ລິ້ງ ສຳຫລັບເຂົ້າຫາ

ວັນອັງຄານ, ໑໖ ເມສາ ໒໐໒໔

ອາຈານ​ສອນ​ສອງ​ຄົນ ຈາກມະຫາວິທະຍາໄລ ຖືກດັກສະກັດສັງຫານ ຢູ່ພາກຕາເວັນອອກ ຂອງ ເຄັນຢາ


ພວກເຈົ້າໜ້າທີ່ຕິດອາວຸດ ຢູ່ບ່ອນເກີດເຫດ ບ່ອນທີ່ແມ່ຍິງ ສອງຄົນ
ຖືກສັງຫານ ຢູ່ເມືອງ Ukunda ຝັ່ງທະເລພາກໃຕ້ຂອງ ນະຄອນ Mombasa ປະເທດ Kenya ທີ 10 ຕຸລາ 2017.
ພວກເຈົ້າໜ້າທີ່ຕິດອາວຸດ ຢູ່ບ່ອນເກີດເຫດ ບ່ອນທີ່ແມ່ຍິງ ສອງຄົນ ຖືກສັງຫານ ຢູ່ເມືອງ Ukunda ຝັ່ງທະເລພາກໃຕ້ຂອງ ນະຄອນ Mombasa ປະເທດ Kenya ທີ 10 ຕຸລາ 2017.

ສະມາຊິກຄະນະອາຈານ​ສອນ​ສອງ​ຄົນ​ໄດ້​ຖືກ​ສັງຫານ​ຢູ່​ທີ່ ມະຫາວິທະຍາ​ໄລ​ເທັກ​ນິກ
​ໃນ​ວັນ​ອັງຄານ​ມື້​ນີ້ ​ເວລາ​ຂະ​ບວນລົດ​ເຂົາ​ເຈົ້າ​ໄດ້​ຖືກ​ລອບ​ດັກ​ສະກັດ​ຍິງ ​ໃນ​ຂະນະ​ທີ່​
ຂັບ​ໄປ​ຕາມ​ຊາຍ​ຝັ່ງ​ມະຫາ​ສະໝຸດ​ອິນ​ເດຍຂອງ​ເຄັນ​ຢາ.

ຫົວໜ້າ​ຕຳຫລວດ​ທ້ອງ​ຖິ່ນ ທ່ານ Larry Kieng ກ່າວວ່າ ​ພວກນັກສຶກສາ​ກຸ່ມນຶ່ງ ​ແລະ​ສະມາຊິກຄະນະ​ອາຈານ​ສອນ​ຈາກ​ມະຫາວິທະຍາ​ໄລ​ທັກ​ນິກ ຂອງ​ເມືອງ Mombassa
​ໄດ້​ຖືກ​ນຳພາ​ ຈາກ​ທີ່​ພັກ​ຂອງເຂົາ​ເຈົ້າ​ໄປ​ມະຫາວິທະຍາ​ໄລ ​ເວລາ​ກຸ່ມມື​ປືນ​ເຕັ້ນ​ອອກ​
ມາ​ຈາກ​ຟຸ່ມ​ໄມ້ ​ແລະ​ເປີດ​ສາກ​ຍິງໃສ່.

ຄົນ​ຂັບ​ລົດຜູ້​ນຶ່ງ ​ແລະ​ເຈົ້າ​ໜ້າ​ທີ່​ຕຳຫລວດ​ສອງ​ຄົນ ທີ່​ອາລັກຂາ​ຂະ​ບວນລົດ ​ຄັນດັ່ງ
ກ່າວ ໄດ້​ຮັບ​ບາດ​ເຈັບ​ໃນ​ການ​ໂຈມ​ຕີນັ້ນ.

​ຍັງ​ບໍ່​ທັນ​ພິສູດ​ໄດ້​ເທື່ອວ່າ ພວກ​ມື​ປືນແມ່ນໃຜ ​ແຕ່​ທ່ານ Kieng ກ່າວ​ວ່າ ພວກ​ຫົວ​ຮຸນ
​ແຮງ al-Shabab ​ເປັນ​ທີ່​ຕ້ອງ​ສົງ​ໄສ​ວ່າມີ​ການ​ພົວພັນ. ພວກ​ຫົວ​ຮຸນ​ແຮງ​ອິສລາມ ​
ໄດ້​ນຳພາການປະຕິບັດ​ການ​ໂຈມ​ຕີ​ຢູ່​ຕາມ​ຊາຍ​ຝັ່ງ​ເຄັນຢາ ​ໃນ​ບໍ່​ເທົ່າ​ໃດ​ປີ​ທີ່​ຜ່າ​ນມາ.
ກຸ່ມ​ມື​ປືນ al-Shabab ​ໄດ້​ສັງຫານນັກ​ສຶກສາ 148 ຄົນ​ລະຫວ່າງ​ການ​ໂຈມ​ຕີ​ຢູ່​ມະຫາ
ວິທະຍາ​ໄລ Garissa ຢູ່​ທາງ​ພາກ​ຕາ​ເວັນ​ອອກ​ຂອງ​ເຄັນ​ຢາ ​ໃນ​ວັນ​ທີ 15 ​ເດືອນ
​ເມສາ ປີ 2015.

ອ່ານຂ່າວນີ້ເພີ້ມເປັນພາສາອັງກິດ

XS
SM
MD
LG