ປະທານາທິບໍດີ Yoweri Museveni ແຫ່ງ Uganda ໄດ້ໄປຢ້ຽມຢາມສະຖານທ່ີຕ່າງໆທ່ີມີການຖິ້ມລະເບີດ
ຢ່າງຮ້າຍແຮງ 2 ລູກໃນນະຄອນຫລວງ Kampala ບ່ອນທ່ີປະຊາຊົນຢ່າງນ້ອຍ 64 ຄົນໄດ້ເສຍຊີວິດໄປ
ໃນຂະນະທ່ີໄປເຕົ້າໂຮມກັນຊົມການແຂ່ງຂັນກີລາເຕະບານໂລກບັ້ນສຸດທ້າຍນັ້ນ ແລະປະຊາຊົນອີກຫລາຍສິບຄົນ
ໄດ້ຮັບບາດເຈັບ.ໃນວັນຈັນມື້ນີ້ ທ່ານ Museveni ໄດ້ເອີ້ນພວກໂຈມຕີນັ້ນວ່າເປັນພວກກໍ່ການຮ້າຍ ແລະກ່າວຕໍ່ໄປວ່າ
Uganda ຈະຊອກຫາແລະຈັບກຸມພວກທຳການໂຈມຕີເຫລົ່ານີ້ ບໍ່ວ່າພວກເຂົາຈະຢູ່ບ່ອນໃດກໍຕາມ.
ຍັງບໍ່ທັນມີໃຜອ້າງເອົາຄວາມຮັບຜິດຊອບໃນການໂຈມຕີໃນແລງວັນອາທິດວານນີ້ເທ່ືອ.
ເຈົ້າໜ້າທ່ີຕຳຫລວດທ່ານນຶ່ງກ່າວວ່າ ທ່ານສົງໄສວ່າກຸ່ມມຸສລິມຫົວຮຸນແຮງ al-Shabab ຂອງໂຊມາເລຍອາດຈະຢູ່ເບື້ອງ
ຫລັງຂອງການວາງລະເບີດທ່ີມີການປະສານງານກັນເຫລົ່ານີ້ ຊຶ່ງຈະເຮັດໃຫ້ເປັນການໂຈມຕີຄັ້ງທຳອິດຂອງກຸ່ມດັ່ງກ່າວ
ຢູ່ນອກປະເທດ
ໂຊມາເລຍນັ້ນ.
ກຸ່ມAl-Shabab ຄວບຄຸມພາກພື້ນທ່ີດິນສ່ວນຫລາຍໃນນະຄອນຫລວງMogadishu ຂອງໂຊມາເລຍ ແລະໄດ້ຫ້າມການ
ຖ່າຍທອດທາງວິທະຍຸການແຂ່ງຂັນເຕະບານໂລກຮອບສຸດທ້າຍໃນເຂດນັ້ນ.
ຜູ້ບັນຊາການກຸ່ມ al-Shabab ກ່າວໃນນະຄອນຫລວງ Moghadishu ວ່າ ທ່ານດີໃຈໃນການໂຈມຕີຄັ້ງນີ້ທ່ີ Uganda ນັ້ນ
ແຕ່ທ່ານບໍ່ໄດ້ກ່າວຢືນຢັນຫລືປະຕິເສດວ່າກຸ່ມດັ່ງກ່າວເປັນຜູ້ຮັບຜິດຊອບໃນການໂຈມຕີຄັ້ງນີ້ຫລືບໍ?
ບັນດາເຈົ້າໜ້າທ່ີກ່າວວ່າ ເຂົາເຈົ້າເຊື່ອວ່າ ການລະເບີດເຫລົ່ານີ້ເກີດການການຈູດກະນວນວັດຖຸລະເບີດຈາກຜູ້ວາງລະເບີດສະລະຊີບ.
