ຄົນຕ່າງດ້າວທີ່ອາໄສຢູ່ອັງກິດຜູ້ສຸດທ້າຍ ທີ່ຕິດຄຸກສະຫະລັດຢູ່
ອ່າວກວນຕານາໂມ ປະເທດຄິວບາໄດ້ຖືກປ່ອຍໃຫ້ເປັນອິດສະ
ຫຼະແລ້ວ.
ລັດຖະມົນຕີການຕ່າງປະເທດອັງກິດ ທ່ານ Philip Hammond
ກ່າວໃນວັນສຸກມື້ນີ້ວ່າທ້າວ Shaker Aamer ຊຶ່ງເປັນຄົນສັນຊາດ
ຊາອຸດີ ອາຣາເບຍ ໄດ້ຖືກປ່ອຍ ແລະຈະເດີນທາງໄປເຖິງປະເທດ
ອັງກິດ ໃນວັນສຸກມື້ນີ້.
ທ້າວ Aamer ໄດ້ຖືກຄຸກທະຫານສະຫະລັດ ຢູ່ປະເທດຄິວບາມາ
ຕັ້ງແຕ່ປີ 2002 ແຕ່ບໍ່ເຄີຍຖືກກ່າວຫາ ຫລືດຳເນີນຄະດີເລີຍ.
ທ່ານ Andy Worthington ຜູ້ອຳນວຍການຮ່ວມຂອງກຸ່ມປຸກລະດົມພວກເຮົາຮ່ວມຕໍ່ສູ້
ກັບທ້າວ Aamer ໃນອັງກິດກ່າວໃນວັນສຸກມື້ນີ້ວ່າ ພວກເຮົາດີໃຈທີ່ໄດ້ຍິນວ່າ ການຄຸມ
ຂັງມາເປັນເວລາດົນນານ ແລະເປັນທີ່ຮັບເອົາບໍ່ໄດ້ຂອງລາວໄດ້ສິ້ນສຸດລົງແລ້ວ.
ທ້າວ Aamer ໄດ້ຖືກຈັບຢູ່ອັຟການິສຖານໃນປີ 2001.ເຈົ້າໜ້າທີ່ສະຫະລັດ ໄດ້ກ່າວຫາ
ລາວວ່າ ເປັນຜູ້ນຳພາກຳລັງສູ້ລົບຂອງກຸ່ມຕາລີບານຈຸນຶ່ງ ແລະເຄີຍພົບກັບອະດີດມື້ລາງ
ຜູ້ຂອງກຸ່ມກໍ່ການຮ້າຍອາລກາອີດາທ້າວໂອຊາມາບິນລາເດັນມາແລ້ວ. ແຕ່ທ້າວ Aamer
ຍັງສືບຕໍ່ປະຕິເສດວ່າ ລາວໄປອັຟການິສຖານ ພ້ອມກັບຄອບຄົວຂອງລາວ ເພື່ອເຮັດວຽກ
ໃນດ້ານການກຸສົນ.
ຜູ້ກ່ຽວໄດ້ພົບເຫັນວ່າພົ້ນຜິດແລະພ້ອມແລ້ວທີ່ຈະຖືກປ່ອຍຈາກຄຸກກວນຕານາໂມໃນປີ
2007 ແຕ່ຍັງຖືກຄຸມຂັງຢູ່ທີ່ນັ້ນຕໍ່ມາ.
ພວກທະນາຍຄວາມຂອງທ້າວ Aamer ກ່າວວ່າ ລູກຄວາມຂອງພວກເຂົາເຈົ້າ ໄດ້ຖືກ
ທໍລະມານທີ່ອ່າວກວນຕານາໂມ.
ສະຫະລັດໄດ້ປະກາດໃນເດືອນກັນຍາຜ່ານມານີ້ວ່າ ທ້າວ Aamer ຈະຖືກປ່ອຍໂຕ.
