ຕຳຫຼວດ ຢູ່ໃນຢູການດາໄດ້ຈັບກຸມ ຜູ້ນຳພັກຝ່າຍຄ້ານ ທ່ານ
Kizza Besigye ອີກເທື່ອໜຶ່ງ ໃນວັນຈັນມື້ນີ້ ຫຼັງຈາກຫຼາຍມື້
ຜ່ານມາ ທີ່ທ່ານໄດ້ເສຍໄຊ ໃນການເລືອກຕັ້ງປະທານາທິບໍດີ
ທີ່ທ່ານກ່າວຫາວ່າ ເປັນການສໍ້ໂກງ.
ທ່ານ Besigye ໄດ້ວາງແຜນວ່າ ຈະເດີນທາງໄປ ສຳນັກງານ
ໃຫຍ່ ຂອງຄະນະກຳມາທິການເລືອກຕັ້ງ ຢູ່ໃນນະຄອນຫຼວງ
Kampala.
ທ່ານ Besigye ໄດ້ຖືກຈັບກຸມຫຼາຍໆຄັ້ງ ໃນສັບປະດາຜ່ານ
ມາ ແລະ ຕະຫລອດເວລາ ຈົນເຖິງການເລືອກຕັ້ງ ໃນວັນ
ພະຫັດຜ່ານມາ ເຊິ່ງ ປະທານາທິບໍດີ Yoweri Museveni ໄດ້ຮັບການດຳລົງຕຳແໜ່ງອີກ
ສະໄໝໜຶ່ງ.
ຕຳຫລວດ ໄດ້ນຳໂຕທ່ານ Besigye ໄປຄວບຄຸມໄວ້ ຢູ່ໃນເຮືອນຂອງທ່ານ ໃນວັນສຸກ
ຜ່ານມາ ແລະ ກ່າວວ່າ ການເຄື່ອນໄຫວນັ້ນ ແມ່ນເພື່ອຢຸດຜູ້ກ່ຽວ ຈາກການນຳພາການ
ປະທ້ວງ ຕໍ່ຕ້ານ ໄຊຊະນະຂອງທ່ານ Museveni ທີ່ອາດຈະກາຍເປັນຄວາມຮຸນແຮງຂຶ້ນ.
ຜູ້ນຳພັກຝ່າຍຄ້ານ ໄດ້ຕອບໂຕ້ ໂດຍຮຽກຮ້ອງໃຫ້ພວກສະໜັບສະໜູນທ່ານ ທຳການປະ
ທ້ວງການກັກຕົວທ່ານໄວ້ ແລະ ຕໍ່ຜົນຂອງການເລືອກຕັ້ງ.
