ​ເອົາ​ແຜນການ​ສັນຕິ
ພາບທີ່​ສົ່ງ​ໄປ​ຍັງ​ທ່ານ​ຢູ່​ໃນ​ຈົດໝາຍ​ສະບັບ​ນຶ່ງ​ຈາກ​ປະທານາ
ທິບໍດີ Vladimir Putin ​ແຫ່ງຣັດ​ເຊຍ.

ສື່​ມວນ​ຊົນຣັດ​ເຊຍ ກ່າວ​ວ່າ ​ແຜນການ​ສັນຕິພາບ​ດັ່ງກ່າວ ຮຽກ
ຮ້ອງ​ໃຫ້​ທະຫານ​ຢູ​ເຄຣນ ​ແລະ​ພວກ​ຫົວ​ແບ່ງ​ແຍກ​ຖອນ​ພວກ​
ອາວຸດ​ໜັກ​ຂອງ​ຕົນ​ໃນ​ທັນທີ ​ກັບ​ຄືນ​ໄປ​ຍັງ​ເຂດ​ແດນ​ທີ່​ລະບຸ​ໄວ້
​ໃນ​ຂໍ້​ຕົກລົງ​ຢຸດ​ຍິງທີ່​ໄດ້​ລົງ​ນາມ​ກັນ​ໃນ​ເດືອນ​ກັນຍາ​ປີ​ກາຍ​ນີ້.

​ແຕ່​ລາຍ​ງານ​ສື່​ມວນ​ຊົນຣັດ​ເຊຍ ກ່າວ​ວ່າ ​ໂຄສົກ​ປະຈຳ​ທ່ານ​ພູ
​ຕິນ ກ່າວ​ວ່າ ທ່ານ Poroshenko ບໍ່​ຍອມ​ຮັບເອົາ​ແຜນການດັ່ງກ່າວ ​ແລະ​ເລີ້ມ​ລະດົມ​ຍິງ​ປືນ​ໃຫຍ່​ຄືນ​ອີກ.

ບໍ່​ມີ​ຖ້ອຍ​ຖະ​ແຫຼ​ງ​ໃດໆ​ອອກ​ມາ​ຈາກ​ປະທານາທິບໍດີ​ຂອງ​ຢູ​ເຄຣນຊຶ່ງ​ໃນວັນ​ອາທິດ​ວານ
​ນີ້ ​ໄດ້​ກ່າວ​ຕໍ່​ພວກ​ເດີນ​ຂະ​ບວນຫຼາຍ​ພັນ​ຄົນໃນ​ນະຄອນຫຼວງ Kiev ນັ້ນ. ພວກເດີນ​ຂະ​ບວນມື້ວານ​ນີ້ ​ແມ່ນ​ເພື່ອໄວ້ອາ​ໄລ​ນຳ​ພວກ​ປະຊາຊົນ 13 ຄົນ​ທີ່​ເສຍ​ຊີວິດ​ໃນ​ສັບປະດາ​
ແລ້ວ​ນີ້ ​ເວລາ​ລູກປືນ​ໃຫຍ່​ລູກ​ນຶ່ງ​ຕົກລົງ​ຖືກ​ລົດ​ບັສຂອງ​ເຂົາ​ເຈົ້າ ​ໃກ້​ກັບ​ເມືອງ Volnova
kha ຊຶ່ງ​ຢູ່​ຫ່າງ​ຈາກ​ເມືອງ Donethໄປທາງ​ພາກ​ຕາ​ເວັນ​ຕົກ​ສຽງ​ໃຕ້ປະມານ 60 ຫຼັກ​ກິ​
ໂລ​ແມັດ.

ທ່ານ Poroshenko ກ່າວ​ວ່າ ລັດຖະບານ​ຂອງ​ທ່ານ​ຈະ​ບໍ່​ຍອມ​ສະລະດິນ​ດອນ​ຕອນ​ຫຍ້າ​ຂອງ​ຢູ​ເຄຣນ​ແມ່ນ​ແຕ່​ນ້ອຍ​ດຽວ.

​ໃນ​ວັນ​ອາທິດ​ວານ​ນີ້​ເຊັ່ນ​ກັນ ກອງທັບ​ຢູ​ເຄຣນ ກ່າວ​ວ່າ ຕົນ​ໄດ້​ກວາດ​ລ້າງ​ພວກ​ກະບົດ​
ຫົວ​ນິຍົມຣັດ​ເຊຍ​ອອກ​ຈາກສ່ວນ​ຫຼາຍ​ຂອງເດີ່ນ​ເຮືອບິນ​ເມືອງ Donetsk.

ukraineairport19january15
please wait

No media source currently available

0:00 0:02:33 0:00

XS
SM
MD
LG