ປະທານາທິບໍດີຢູເຄຣນ ທ່ານ Petro Poroshenko ເຂົ້າປະ
ຊຸມສຸກເສີນກັບຫົວໜ້າຮັກສາຄວາມສະງົບໃນວັນອັງຄານມື້ນີ້
ຫຼັງຈາກທີ່ພວກຫົວແບ່ງແຍກດິນແດນ ນິຍົມຣັດເຊຍ ໄດ້ຈັດ
ການລົງຄະແນນສຽງເລືອກຕັ້ງ ຊຶ່ງໝາຍຄວາມວ່າ ຈະຢືນຢັນ
ເຖິງການແຍກໂຕອອກເປັນເອກກະລາດ ຈາກ Kyiv ຂອງ
ພວກເຂົານັ້ນ.
ທ່ານ Poroshenko ກ່າວວ່າ ການເລືອກຕັ້ງເມື່ອວັນອາທິດຜ່ານ
ມານີ້ ແມ່ນລະຄອນຕະຫລົກ ທີ່ໄດ້ລະເມີດສັນຍາຢຸດຍິງໃນ
ເດືອນກັນຍາຜ່ານມາກັບພວກກະບົດ ທີ່ທ່ານກ່າວເຖິງໃນວັນຈັນ
ວານນີ້ວ່າ ເປັນພວກໂຈນ ພວກກໍ່ການຮ້າຍ ແລະພວກແຊກ
ແຊງນັ້ນ.
ປະທານາທິບໍດີ Poroshenko ເວົ້າວ່າ “ການເລືອກຕັ້ງຈອມປອມ ທີ່ວ່ານີ້ ແມ່ນໄດ້ລະເມີດ ຂໍ້ຕົກລົງທີ່ນະຄອນ Minsk ເມື່ອວັນທີ 5 ກັນຍາຜ່ານມາ. ຕົກລົງທີ່ນະຄອນ Minsk
ແມ່ນ ໄດ້ອະນຸຍາດໃຫ້ປ່ອນບັດກ່ອນກຳນົດໄດ້ ໃນເຂດທ້ອງຖິ່ນຂອງ Donbass
ເທົ່ານັ້ນ ພາຍໃຕ້ກົດໝາຍຂອງຢູເຄຣນ. ພວກເຮົາໄດ້ໃຫ້ໂອກາດຕໍ່ພວກເຂົາເຈົ້າ. ການປ່ອນບັດທີ່ຈອມປອມ ເມື່ອວັນທີ 2 ພະຈິກ ຜ່ານມານີ້ ແມ່ນເປັນອັນຕະລາຍ ຕໍ່ຂັ້ນຕອນສັນຕິພາບທັງໝົດ ຊຶ່ງເປັນການເລີ້ມຕົ້ນທີ່ພວກເຮົາໄດ້ບັນລຸກັນມາ ໃນຄວາມພະຍາຍາມທີ່ແຂງຂັນນັ້ນ.”
ທ່ານ Poroshenko ຍັງໄດ້ກ່າວຕື່ມອີກວ່າ ທ່ານວາງແຜນທີ່ຈະຍົກເລີກບາງສ່ວນຂອງຂໍ້ຕົກ ລົງສັນຕິພາບທີ່ອາດສະເໜີໃຫ້ພວກກະບົດມີອຳນາດໃນການປົກຄອງຕົນເອງໃນລະດັບ
ໃດລະ ດັບນຶ່ງ ຕໍ່ເຂດຕ່າງໆທີ່ພວກກະບົດຄວບຄຸມຢູ່ນັ້ນ.
ການປ່ອນບັດໃນວັນອາທິດແລ້ວນີ້ມີຈຸດປະສົງ ທີ່ຈະເລືອກເອົາສະມາຊິກສະພາທີ່ນິຍົມ
ຣັດເຊຍ ເຂົ້າໄປນັ່ງຢູ່ໃນສະພານິຕິບັນຍັດ ໃນເຂດເມືອງ Luhansk ແລະ Donetsk
ທີ່ປາກເວົ້າພາ ສາຣັດເຊຍ ໃນພາກຕາເວັນອອກຂອງປະເທດນັ້ນ. ແຕ່ເຖິງຢ່າງນັ້ນກໍຕາມ ອົງການສະຫະປະ ຊາຊາດ ສະຫະລັດ ແລະສະຫະພາບຢູໂຣບ ຕ່າງກໍໄດ້ປະຕິເສດ ບໍ່ຮັບເອົາການເລືອກຕັ້ງນີ້ ແລະກ່າວວ່າ ຕົນບໍ່ຮັບຮູ້ຜົນຂອງການເລືອກຕັ້ງໃນຄັ້ງນີ້.
ໃນຂະນະດຽວກັນນັ້ນ ທີ່ວໍຊິງຕັນ ຜູ້ບັນຊາການສູງສຸດຂອງອົງການເນໂຕ ໄດ້ວາດພາບທີ່ບໍ່
ຄ່ອຍແຈ່ມໃສປານໃດ ໃນຄວາມສຳພັນຂອງປະເທດຕາເວັນຕົກ ກັບຣັດເຊຍ.
ຜູ້ນຳ ກະບົດ ຢູເຄຣນ ສາບານໂຕ ເຂົ້າຮັບຕຳແໜ່ງ
