ຢູເຄຣນກ່າວວ່າ ພວກຕຳຫຼວດຊາຍແດນຂອງຕົນ ແລະເຈົ້າ
ໜ້າທີ່ພາສີຂອງຕົນ ເລີ້ມກວດກາຂະບວນລົດຂົນສົ່ງຂອງຣັດ
ເຊຍທີ່ມົສກູກ່າວວ່າ ນຳເອົາການຊ່ວຍເຫລືອດ້ານມະນຸດສະ
ທຳ ໄປໃຫ້ເຂດພາກຕາເວັນອອກ ຂອງຢູເຄຣນ ທີ່ປະສົບກັບ
ໄພສົງຄາມນັ້ນ.
ຢູເຄຣນ ໄດ້ປະຕິເສດບໍ່ອະນຸຍາດໃຫ້ ລົດຂົນສົ່ງເກືອບ 300
ຄັນເຂົ້າມາໃນປະເທດເນຶ່ອງຈາກມີຄວາມຢ້ານກົວວ່າ ຣັດເຊຍ
ອາດຈະໃຊ້ຂະບວນການຂົນສົ່ງດັ່ງກ່າວເປັນສາກບັງໜ້າ ເພື່ອ
ທຳການລຸກລານຢ່າງເຕັມອັດຕານັ້ນ.
ບັນດາເຈົ້າໜ້າທີ່ໃນນະຄອນ Kyiv ໄດ້ກ່າວວ່າ ມີແຕ່ຂະບວນລົດຂົນສົ່ງເຄື່ອງເທົ່ານັ້ນ
ຈະໄດ້ຮັບອະນຸຍາດໃຫ້ເຂົ້າໄປໃນຢູເຄຣນຫລັງຈາກກ່ອນອື່ນໝົດໄດ້ຖືກກວດກາໂດຍ
ສະພາກາແດງ.
ບັນດາເຈົ້າໜ້າທີ່ອົງການບັນເທົາທຸກສາກົນ ກ່າວວ່າ ສ່ວນໃຫຍ່ຂອງພາກຕາເວັນອອກ
ຂອງຢູເຄຣນ ຮວມທັງເມືອງ Donetsk ແລະ Luhansk ແມ່ນຂາດເຂີນຢາປົວພະຍາດ
ນໍ້າ ກິນນ້ຳໃຊ້ ແລະໄຟຟ້າ ໃນຂະນະທີ່ ກໍາ ລັງຂອງລັດຖະບານຢູເຄຣນພວມບຸກໂຈມຕີ
ທີ່ແນໃສ່ການກໍ່ກະບົດຂອງພວກແບ່ງແຍກດິນແດນ ທີ່ນິຍົມຣັດເຊຍ.
ໃນຂະນະດຽວກັນ ພວກແບ່ງແຍກດິນແດນທີ່ນິຍົມຣັດເຊຍ ຂັ້ນສູງສຸດສອງຄົນທີ່ພວມ
ຕໍ່ສູ້ກັບກຳລັງຢູເຄຣນ ໃກ້ກັບຊາຍແດນຣັດເຊຍນັ້ນ ໄດ້ລາອອກໃນວັນພະຫັດວານນີ້
ໃນຂະນະທີ່ທະຫານຢູເຄຣນ ຍິງຖະຫຼົ່ມຫລາຍເຂດໃກ້ກັບເມືອງ Luhansk ແລະ
Donetsk ທີ່ພວກກະບົດຍຶດຄອງຢູ່ນັ້ນ.
