ທະຫານຮັກສາສັນຕິພາບອົງການສະຫະປະຊາຊາດ ສອງຄົນໄດ້ຖືກຂ້າຕາຍ ແລະ
ຫຼາຍຄົນໄດ້ຮັບບາດເຈັບໃນເຫດການຕ່າງກັນຢູ່ປະເທດ ມາລີ ເມື່ອວັນເສົາວານນີ້.
ອົງການຮັກສາສັນຕິພາບ MINUSMA ໄດ້ກ່າວໃນຖະແຫຼງຂ່າວສະບັບນຶ່ງວ່າ ທະ
ຫານໝວກກັນກະທົບສີຟ້າຂອງເຂົາເຈົ້າໃນເມືອງ ເບີ (Ber) ຢູ່ພາກພື້ນ ທິມບັກຕູ
(Timbuktu) ໄດ້ຕອບໂຕ້ການໂຈມຕີທີ່ຊັບຊ້ອນ” ຈາກລົດກະບະ ຫຼາຍຄັນດ້ວຍປືນ
ລູກໝາກປີ, ປືນກົນ ແລະ ລະເບີດອື່ນໆ. ທະຫານຮັກສາສັນຕິພາບສອງຄົນທີ່ຖືກຂ້າ
ຕາຍໃນເຫດການດັ່ງກ່າວ ແມ່ນມາຈາກປະເທດ ເບີກິນາ ຟາໂຊ ແລະ ທະຫານອີກ
ຫຼາຍຄົນ ໄດ້ຮັບບາດເຈັບ.
ໃນເຫດການທີ່ຕ່າງກັນນັ້ນ ທະຫານຮັກສາສັນຕິພາບຊາວ ໂຕໂກ ຫຼາຍຄົນ ກໍໄດ້ຮັບ
ບາດເຈັບ ເມື່ອຂະບວນລົດຂອງເຂົາເຈົ້າ ໄດ້ແລ່ນໄປຢຽບເອົາລະເບີດໃນເມືອງ ຄອນ
ນາ, ຕັ້ງຢູ່ພາກພື້ນ ມັອບຕີ ຂອງປະເທດ ມາລີ.
ບໍ່ມີກຸ່ມໃດອອກມາອ້າງເອົາຄວາມຮັບຜິດຊອບ ສຳລັບການໂຈມຕີດັ່ງກ່າວ, ແຕ່ມັນ
ຄ້າຍຄືກັບການໂຈມຕີທີ່ເຊື່ອມໂຍງ ກັບ ກຸ່ມທີ່ມີສາຍພົວພັນກັບພວກ ອາລ-ໄກດາ.
ສະພາຄວາມໝັ້ນຄົງ ອົງການສະຫະປະຊາຊາດ ໄດ້ກ່າວປະນາມເຫດການດັ່ງກ່າວ
“ດ້ວຍຄຳເວົ້າທີ່ຮຸນແຮງທີ່ສຸດ” ແລະ ໄດ້ເຕືອນວ່າ ການໂຈມຕີຕ່າງໆ ທີ່ແນເປົ້າໃສ່ທະ
ຫານຮັກສາສັນຕິພາບ “ອາດເປັນອາຊະຍາກຳສົງຄາມ ພາຍໃຕ້ກົດໝາຍສາກົນ.”
