ປະທານາທິບໍດີ ຢູເຄຣນ ໄດ້ປະກາດໃຫ້ວັນອາທິດມື້ນີ້ ເປັນວັນ
ໄວ້ອາໄລແຫ່ງຊາດ ຫລັງຈາກທີ່ເຮືອບິນຂົນສົ່ງທະຫານລຳນຶ່ງ
ຖືກພວກແບ່ງແຍກດິນແດນຫົວນິຍົມຣັດເຊຍ ຍິງຕົກ ເຮັດໃຫ້
ທະຫານຢູເຄຣນຢູ່ໃນເຮືອ ບິນທັງໝົດ 49 ຄົນເສຍຊີວິດ.
ປະທານາທິບໍດີ Petro Poroshenko ໄດ້ປະຕິຍານວ່າ ຈະລົງ
ໂທດພວກທີ່ຮັບຜິດຊອບ ຕໍ່ເຫດການດັ່ງກ່າວ. ທ່ານໄດ້ກ່າວໃນ
ຄຳຖະແຫລງ ວ່າ ພວກທີ່ກໍ່ເຫດດັ່ງກ່າວນີ້ ຈະຕ້ອງໄດ້ພົບກັບ
“ການຕອບໂຕ້ທີ່ເໝາະສົມ.”
ລຸນຫຼັງຄຳຖະແຫລງຂອງທ່ານ ໄດ້ມີພວກປະທ້ວງກຸ່ມໃຫຍ່
ກຸ່ມໜຶ່ງພາກັນແກວ່ງດິນຈີ່ ກ້ອນຫິນແລະໄຂ່ ໃສ່ສະຖານທູດຂອງຣັດເຊຍ ໃນນະຄອນ
ຫລວງ Kyiv ແລະຂວ້ຳລົດແພງໆຫຼາຍຄັນ ທີ່ຈອດຢູ່ດ້ານໜ້າຂອງສະຖານທູດ. ໃນ
ເວລາຕໍ່ມາ ເຈົ້າໜ້າທີ່ຣັດເຊຍ ໄດ້ປະນາມຕຳຫລວດຢູເຄຣນ ທີ່ຍາມຢູ່ທາງໜ້າສະຖານ
ທູດ ທີ່ບໍ່ທຳການເຄື່ອນໄຫວໃດໆ ໂດຍເອີ້ນວ່າເປັນການລະເມີດພັນທະຕໍ່ນາໆຊາດ
ຂອງຢູເຄຣນ.
ຫ້ອງວ່າການອະທິໄອຍະການຂອງຢູເຄຣນ ເວົ້າວ່າ ທະຫານ40 ຄົນແລະຈຸບິນ 9 ຄົນ
ເສຍຊີວິດ ເວລາພວກກະບົດຍິງເຮືອບິນກອງທັບອາກາດຢູເຄຣນ ຕົກໃນຕອນເຊົ້າ
ວັນເສົາວານນີ້.
ລັດຖະມົນຕີ ປ້ອງກັນປະເທດ ກ່າວວ່າ ເຮືອບິນລຸ້ນ Ilyushin-76 ກຳລັງຈະລົງສູ່
ສະໜາມບິນເມືອງ Luhansk ເວລາ ພວກແບ່ງແຍກດິນແດນ ໃຊ້ອາວຸດປືນກົນ
ຂະນາດໃຫຍ່ ຍິງໃສ່ຈົນເຮືອບິນດັ່ງກ່າວຕົກ.
ໃນວັນ ເສົາວານນີ້ເຊັ່ນກັນ ລັດຖະມົນຕີກະຊວງການຕ່າງປະເທດ ສະຫະລັດ ທ່ານ
John Kerry ໄດ້ກົດດັນ ລັດຖະມົນຕີກະຊວງການຕ່າງປະເທດຣັດເຊຍ ທ່ານ Sergei
Lavrov ໃຫ້ສະແດງຄວາມໝັ້ນໝາຍ ຂອງ Moscow ອອກມາຢ່າງແຈ້ງຂາວ ວ່າຈະຍຸດຕິການລຳລຽງອາວຸດ ແລະລົດຖັງ ຂ້າມຊາຍແດນ ເຂົ້າໄປໃນຢູເຄຣນ ນັ້ນ.
ໄວ້ອາໄລແຫ່ງຊາດ ຫລັງຈາກທີ່ເຮືອບິນຂົນສົ່ງທະຫານລຳນຶ່ງ
ຖືກພວກແບ່ງແຍກດິນແດນຫົວນິຍົມຣັດເຊຍ ຍິງຕົກ ເຮັດໃຫ້
ທະຫານຢູເຄຣນຢູ່ໃນເຮືອ ບິນທັງໝົດ 49 ຄົນເສຍຊີວິດ.
ປະທານາທິບໍດີ Petro Poroshenko ໄດ້ປະຕິຍານວ່າ ຈະລົງ
ໂທດພວກທີ່ຮັບຜິດຊອບ ຕໍ່ເຫດການດັ່ງກ່າວ. ທ່ານໄດ້ກ່າວໃນ
ຄຳຖະແຫລງ ວ່າ ພວກທີ່ກໍ່ເຫດດັ່ງກ່າວນີ້ ຈະຕ້ອງໄດ້ພົບກັບ
“ການຕອບໂຕ້ທີ່ເໝາະສົມ.”
ລຸນຫຼັງຄຳຖະແຫລງຂອງທ່ານ ໄດ້ມີພວກປະທ້ວງກຸ່ມໃຫຍ່
ກຸ່ມໜຶ່ງພາກັນແກວ່ງດິນຈີ່ ກ້ອນຫິນແລະໄຂ່ ໃສ່ສະຖານທູດຂອງຣັດເຊຍ ໃນນະຄອນ
ຫລວງ Kyiv ແລະຂວ້ຳລົດແພງໆຫຼາຍຄັນ ທີ່ຈອດຢູ່ດ້ານໜ້າຂອງສະຖານທູດ. ໃນ
ເວລາຕໍ່ມາ ເຈົ້າໜ້າທີ່ຣັດເຊຍ ໄດ້ປະນາມຕຳຫລວດຢູເຄຣນ ທີ່ຍາມຢູ່ທາງໜ້າສະຖານ
ທູດ ທີ່ບໍ່ທຳການເຄື່ອນໄຫວໃດໆ ໂດຍເອີ້ນວ່າເປັນການລະເມີດພັນທະຕໍ່ນາໆຊາດ
ຂອງຢູເຄຣນ.
ຫ້ອງວ່າການອະທິໄອຍະການຂອງຢູເຄຣນ ເວົ້າວ່າ ທະຫານ40 ຄົນແລະຈຸບິນ 9 ຄົນ
ເສຍຊີວິດ ເວລາພວກກະບົດຍິງເຮືອບິນກອງທັບອາກາດຢູເຄຣນ ຕົກໃນຕອນເຊົ້າ
ວັນເສົາວານນີ້.
ລັດຖະມົນຕີ ປ້ອງກັນປະເທດ ກ່າວວ່າ ເຮືອບິນລຸ້ນ Ilyushin-76 ກຳລັງຈະລົງສູ່
ສະໜາມບິນເມືອງ Luhansk ເວລາ ພວກແບ່ງແຍກດິນແດນ ໃຊ້ອາວຸດປືນກົນ
ຂະນາດໃຫຍ່ ຍິງໃສ່ຈົນເຮືອບິນດັ່ງກ່າວຕົກ.
ໃນວັນ ເສົາວານນີ້ເຊັ່ນກັນ ລັດຖະມົນຕີກະຊວງການຕ່າງປະເທດ ສະຫະລັດ ທ່ານ
John Kerry ໄດ້ກົດດັນ ລັດຖະມົນຕີກະຊວງການຕ່າງປະເທດຣັດເຊຍ ທ່ານ Sergei
Lavrov ໃຫ້ສະແດງຄວາມໝັ້ນໝາຍ ຂອງ Moscow ອອກມາຢ່າງແຈ້ງຂາວ ວ່າຈະຍຸດຕິການລຳລຽງອາວຸດ ແລະລົດຖັງ ຂ້າມຊາຍແດນ ເຂົ້າໄປໃນຢູເຄຣນ ນັ້ນ.
