ໂຮງແຮມແຫ່ງນຶ່ງທີ່ສະຫະລັດອາຫຣັບເອເມີເຣັດ ໄດ້ເປີດ
ໂຕອັນທີ່ທາງໂຮງແຮມເວົ້າວ່າເປັນຕົ້ນຄຣິສຕ໌ມາສທີ່ແພງ
ທີ່ສຸດໃນໂລກ.
ຕົ້ນຄິຣສຕ໌ມາສທຽມທີ່ສູງ 13 ແມັດຢູ່ໂຮງແຮມ Emira-
tes Palace ໃນອາບູດາບີ ມີເຄື່ອງເອ້ຍ້ອງປະດັບປະດາ
ໄປດ້ວຍ ເພັດ ໄຂ່ມຸກ ແລະແກ້ວພິລາ ຮວມກັນທັງໝົດ
181 ເມັດ. ສ່ວນໃຫຍ່ ຂອງເພັດນິນຈິນດາເຫຼົ່ານີ້ ແມ່ນ
ເປັນສາຍຄໍ ແລະຕຸ້ມຫູທີ່ໃຫ້ຢືມມາເອ້ຍ້ອງໂດຍຮ້ານຂາຍ
ເພັດພອຍໃນເຂດທ້ອງຖິ່ນ.
ພວກຜູ້ຈັດການຂອງໂຮງແຮມໄດ້ເປີດໂຕຕົ້ນຄຣິສຕ໌ມາສ
ທີ່ມີລາຄາແພງດັ່ງກ່າວໃນອາທິດນີ້ ໂດຍເວົ້າວ່າ ພວກ
ເຂົາເຈົ້າຫວັງວ່າ ຈະໄດ້ຖືກຮັບຮູ້ ຫຼື ບັນທຶກລົງໃນປື້ມ ສະຖິຕິໂລກ Guinness Book.
ນອກນັ້ນແລ້ວ ຕົ້ນຄຣິສຕ໌ມາສຂະໜາດໃຫຍ່ທີ່ຕັ້ງຢູ່ໃນບໍລິເວນຫ້ອງໂຖງຂອງໂຮງແຮມຍັງ
ມີເຄື່ອງປະດັບອື່ນໆ ຮວມທັງໂບ ເຄື່ອງຕົກແຕ່ງ ທີ່ເປັນຮູບຊົງມົນ ໄຟແສງສີແລະເຄື່ອງເອ້
ຕ່າງໆຕາມປະເພນີຂອງບຸນຄຣິສຕ໌ມາສອີກດ້ວຍ.
