ລິ້ງ ສຳຫລັບເຂົ້າຫາ

ມີສອງບັດ ທີ່ຖືກເລກ ລັອດເຕີລີ 580 ລ້ານໂດລາ ໃນ ສະຫະລັດ


ມີສອງຄົນ ຖືກເລກ ລົດຕາລີ 580 ລ້ານໂດລາ ຢູ່ໃນ ສະຫະລັດ
ເຈົ້າ​ໜ້າ​ທີ lottery ກ່າວ​ວ່າ ມີສອງ​ບັດທີ່​ຖືກລາງວັນ​ທີ​ນຶ່ງ ຊຶ່ງ
ຈະ​ແບ່ງປັນເງິນຈຳນວນມ​ະຫາ​ສານ ​ເປັນ​ເງິນ​ກ້ອນ​ໃຫຍ່​ອັນ​
ດັບ​ສອງໃນ​ປະວັດ​ສາດຂອງ ສະຫະລັດ ທີ່​ມີ​ມູນ​ຄ່າ​ປະມານ
580 ລ້ານ​ໂດ​ລາ.

ບັນດາ​ເຈົ້າ​ໜ້າ​ທີ່ ​ໄດ້​ປະກາດ​ບໍ່​ເທົ່າ​ໃດ​ຊົ່ວ​ໂມງຫລັງ​ຈາກ​ມີການ​ຈົກ​ເອົາ​ນໍ້​າ​ເບີ Powerball ​ໃນ​ຕອນ​ແລງ​ວັນ​ພຸດ ມີ​ສອງ​ບັດ​ຊື້ໄປ​ແລ້ວ​ນັ້ນ ຖືກ​ເລກ​ໝົດ​ທັງ 6 ​ໂຕ. ໂອກາດ​ທີ່​ຈະ​ຖືກ​ເລກ​ດັ່ງກ່າວ​ນີ້​ ຄາດ​ຄະ​ເນ ວ່າມີ​ຢູ່ 1 ​ໃນ​ຈໍານວນ 175 ລ້ານ​ຄົນ.

​ສ່ວນ 8 ລ້ານ 9 ​ແສນ​ຄົນ ພາກັນຖືກລາງວັນ ​ນ້ອຍ​ລົງ​ມາ​ຈໍານວນ​ນຶ່ງ ຊຶ່ງ​ຮວມ​ທັງ​ໝົດ​ແລ້ວ​ຕົກ​ເປັນ​ເງິນຫລາຍ​ກວ່າ 131 ລ້ານ​ໂດ​ລາ.

​ເງິນ​ລາງວັນ​ກ້ອນ​ໃຫຍ່ ໄດ້​ຄູນ​ຂື້ນ​ມາ​ຫລາຍ​ເດືອນ​ແລ້ວ ຊຶ່ງ​ບໍ່​ມີ​ຜູ້​ຊື້ຄົນໃດ​ ຖືກເລກ​ທັງ​ໝົດຫົກ​ໂຕ ມາເປັນ​ເວລາ 16 ​ເທື່ອຕິດ​ຕໍ່​ກັນ ຈາກການ​ຈົກ​ສະຫລາກເອົານໍ້າ​ເບີ.

​ໂອກາດອັນ​ໃຫຍ່​ຫລວງ​ນີ້ ​ເຮັດ​ໃຫ້​ຊາວ​ອາ​ເມຣິກັນເປັນ​ລ້ານໆພາກັນ​ລຽນ​ແຖວ​ລໍຖ້າຊື້ລັອດ​ເຕີ​ລີ ໃນການ​ຈົກ​ສະຫລາກເອົາໂຕ​ເລກ ໃນ​ວັນ​ພຸດວານ​ນີ້. ຢູ່​ໃນ​ບາງ​ລັດ ບັດ​ລັອດ​ເຕີ​ລີລາຄາ 2 ​ໂດ​ລາ​ ໄດ້ຂາຍກັນ ​ໃນ​ອັດຕາ 10.000 ​ບັດ ​ຕໍ່​ນຶ່ງ​ນາທີ.

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG