ຄວາມຕ້ອງການທີ່ຈະສິ້ນສຸດສົງຄາມໃນ ຢູເຄຣນ ແລະ ຕາເວັນອອກກາງ, ສະຫະລັດ ຕັ້ງພາສີສິນຄ້າຕໍ່ປະເທດອື່ນໆ ແລະ ການຫຼຸດຂະໜາດຂອງລັດຖະບານ ກາງ ສະຫະລັດ, ນັ້ນແມ່ນຫົວຂໍ້ຈຳນວນນຶ່ງ ທີ່ປະທານາທິບໍດີ ດໍໂນລ ທຣຳ ຄາດວ່າ ຈະເນັ້ນຢ້ຳ ເວລາທີ່ທ່ານກ່າວຄຳປາໄສໃນການດຳລົງຕຳແໜ່ງສະໄໝທີສອງຂອງທ່ານ ຕໍ່ລັດຖະສະພາໃນອາທິດນີ້. ນັກຂ່າວວີໂອເອ ເວີຣໍນິກາ ບາລເດຣາສ ອີເກຼຊຽສ ມີລາຍງານ.
ຄືທີ່ທ່ານໄດ້ເຮັດຢ້ອນກັບຄືນໄປໃນປີ 2017, ປະທານາທິບໍດີ ສະຫະລັດ ທ່ານ ດໍໂນລ ທຣຳ ແມ່ນມີກຳນົດທີ່ຈະກ່າວຄຳປາໄສ ໃນກອງປະຊຸມຄົບຄະນະຂອງລັດຖະສະພາ ໃນວັນອັງຄານມື້ນີ້.
ສົງຄາມລະຫວ່າງ ຣັດເຊຍ ແລະ ຢູເຄຣນ ແມ່ນຄາດວ່າ ຈະເປັນປະເດັນສຳຄັນໃນຄຳປາໄສຂອງທ່ານ ທຣຳ ໃນແງ່ຄວາມພະຍາຍາມຂອງລັດຖະບານຂອງທ່ານ ທີ່ກຳລັງດຳເນີນຢູ່ເພື່ອໄກ່ເກ່ຍການເຈລະຈາສັນຕິພາບ ລະຫວ່າງຝ່າຍທີ່ຂັດແຍ້ງກັນ.
ທ່ານ ດໍໂນລ ທຣຳ ປະທານາທິບໍດີ ສະຫະລັດ ກ່າວວ່າ “ຂ້ອຍກຳລັງຊອກຫາສັນຕິພາບ. ພວກເຮົາບໍ່ໄດ້ຫາທາງໄປເຮັດສົງຄາມອີກສິບປີ ແລະ ຫຼິ້ນເກມຕ່າງໆ. ພວກເຮົາຢາກໄດ້ສັນຕິພາບ.”
ຜູ້ນຳ ສະຫະລັດ ຍັງອາດຈະໃຫ້ຂໍ້ມູນໃໝ່ຕໍ່ລັດຖະສະພາ ກ່ຽວກັບ ຈຸດຢືນຂອງທ່ານ ກ່ຽວກັບ ສົງຄາມລະຫວ່າງ ອິສຣາແອລ ກັບ ກຸ່ມຮາມາສ ແລະ ອະນາຄົດຂອງເຂດກາຊາ.
ໃນລະຫວ່າງກອງປະຊຸມຖະແຫຼງຂ່າວຮ່ວມກັບ ນາຍົກລັດຖະມົນຕີ ອິສຣາແອລ ທ່ານ ເບັນຈາມິນ ເນຕັນຢາຮູ ເມື່ອວັນທີ 4 ກຸມພາທີ່ຜ່ານມາ, ທ່ານ ທຣຳ ໄດ້ແນະນຳວ່າ "ສະຫະລັດ ຈະປ່ຽນເຂດ ກາຊາ ໃຫ້ເປັນເມືອງຕາກອາກາດແຫ່ງຕາເວັນອອກກາງ.”
ທ່ານ ດໍໂນລ ທຣຳ ກ່າວວ່າ “ສະຫະລັດ ເປັນເຈົ້າຂອງທີ່ດິນດັ່ງກ່າວ, ພັດທະນາ ແລະ ສ້າງວຽກເຮັດງານທຳຫຼາຍພັນຕຳແໜ່ງດ້ວຍບາງຢ່າງທີ່ຈະເປັນສິ່ງງົດງາມ.”
ໃນລະຫວ່າງຄຳປາໄສຂອງທ່ານຢູ່ຫໍລັດຖະສະພານັ້ນ, ບັນດານັກວິເຄາະຍັງຄາດວ່າ ທ່ານ ທຣຳ ຈະເວົ້າ ກ່ຽວກັບ ເຫດຜົນທີ່ຢູ່ເບື້ອງຫຼັງ ການກຳນົດພາສີຕໍ່ປະເທດອື່ນໆຂອງສະຫະລັດ.
ທ່ານນາງ ແຊນນອນ ໂບ ໂອ’ບຣາຍແອັນ ຈາກມະຫາວິທະຍາໄລເທັກຊັສ ກ່າວຜ່ານຊູມ ວ່າ “ຂ້າພະເຈົ້າເຊື່ອວ່າ ໃນທັດສະນະຄະຕິຂອງທ່ານ, ທ່ານເຊື່ອວ່າ ຖ້າທ່ານກຳນົດເກັບພາສີ, ມັນຈະກໍ່ໃຫ້ເກີດການຂຶ້ນລາຄາ ສົ່ງຜົນໃຫ້ບັນດາໂຮງຈັກໂຮງງານຕ້ອງກັບຄືນມາ ສະຫະລັດ ເພື່ອຫຼີກລ່ຽງພາສີທີ່ວ່ານັ້ນ.”
ທ່ານ ທຣຳ ອາດຍັງຕ້ານຢັນຕໍ່ການຕຳໜິວິຈານຈຳນວນນຶ່ງ ທີ່ລັດຖະບານຂອງທ່ານໄດ້ຮັບ ກ່ຽວກັບ ຄວາມໄວ ແລະ ຂອບເຂດຂອງຄວາມພະຍາຍາມຂອງເຂົາເຈົ້າເພື່ອຫຼຸດຜ່ອນການໃຊ້ຈ່າຍຂອງລັດຖະບານ, ຕັດການສໍ້ໂກງ ແລະ ການສິ້ນເປືອງ ແລະ ຕັດຂະໜາດກຳລັງແຮງງານຂອງລັດຖະບານກາງ.
ທ່ານນາງ ໂອ’ບຣາຍແອັນ ກ່າວຜ່ານຊູມ ອີກວ່າ “ຂ້າພະເຈົ້າຄິດວ່າ ລາວຈະເວົ້າ ກ່ຽວກັບ ມັນດັ່ງກັບມາດຕະການປະຢັດຄ່າໃຊ້ຈ່າຍ. ຂ້າພະເຈົ້າຄິດວ່າລາວຈະເວົ້າ ກ່ຽວກັບວ່າ ມັນເປັນສິ່ງທີ່ດີຫຼາຍແນວໃດ.”
ສະມາຊິກສະພາສູງ ສະຫະລັດ ທ່ານນາງ ເອລິສຊາ ສລັອດກິນ, ອະດີດນັກວິເຄາະອົງການສືບລັບ CIA ສະຫະລັດ, ທີ່ໄດ້ຖືກເລືອກໃຫ້ເປັນຝ່າຍເດໂມແຄຣັດ ເພື່ອຕອບໂຕ້ຄຳປາໄສຂອງປະທານາທິບໍດີ ທຣຳ.
ນັກວິເຄາະ ທ່ານ ໂອ’ບຣາຍແອັນ ຄິດວ່າ ປະຊາຊົນ ອາເມຣິກັນ ຄົງຈະຕິດຕາມຄຳປາໄສຂອງສະມາຊິກສະພາສູງ ສລັອດກິນ ແລະ ຄຳປາໄສເຕັມຂອງທ່ານ ທຣຳ ໂດຍຕົ້ນຕໍແລ້ວ ຢູ່ໃນການຖ່າຍທອດສົດທາງອິນເຕີເນັດ ແລະ ສື່ສັງຄົມຕ່າງໆ ໃນຄືນວັນອັງຄານນີ້ ຫຼື ອ່ານລາຍງານຈຸດເດັ່ນໃນວັນຕໍ່ມາ.
ອ່ານລາຍງານນີ້ເປັນພາສາອັງກິດ
The need to end the wars in Ukraine and the Middle East. The United States imposing tariffs on other countries, and the downsizing of the U.S. federal government. Those are some of the topics that President Donald Trump is expected to highlight when he delivers the first address of this second term in office to Congress this week.
As he did back in 2017, U.S. President Donald Trump is scheduled to address a joint session of Congress on Tuesday.
The Russia-Ukraine war is expected to feature prominently in Trump’s speech in the context of his administration’s ongoing efforts to mediate peace negotiations between the parties in conflict.
“I'm looking for peace. We're not looking to go into a 10-year war and play games. We want peace.”
The U.S. leader could also update Congress on his stance on the Israel-Hamas war and the future of Gaza.
During a joint press conference with Israeli Prime Minister Benjamin Netanyahu on February 4th, Trump suggested the U.S. transform Gaza into the quote “Riviera of the Middle East.”
“The United States owning that piece of land, developing and creating thousands of jobs with something that will be magnificent."
During his speech at the Capitol, analysts also expect that Trump will speak about the rationale behind the U.S. imposing tariffs on other countries.
"I believe in his view, he believes that if he imposes tariffs, it's going to cause a rise in prices to cause manufacturers to have to come back to the United States to avoid those tariffs.”
Trump could also push back on some criticism his administration has received
over the speed and scope of its efforts to reduce government spending, cut fraud and waste…
…and slash the size of the federal work force.
“I think he's going to talk about it as a cost-saving measure. I believe he's going to talk about how great of a thing it is.”
U.S. Senator Elissa Slotkin, a former CIA analyst, has been chosen to give the Democratic rebuttal to President Trump’s address.
Analyst O’Brien thinks Americans will probably follow Senator Slotkin’s remarks and Trump’s full address primarily on web streams or social media platforms on Tuesday night or read the highlights the following day.
ຟໍຣັມສະແດງຄວາມຄິດເຫັນ