—
ທີ່ຍີ່ປຸ່ນ ຢ່າງນ້ອຍ ນຶ່ງຄົນໄດ້ເສຍຊີວິດ ແລະ ຫຼາຍກວ່າ
30 ຄົນ ໄດ້ຮັບບາດເຈັບ ເວລາໄຕ້ຝຸ່ນ ຮາລອງ (Halong)
ໄດ້ພັດປະທະເກາະ Shikoku ທາງພາກໃຕ້ຂອງປະເທດ.
ພາຍຸດັ່ງກ່າວໄດ້ພັດຂຶ້ນຝັ່ງ ໃນຕອນເຊົ້າຂອງວັນອາທິດມື້ນີ້
ຊຶ່ງໄດ້ກະຕຸ້ນໃຫ້ໄດ້ມີການເຕືອນໂດຍທັນທີ ໃຫ້ພົນລະເມືອງ
ຫຼາຍກວ່ານຶ່ງລ້ານຄົນ ຍົກຍ້າຍອອກໄປ. ຖ້ຽວບິນຫຼາຍກວ່າ
200 ຖ້ຽວໄດ້ຖືກງົດ ແລະ ລົດໄຟຄວາມໄວສູງບາງສາຍ ໄດ້
ຖືກງົດບໍລິການໃນມື້ນີ້ ຊຶ່ງເປັນວາລະເລີ້ມຕົ້ນ ງານບຸນສາສະໜາ
ພຸດ Obon ເປັນເວລານຶ່ງອາທິດ.
ກົມອຸຕຸນິຍົມວິທະຍາຍີ່ປຸ່ນ ພະຍາກອນວ່າ ພາຍຸຮາລອງ ຈະພັດຂ້າມ ເກາະໃຫຍ່ Honshu ພ້ອມກັບຝົນຕົກໜັກ ປະມານ 40 ຊັງຕີແມັດ ກ່ອນທີ່ຈະພັດຜ່ານເຂົ້າໄປຍັງ ທະເລຍີ່ປຸ່ນ ໃນຕອນແລງຂອງວັນອາທິດມື້ນີ້.
