ບໍ່ເປັນທີ່ຮູ້ຈັກວ່າ ປະທານາທິບໍດີ Viktor Yanukovych
ຢູ່ແຫ່ງຫົນໃດ ໃນວັນອາທິດມື້ນີ້ ຫຼັງຈາກທີ່ທ່ານອອກຈາກ
ນະຄອນຫຼວງ Kyiv ໄປ ໃນວັນເສົາວານນີ້ ແລະ ຜູ້ນຳຝ່າຍ
ຄ້ານແລະອະດີດນາຍົກລັດຖະມົນຕີ Yulia Tymoshenko
ໄດ້ຖືກປ່ອຍອອກຈາກຄຸກ.
ໜ່ວຍຍາມຊາຍແດນເວົ້າວ່າ ເຮືອບິນລຳນຶ່ງທີ່ຈະພາທ່ານ
Yanukovych ເດີນທາງອອກນອກປະເທດ ໃນມື້ວານນີ້
ໄດ້ຖືກຂັດຂວາງບໍ່ໃຫ້ຂຶ້ນຈາກເດີ່ນ.
ຜູ້ນຳຝ່າຍຄ້ານ ທ່ານ Vitali Klitschko ກ່າວໃນມື້ນີ້ວ່າ ອະດີດ
ຜູ້ນຳທີ່ຖືກໂຄ່ນລົ້ມ ຄວນຈະເປັນຜູ້ຮັບຜິດຊອບໂດຍເຕັມ ສຳລັບຄວາມຮຸນແຮງເຖິງຕາຍ
ທີ່ເກີດຂຶ້ນເມື່ອ 2-3 ມື້ມານີ້. ທ່ານໄດ້ມີຄວາມເຫັນ ຕໍ່ຊາວຢູເຄຣນຈຳນວນຫຼວງຫຼາຍ
ທີ່ຍັງຢູ່ທີ່ບໍລິເວນນຶ່ງຂອງເມືອງຫຼວງ ທີ່ໄດ້ເປັນຈຸດສູນກາງຂອງການປະທ້ວງທີ່ພາໃຫ້ມີ
ຄົນເສຍຊີວິດນັ້ນ.
ປາກົດວ່າ ພວກປະຊາຊົນເຫຼົ່ານັ້ນ ກຳລັງຖ້າຟັງເບິ່ງວ່າ ຈະມີຫຍັງເກີດຂຶ້ນຕໍ່ໄປ.
ຂະນະດຽວກັນ ສະພາແຫ່ງຊາດຂອງຢູເຄຣນໄດ້ປະຊຸມພິເສດກັນ ໃນວັນອາທິດມື້ນີ້ ໃນ
ຄວາມພະຍາຍາມເພື່ອປະກອບລັດຖະບານສາມັກຄີຊາດຂຶ້ນ. ໃນວັນເສົາວານນີ້ ສະພາແຫ່ງຊາດຢູເຄຣນ ໄດ້ລົງມະຕິປົດປະທານາທິບໍດີ Yanukovych ອອກຈາກຕຳແໜ່ງ
ແລະຈັດໃຫ້ມີການເລືອກຕັ້ງຂຶ້ນກ່ອນກຳນົດ ໃນວັນທີ 25 ພຶດສະພາປີນີ້.
ນອກນີ້ ສະພາຍັງໄດ້ເລືອກຕັ້ງເອົາປະທານສະພາຄົນໃໝ່ ທ່ານ Oleksandr Turchynov
ຊຶ່ງເປັນພັນທະມິດຂອງທ່ານນາງ Tymoshenko ມາຕັ້ງແຕ່ດົນນານ. ອະດີດປະທານສະ
ພາແລະຜູ້ສະໜັບສະໜຸນລັດຖະບານ ທ່ານ Voloymyr Rybak ໄດ້ລາອອກຈາກຕຳແໜ່ງ.
ປະຊາຊົນຢູເຄຣນໄດ້ໃຫ້ການຕ້ອນຮັບ ແບບວີລະສະຕີ ແກ່ຜູ້ນຳຝ່າຍຄ້ານແລະອະດີດ
ນາຍົກລັດຖະມົນຕີ Yulia Tymoshenko ທີ່ຫາກໍຖືກປ່ອຍອອກຈາກຄຸກນັ້ນ ເວລາທ່ານ
ນາງກ່າວປາໄສຕໍ່ພວກປະທ້ວງທີ່ ກຸງ Kyiev ໃນວັນເສົາວານນີ້ ຮຽກຮ້ອງໃຫ້ພວກເຂົາ
ເຈົ້າທໍາການຊຸມນຸມປະທ້ວງຕໍ່ໄປ.
ໃນຖານະເປັນພາກສ່ວນນຶ່ງຂອງຂໍ້ຕົກລົງ ເພື່ອຍຸດຕິຄວາມວຸ້ນວາຍທີ່ໄດ້ມີມາ ເປັນເວລາ
ຫຼາຍສັບປະດາແລ້ວນັ້ນ ທ່ານນາງ Tymoshenko ໄດ້ຖືກປ່ອຍໂຕເປັນອິດສະລະ ຈາກ
ໂຮງໝໍໃນຄຸກແຫ່ງນຶ່ງ ບອ່ນທີ່ທ່ານນາງໄດ້ຮັບໃຊ້ໂທດ ໃນຂໍ້ຫາໃຊ້ອຳນາດເກີນຂອບເຂດ
ຊຶ່ງເປັນຂໍ້ກ່າວຫາທີ່ພວກສະໜັບສະໜຸນທ່ານນາງເວົ້າວ່າ ເປັນການແກ້ແຄ້ນທາງດ້ານ
ການເມືອງ ຂອງປະທານາທິບໍດີ Viktor Yanukovych.
ປະທານາທິບໍດີ Yanukovych ທີ່ໄດ້ຫລົບໜີຈາກກຸງ Kyiev ໄປຍັງເມືອງ Khartiv ໃນ
ພາກຕາເວັນອອກຂອງຢູເຄຣນ ກ່າວວ່າ ການຕັດສິນໃຈຂອງສະພາແມ່ນ “ຜິດກົດໝາຍ.”
ທ່ານໄດ້ສົບທຽບຝ່າຍຄ້ານໃສ່ພວກ Nazis ແລະຢືນຢັດວ່າ ທ່ານຈະບໍ່ຍອມລາອອກຈາກ
ຕຳແໜ່ງ ຫຼືອອກຈາກຢູເຄຣນໄປ.
ເຖິງຢ່າງໃດກໍດີ ທ່ານ Yanukovych ກໍໄດ້ຖືກປົດອອກຈາກອຳນາດ ເກືອບວ່າບໍ່ມີຫຍັງ
ແລ້ວ. ຄະນະລັດຖະມົນຕີຂອງທ່ານໃຫ້ຄຳໝັ້ນສັນຍາທີ່ຈະໃຫ້ການສະໜັບສະໜຸນຄະນະ
ລັດຖະບານໃໝ່. ຝ່າຍຕຳຫຼວດກໍກ່າວວ່າ ພວກຕົນສະໜັບສະໜຸນຝ່າຍຄ້ານ ແຕ່ທາງກອງ
ທັບກ່າວວ່າ ພວກຕົນຈະບໍ່ເຂົ້າພົວພັນ.
ການປະທ້ວງໄດ້ເກີດຂຶ້ນໃນເດືອນພະຈິກປີແລ້ວນີ້ ເວລາປະທານາທິບໍດີ Yanukovych
ປ່ຽນໃຈບໍ່ຍອມເຊັນຂໍ້ຕົກລົງການຄ້າກັບສະຫະພາບຢູໂຣບ ແລ້ວຫັນໄປຜູກສາຍພົວພັນ
ທີ່ໃກ້ຊິດຂຶ້ນກັບຣັດເຊຍ. ການປະທ້ວງໄດ້ເລີ້ມຂຶ້ນຢ່າງສັນຕິ ແຕ່ໄດ້ກາຍມາເປັນຄວາມ
ຮຸນແຮງ. ມີເກືອບ 100 ຄົນເສຍຊີວິດ ຮວມທັງພວກປະທ້ວງຈຳນວນນຶ່ງ ທີ່ຖືກພວກແມ່ນ
ປືນຂອງຕຳຫຼວດ ລອບຍິງ.
ວີດີໂອ: ຊາວຢູເຄຣນສົ່ງສະການ ພວກຊີວິດ ຍ້ອນການປະທ້ວງ:
ຢູ່ແຫ່ງຫົນໃດ ໃນວັນອາທິດມື້ນີ້ ຫຼັງຈາກທີ່ທ່ານອອກຈາກ
ນະຄອນຫຼວງ Kyiv ໄປ ໃນວັນເສົາວານນີ້ ແລະ ຜູ້ນຳຝ່າຍ
ຄ້ານແລະອະດີດນາຍົກລັດຖະມົນຕີ Yulia Tymoshenko
ໄດ້ຖືກປ່ອຍອອກຈາກຄຸກ.
ໜ່ວຍຍາມຊາຍແດນເວົ້າວ່າ ເຮືອບິນລຳນຶ່ງທີ່ຈະພາທ່ານ
Yanukovych ເດີນທາງອອກນອກປະເທດ ໃນມື້ວານນີ້
ໄດ້ຖືກຂັດຂວາງບໍ່ໃຫ້ຂຶ້ນຈາກເດີ່ນ.
ຜູ້ນຳຝ່າຍຄ້ານ ທ່ານ Vitali Klitschko ກ່າວໃນມື້ນີ້ວ່າ ອະດີດ
ຜູ້ນຳທີ່ຖືກໂຄ່ນລົ້ມ ຄວນຈະເປັນຜູ້ຮັບຜິດຊອບໂດຍເຕັມ ສຳລັບຄວາມຮຸນແຮງເຖິງຕາຍ
ທີ່ເກີດຂຶ້ນເມື່ອ 2-3 ມື້ມານີ້. ທ່ານໄດ້ມີຄວາມເຫັນ ຕໍ່ຊາວຢູເຄຣນຈຳນວນຫຼວງຫຼາຍ
ທີ່ຍັງຢູ່ທີ່ບໍລິເວນນຶ່ງຂອງເມືອງຫຼວງ ທີ່ໄດ້ເປັນຈຸດສູນກາງຂອງການປະທ້ວງທີ່ພາໃຫ້ມີ
ຄົນເສຍຊີວິດນັ້ນ.
ປາກົດວ່າ ພວກປະຊາຊົນເຫຼົ່ານັ້ນ ກຳລັງຖ້າຟັງເບິ່ງວ່າ ຈະມີຫຍັງເກີດຂຶ້ນຕໍ່ໄປ.
ຂະນະດຽວກັນ ສະພາແຫ່ງຊາດຂອງຢູເຄຣນໄດ້ປະຊຸມພິເສດກັນ ໃນວັນອາທິດມື້ນີ້ ໃນ
ຄວາມພະຍາຍາມເພື່ອປະກອບລັດຖະບານສາມັກຄີຊາດຂຶ້ນ. ໃນວັນເສົາວານນີ້ ສະພາແຫ່ງຊາດຢູເຄຣນ ໄດ້ລົງມະຕິປົດປະທານາທິບໍດີ Yanukovych ອອກຈາກຕຳແໜ່ງ
ແລະຈັດໃຫ້ມີການເລືອກຕັ້ງຂຶ້ນກ່ອນກຳນົດ ໃນວັນທີ 25 ພຶດສະພາປີນີ້.
ນອກນີ້ ສະພາຍັງໄດ້ເລືອກຕັ້ງເອົາປະທານສະພາຄົນໃໝ່ ທ່ານ Oleksandr Turchynov
ຊຶ່ງເປັນພັນທະມິດຂອງທ່ານນາງ Tymoshenko ມາຕັ້ງແຕ່ດົນນານ. ອະດີດປະທານສະ
ພາແລະຜູ້ສະໜັບສະໜຸນລັດຖະບານ ທ່ານ Voloymyr Rybak ໄດ້ລາອອກຈາກຕຳແໜ່ງ.
ປະຊາຊົນຢູເຄຣນໄດ້ໃຫ້ການຕ້ອນຮັບ ແບບວີລະສະຕີ ແກ່ຜູ້ນຳຝ່າຍຄ້ານແລະອະດີດ
ນາຍົກລັດຖະມົນຕີ Yulia Tymoshenko ທີ່ຫາກໍຖືກປ່ອຍອອກຈາກຄຸກນັ້ນ ເວລາທ່ານ
ນາງກ່າວປາໄສຕໍ່ພວກປະທ້ວງທີ່ ກຸງ Kyiev ໃນວັນເສົາວານນີ້ ຮຽກຮ້ອງໃຫ້ພວກເຂົາ
ເຈົ້າທໍາການຊຸມນຸມປະທ້ວງຕໍ່ໄປ.
ໃນຖານະເປັນພາກສ່ວນນຶ່ງຂອງຂໍ້ຕົກລົງ ເພື່ອຍຸດຕິຄວາມວຸ້ນວາຍທີ່ໄດ້ມີມາ ເປັນເວລາ
ຫຼາຍສັບປະດາແລ້ວນັ້ນ ທ່ານນາງ Tymoshenko ໄດ້ຖືກປ່ອຍໂຕເປັນອິດສະລະ ຈາກ
ໂຮງໝໍໃນຄຸກແຫ່ງນຶ່ງ ບອ່ນທີ່ທ່ານນາງໄດ້ຮັບໃຊ້ໂທດ ໃນຂໍ້ຫາໃຊ້ອຳນາດເກີນຂອບເຂດ
ຊຶ່ງເປັນຂໍ້ກ່າວຫາທີ່ພວກສະໜັບສະໜຸນທ່ານນາງເວົ້າວ່າ ເປັນການແກ້ແຄ້ນທາງດ້ານ
ການເມືອງ ຂອງປະທານາທິບໍດີ Viktor Yanukovych.
ປະທານາທິບໍດີ Yanukovych ທີ່ໄດ້ຫລົບໜີຈາກກຸງ Kyiev ໄປຍັງເມືອງ Khartiv ໃນ
ພາກຕາເວັນອອກຂອງຢູເຄຣນ ກ່າວວ່າ ການຕັດສິນໃຈຂອງສະພາແມ່ນ “ຜິດກົດໝາຍ.”
ທ່ານໄດ້ສົບທຽບຝ່າຍຄ້ານໃສ່ພວກ Nazis ແລະຢືນຢັດວ່າ ທ່ານຈະບໍ່ຍອມລາອອກຈາກ
ຕຳແໜ່ງ ຫຼືອອກຈາກຢູເຄຣນໄປ.
ເຖິງຢ່າງໃດກໍດີ ທ່ານ Yanukovych ກໍໄດ້ຖືກປົດອອກຈາກອຳນາດ ເກືອບວ່າບໍ່ມີຫຍັງ
ແລ້ວ. ຄະນະລັດຖະມົນຕີຂອງທ່ານໃຫ້ຄຳໝັ້ນສັນຍາທີ່ຈະໃຫ້ການສະໜັບສະໜຸນຄະນະ
ລັດຖະບານໃໝ່. ຝ່າຍຕຳຫຼວດກໍກ່າວວ່າ ພວກຕົນສະໜັບສະໜຸນຝ່າຍຄ້ານ ແຕ່ທາງກອງ
ທັບກ່າວວ່າ ພວກຕົນຈະບໍ່ເຂົ້າພົວພັນ.
ການປະທ້ວງໄດ້ເກີດຂຶ້ນໃນເດືອນພະຈິກປີແລ້ວນີ້ ເວລາປະທານາທິບໍດີ Yanukovych
ປ່ຽນໃຈບໍ່ຍອມເຊັນຂໍ້ຕົກລົງການຄ້າກັບສະຫະພາບຢູໂຣບ ແລ້ວຫັນໄປຜູກສາຍພົວພັນ
ທີ່ໃກ້ຊິດຂຶ້ນກັບຣັດເຊຍ. ການປະທ້ວງໄດ້ເລີ້ມຂຶ້ນຢ່າງສັນຕິ ແຕ່ໄດ້ກາຍມາເປັນຄວາມ
ຮຸນແຮງ. ມີເກືອບ 100 ຄົນເສຍຊີວິດ ຮວມທັງພວກປະທ້ວງຈຳນວນນຶ່ງ ທີ່ຖືກພວກແມ່ນ
ປືນຂອງຕຳຫຼວດ ລອບຍິງ.
ວີດີໂອ: ຊາວຢູເຄຣນສົ່ງສະການ ພວກຊີວິດ ຍ້ອນການປະທ້ວງ:
