ລິ້ງ ສຳຫລັບເຂົ້າຫາ

20 ຄົນ ເສຍຊີວິດ ໃນເຫດວາງລະເບີດ ຢູ່ປາກິສຖານ (ວີດີໂອ)


ເຈົ້າ​ໜ້າ​ທີ່​ໃນ​ພາກ​ຕາ​ເວັນ​ຕົກ​ສຽງ​ເໜືອຂອງ​ປາ​ກິສຖານ ກ່າວ​
ວ່າ ລະ​ເບີດ​ທີ່​ແນ​ເປົ້າ​ໝາຍໃສ່​ຂະ​ບວນລົດ​ກອງທັບ​ຈຸ​ນຶ່ງ ​ໄດ້​
ສັງຫານ​ທະຫານ​ປາ​ກິສຖານ​ ຢ່າງ​ໜ້ອຍ 20 ຄົນ​ແລະ​ເຮັດ​ໃຫ້
ບາດ​ເຈັບ​ຕື່ມ​ອີກ​ ຢ່າງ​ໜ້ອຍ 30 ຄົນ.

ທາງ​ການ​ປາ​ກິສຖານ​ກ່າວ​ວ່າ ການ​ໂຈມ​ຕີ​ດັ່ງກ່າວມີ​ຂຶ້ນ​ໃນ​ວັນ
​ອາທິດ​ມື້​ນີ້ ​ໃນຂະນະ​ທີ່​ຂະ​ບວນລົດຂອງ​ກອງທັບ​ ​ກຳລັງ​ກຽມ
ຈະອອກເດີນທາງ ທີ່​ເຮັດ​ເປັນ​ປະ​ຈໍາ​ທຸກ​ສັບປະດາ ຈາກ​ເມືອງ
Bannu ​ໄປ​ຫາ​ຂົງ​ເຂດ​ຊົນ​ເຜົ່າ Waziristan ​ເໜືອ​ທີ່​ປະສົບ​ກັບ
​ຄວາມ​ວຸ້ນວາຍ ທີ່​ຖື​ວ່າ​ເປັນ​ບ່ອນ​ລີ້​ຊ່ອນຫລົບໄພຂອງ​ພວກ​ນັກ
​ຕໍ່ສູ້​ຫົວ​ຮຸນ​ແຮງ ​ທີ່ເຊື່ອມ​ໂຍງ​ກັບເຄືອ​ຂ່າຍ​ al-Quaida ນັ້ນ.

​ເຈົ້າ​ໜ້າ​ທີ່​ກອງທັບ ກ່າວ​ວ່າ ລົດຄັນ​ນຶ່ງ​ໃນ​ຂະ​ບວນ​ໄດ້​ລະ​ເບີດຂຶ້ນ​ນັ້ນ ຊຶ່ງ​ເປັນ​ລົດ​ທີ່ເຊົ່າ​ມາ​
ຈາກ​ຊາວ​ເມືອງ Bannu ຄົນ​ນຶ່ງ. ກອງທັບ​ກ່າວ​ວ່າ ພວກ​ຕົນ​ໄດ້ເຊົ່າຍານພາຫະນະ​ເຫຼົ່າ​ນີ້​ ​
ມາ​ຈາກປະຊາຊົນໃນ​ເຂດທ້ອງ​ຖິ່ນ ຢູ່​ເລື້ອຍໆ.

ກຸມ​ຕາ​ລີ​ບານ ​ໄດ້​ອ້າງ​ເອົາ​ຄວາມ​ຮັບຜິດຊອບ​ໃນ​ການ​ໂຈມ​ຕີ​ຄັ້ງ​ນີ້. ​ໂຄສົກ​ກຸ່ມ​ຕາ​ລີບານ
ກ່າວ​ວ່າ ກຸ່ມ​ຂອງ​ຕົນ​ຈະທທຳການໂຈມ​ຕີ​ແບບ​ນີ້ຫລາຍ​ຂຶ້ນ ​ໃນ​ອະນາ​ຄົດ.
XS
SM
MD
LG