ນາຍົກລັດຖະມົນຕີ ການາດາ ທ່ານ Justin Trudeau ກ່າວວ່າ
ຫ້າຄົນໄດ້ເສຍຊີວິດ ແລະຢ່າງໜ້ອຍສອງຄົນ ໄດ້ຮັບບາດເຈັບ
ສາຫັດ ໃນການຍິງກັນຢູ່ໂຮງຮຽນມັດທະຍົມແຫ່ງໜຶ່ງໃນແຂວງ
Saskatchewan ໃນເຂດທົ່ງຮາບທາງພາກຕາເວັນຕົກຂອງ
ປະເທດ.
ທ່ານ Trudeau ກ່າວຈາກເມືອງ Davos ປະເທດ Switzerland
ວ່າ ຜູ້ຕ້ອງສົງໄສຖືກເຈົ້າໜ້າທີ່ຈັບໂຕແລ້ວ. ທ່ານ Trudeau ກ່າວ
ໃນວັນສຸກວານນີ້ວ່າ “ນີ້ແມ່ນຄວາມຝັນຮ້າຍຂອງພໍ່ແມ່ທຸກໆຄົນ.”
ການຍິງກັນໄດ້ເກີດຂື້ນຢູ່ທີ່ຮງຮຽນ ແລະສະຖານທີ່ອີກແຫ່ງໜຶ່ງທີ່
ສອກຫຼີກຫ່າງໄກຂອງປະຊາຄົມພື້ນເມືອງ La Loche. ນາຍົກລັດຖະມົນຕີ ບໍ່ໄດ້ເປີດເຜີຍ
ລາຍລະອຽດໃດໆກ່ຽວກັບສກະຖານທີ່ແຫ່ງທີສອງ.
ຍັງບໍ່ທັນເປັນທີ່ແຈ່ມແຈ້ງວ່າ ມີຈັກຄົນໄດ້ເສຍຊີວິດ ຢູ່ໂຮງຮຽນ. ຕຳຫຼວດຢູ່ໃນເມືອງທີ່ມີ
ປະຊາກອນປະມານ 3,000 ຄົນຕັ້ງຢູ່ປະມານ 600 ກິໂລແມັດທາງພາກເໜືອຂອງເມືອງ
Saskatoon ແຕ່ຍັງບໍ່ໄດ້ເປີດເຜີຍໃຫ້ຊາບລາຍລະອຽດໃດໆ.
Facebook ຂອງໂຮງຮຽນ ກ່າວວ່າ ທາງໂຮງຮຽນຍັງຈະປິດລົງຈົນ ກວ່າຕຳຫລວດລັດ
ຖະບານກາງການາດາ ແກ້ໄຂເລື້ອງດັ່ງກ່າວ ແລະໄດ້ບອກໃຫ້ປະຊາຊົນ ຢ່າໄດ້ເຂົ້າໄປ
ໃກ້ສະຖານທີ່ແຫ່ງນີ້.
ທ່ານ Bobby Cameron ຫົວໜ້າສະຫະພັນຂອງປະເທດອິນເດຍແດງ ໃນແຂວງ Sas-
katchewan ກ່າວວ່າ ມັນສເປັນໂສກນາດຕະກຳທີ່ຮ້າຍແຮງສຸດທີ່ບໍ່ມີມາກ່ອນໃນປະຊາ
ຄົມ.
ທ່ານກ່າວວ່າ “ມັນເປັນເລື້ອງທີ່ບໍ່ຄິດບໍ່ຝັນເກີດຂື້ນຢູ່ທີ່ນີ້. ປະຊາຄົມທັງໝົດໃນແຂວງແລະ
ໃນປະເທດ ໄດ້ຮັບຜົນກະທົບ ແລະເຮົາທຸກຄົນຈະພາກັນທຳການໄວ້ອາໄລ.”
