ມີຢ່າງໜ້ອຍ 9 ຄົນເສຍຊີວິດຍ້ອນລົມໄຕ້ຝຸ່ນ Meranti ທີ່ພັດເຂົ້າຖະຫຼົ່ມພາກຕາເວັນອອກ ສຽງໃຕ້ຂອງຈີນ ແລະເກາະໄຕ້ຫວັນ. ນອກນັ້ນແລ້ວຍັງມີອີກຫຼາຍໆ ຄົນໄດ້ຫາຍສາບສູນ.
ໄຕ້ຝຸ່ນ Meranti ຊຶ່ງພັດເຂົ້າຖະຫຼົ່ມຈີນແຜ່ນດິນໃຫຍ່ໃນຕອນເຊົ້າວັນພະຫັດວານນີ້ ເປັນລົມໄຕ້ຝຸ່ນທີ່ແຮງສຸດ ທີ່ພັດເຂົ້າຖະຫຼຼົ່ມພາກຕາເວັນອອກສຽງໃຕ້ຂອງປະເທດ ນັັບຕັ້ງແຕ່
ໄດ້ມີການກໍ່ຕັ້ງປະເທດຄອມມູນິສຈີນ ໃນປີ 1949 ແລະເປັນລົມພາຍຸທີ່ແຮງທີ່ສຸດ ຂອງໂລກ ພາຍໃນປີນີ້ ອີງຕາມລາຍງານຂອງອົງການຂ່າວຊິນຫົວ.
ມີຫລາຍຮ້ອຍພັນຄົນຕ້ອງໄດ້ຍົກຍ້າຍອອກໜີລ່ວງໜ້າ ກ່ອນທີ່ລົມພາຍຸຈະໄປຮອດ ແລະຖ້ຽວບິນຫຼາຍສິບຖ້ຽວແລະການບໍລິການທາງລົດໄຟຈຳນວນນຶ່ງຕ້ອງ ໄດ້ມີການຍົກເລີກ.
ລົມພາຍຸຫົວນີ້ ຖືກຈັດວ່າ ເປັນຊູເປີ້ໄຕ້ຝຸ່ນ ກ່ອນທີ່ຈະອ່ອນກຳລັງລົງຫລັງຈາກໄດ້ພັດເຂົ້າຖະຫຼົ່ມພາກໃຕ້ຂອງເກາະໄຕ້ຫວັນ.
ໄຕ້ຝຸ່ນແມ່ນມັກເກີດຂຶ້ນຢູ່ເລື້ອຍໆໃນໄລຍະນີ້ຂອງປີ ຊຶ່ງມີກຳລັງແຮງເພີ້ມຂຶ້ນ ໃນຂະນະທີ່ລົມພາຍຸພັດຜ່ານນ້ຳທະເລທີ່ມີຄວາມອຸ່ນຂອງມະຫາສະມຸດປາຊີຟິກ ແລະນຳເອົາລົມແຮງແລະຝົນຕົກໜັກໄປສູ່ທີ່ລົມພາຍຸດັ່ງກ່າວພັດເຂົ້າຖະຫຼົ່ມ.
