ບັນດາເຈົ້າໜ້າທີ່ຍີ່ປຸ່ນ ກ່າວວ່າ ພາຍຸໄຕ້ຝຸ່ນຮ້າຍແຮງຫົວນຶ່ງ ທີ່ໄດ້ຜັດຜ່ານໝູ່ ເກາະທາງພາກໃຕ້ສຸດຂອງປະເທດ ໄດ້ເຮັດໃຫ້ຢ່າງໜ້ອຍ ຫ້າຄົນ ໄດ້ຮັບບາດເຈັບ ແຕ່ບໍ່ໄດ້ສ້າງຄວາມເສຍຫາຍໃຫຍ່ຫລວງໃດໆ.
ພາຍຸໄຕ້ ຝຸ່ນທີ່ຊື່ວ່າ ບໍລະເວນ (Bolaven) ຕາມຊື່ພູພຽງບໍລະເວນໃນປະເທດ ລາວນັ້ນ ຍັງສືບຕໍ່ນໍາເອົາຝົນຕົກໜັກ ແລະລົມແຮງມາສູ່ເກາະ Okinawa ແລະ Amami ໃນວັນຈັນມື້ນີ້ ໃນຂະນະທີ່ກໍາລັງພັດເຄື່ອນເຂົ້າໄປສູ່ເຂດທະເລຈີນຕາເວັນອອກ. ປະມານ 75,000 ຄົນຢູ່ໃນສອງເກາະດັ່ງກ່າວບໍ່ມີໄຟຟ້າໃຊ້. ການຄົມມະ
ນາຄົມ ໄດ້ຮັບຜົນກະທົບ ແລະໂຮງຮຽນຕ່າງໆຕ້ອງໄດ້ອັດລົງ.
ຄາດ ກັນວ່າ ໄຕ້ຝຸ່ນບໍລະເວນ ຈະສົ່ງຜົນກະທົບຕໍ່ຫລາຍໆເຂດຂອງແຫລມເກົາຫລີ ໃນຕອນແລງມື້ນີ້ ແລະພາກຕາເວຫນອອກຂອງຈີນ ໃນວັນພຸດ.
ໃນຂະນະດຽວກັນ ພາຍຸອີກຫົວນຶ່ງທີ່ຢູ່ໃນຂົງເຂດ ກໍກໍາລັງຫັນກັບຄືນເຂົ້າສູ່ເກາະໄຕ້ຫວັນ ອີກຄັ້ງນຶ່ງ.
ບັນດາ ນັກພະຍາກອນອາກາດ ຄາດຄະເນວ່າ ພາຍຸ Tembin ຈະພັດຜ່ານ ເກາະໄຕ້ຫວັນ ໄປໃນຕອນເດິກຂອງວັນຈັນມື້ນີ້ ຫລືບໍ່ກໍຕອນເຊົ້າວັນອັງຄານມື້ອື່ນ. ພາຍຸຫົວນີ້ໄດ້ຖະຫລົ່ມໄຕ້ຫວັນເທື່ອນຶ່ງແລ້ວໃນວັນສຸກຜ່ານມາ ກ່ອນທີ່ມັນຈະເຄື່ອນອອກສູ່ທະເລ ແຕ່ກັບຖືກໄຕ້ຝຸ່ນບໍລະເວນຂວາງທາງ ແລະຕີກັບຄືນສູ່ໄຕ້ຫວັນອີກ.
