ບັນດານັກເຄື່ອນໄຫວກ່າວວ່າ ສອດແນມຄົນນຶ່ງຂອງຊີເຣຍໄດ້ຖືກຍິງຕາຍຢູ່ໃນ
ເມືອງຫລວງ Damuscus ໃນຂະນະດຽວກັນເຫດລະເບີດແຕກເຮັດໃຫ້ມີຜູ້
ໄດ້ຮັບບາດເຈັບ
ສາມຄົນ.
ການໂຈມຕີເກີດຂື້ນທ່າມກາງທີ່ມີຄວາມຢ້ານກົວວ່າ ບັນຫາຂັດແຍ້ງທີ່ ດຳເນີນ
ມາເປັນເວລາ 13 ເດືອນ ໄດ້ມີການໃຊ້ກໍາລັງທະຫານເພີ່ມຂຶ້ນ ແລະການດຳເນີນ
ຄວາມພະຍາຍາມທາງດ້ານການທູດ ເພື່ອຮັກສາໄວ້ຊຶ່ງການຢຸດຍິງທີ່ວ່າເກືອບບໍ່
ມີຄວາມໝາຍເລີຍນັ້ນ ຍັງດໍາເນີນຕໍ່ໄປ.
ກຸ່ມສັງເກດການສິດທິມະນຸດຊີເຣຍ ທີ່ມີສຳນັກງານຢູ່ອັງກິດ ກ່າວຕໍ່ວີໂອເອວ່າ
ເຈົ້າໜ້າທີ່ຄົນນຶ່ງສືບລັບຊີເຣຍຄົນນຶ່ງໄດ້ຖືກຂ້າຕາຍໃນຕອນເຊົ້າຂອງວັນອັງຄານ
ມື້ນີ້ ທີ່ຄຸ້ມ Barzeh ແຕ່ບໍ່ໄດ້ໃຫ້ຂໍ້ມູນເພີ້ມເຕີມ. ລັດຖະບານຊີເຣຍກໍບໍ່ໄດ້ໃຫ້
ຄວາມເຫັນໃດໆກ່ຽວກັບເລື້ອງດັ່ງກ່າວ.
ພວກກະບົດທີ່ກໍາລັງຊອກຫາທາງໂຄນລົ້ມປະທານາທິບໍດີ Bashar al-Assad
ໄດ້ທຳການໂຈມຕີເພີ່ມຂຶ້ນໃສ່ເປົ້າໝາຍທາງທະຫານແລະ ເຈົ້າໜ້າທີ່ຮັກສາຄວາມ
ປອດໄພ ຊຶ່ງຈໍານວນນຶ່ງໄດ້ຂ້າຕາຍຢູ່ໃນລົດ ຂອງພວກເຂົາເຈົ້າ ໃນລະຫວ່າງທີ່
ກໍາລັງໄປເຮັດວຽກ.
ເຫດຮ້າຍອັນທີ່ສອງນັ້ນ ລາຍງານໂທລະພາບທີ່ສະໜັບສະໜຸນລັດຖະ ບານໄດ້
ຖິ້ມໂທດໃສ່ “ພວກກໍ່ການຮ້າຍທີ່ຕິດອາວຸດ” ເວລາລົດບັນທຸກຂອງທະຫານໄດ້ລະ
ເບີດຂື້ນທີ່ຄຸ້ມ ຢູ່ Marjeh ໃນກຸງ Damuscus ຄົນຂັບລົດບັນທຸກ ແລະຄົນໂດຍ
ສານສອງຄົນໃນລົດທີ່ຢູ່ໃກ້ຄຽງໄດ້ຮັບບາດເຈັບ ແລະຖືກນໍາສົ່ງໂຮງໝໍ.
ການໂຈມຕີໄດ້ມີຂື້ນໃນຂະນະທີ່ ຄະນະສັງເກດການຂອງສະຫະປະຊາຊາດ ໄປ
ຢ້ຽມຢາມຄຸ້ມ Douma ທີ່ຕັ້ງຢູ່ໃນເຂດຊານເມືອງ. ພວກນັກ ເຄື່ອນໄຫວແລະນັກ
ຖ່າຍພາບວີດີໂອສະໝັກຫຼິ້ນຄົນນຶ່ງ ລາຍງານການຍິງປືນໃຫຍ່ຖະຫລົ່ມ ແລະການ
ສູ້ລົບກັນຢູ່ໃນເຂດດັ່ງກ່າວ ນຶ່ງມື້ຫລັງຈາກ 55 ໄດ້ເສຍຊີວິດໃນທົ່ວຊີເຣຍສ່ວນໃຫ່ຍ
ແມ່ນຢູ່ທີ່ເມືອງ Hama ເມືອງທີ່ຜູ້ສັງເກດການໄດ້ຢ້ຽມຢາມມື້ນຶ່ງກ່ອນໜ້ານີ້.
ຕໍ່ມາໃນວັນອັງຄານມື້ນີ້ ທູດນາໆຊາດທ່ານ Kofi Annan ຈະລາຍງານຕໍ່ສະພາ
ຄວາມໝັ້ນຄົງສະຫະປະຊາຊາດ ໃນການດຳເນີນຄວາມ ພະຍາຍາມໄກ່ເກ່ຍຂອງ
ທ່ານ ແລະການສົ່ງຜູ້ສັງເກດການຈໍານວນ 300 ຄົນໄປຊີເຣຍ ທີ່ຫາກໍ່ໄດ້ຮັບອະນຸ
ຍາດຈາກສະພາຄວາມໝັ້ນຄົງໃນວັນເສົາແລ້ວນີ້.
ບັນດາຜູ້ນໍາຝ່າຍຄ້ານຊີເຣຍທີ່ລີ້ໄພຢູ່ຕ່າງປະເທດກ່າວວ່າ ຈໍານວນດັ່ງກ່າວນີ້ ແມ່ນ
ນ້ອຍເກີນໄປທີ່ຈະຄວບຄຸມແດນໃນຊີເຣຍທັງໝົດ.
