ເຮືອຂ້າມຟາກລຳນຶ່ງ ທີ່ນຳສົ່ງຜູ້ໂດຍສານ ຫຼາຍກວ່າ 200 ຄົນ
ໄດ້ເກີດອຸບັດເຫດຫຼົ້ມຈົມລົງ ຢູ່ນອກຝັ່ງທາງພາກຕາເວັນຕົກ
ຂອງມຽນມາ ເຮັດໃຫ້ຢ່າງນ້ອຍ 33 ຄົນເສຍຊີວິດ ແລະຢ່າງນ້ອຍ
ອີກຫຼາຍສິບຄົນຍັງຫາຍສາບສູນຢູ່.
ເຮືອຂ້າມຟາກຊື່ວ່າ Aung Takon ໄດ້ຫຼົ້ມຈົມລົງ ເມື່ອຕອນເດິກ
ວັນສຸກຜ່ານມາ ຫຼັງຈາກທີ່ໄດ້ປະເຊີນກັບຄືນທະເລທີ່ສູງ ໃນການ
ເດີນທາງຈາກເມືອງ Kyaukphy ໄປຍັງເມືອງ Sittwe ໃນລັດ
Rakhine ທາງກ້ຳຕາເວັນຕົກຂອງປະເທດ.
ບັນດາເຈົ້າໜ້າທີ່ກ່າວວ່າ 167 ຄົນ ໄດ້ຖືກຊ່ວຍຊີວິດໄວ້ໄດ້ ແຕ່
ສ່ວນທີ່ເຫຼືອນັ້ນ ເຊື່ອກັນວ່າ ໄດ້ຈົມນ້ຳເສຍຊີວິດແລ້ວ. ເຖິງຢ່າງ
ໃດກໍຕາມ ບັນດາພົນລະເມືອງໃນທ້ອງຖິ່ນ ກ່າວວ່າ ອາດມີຫລາຍ
ກ່ວານັ້ນ ທີ່ເສຍຊີວິດຍ້ອນວ່າ ພວກເຂົາເຈົ້າເຊື່ອວ່າ ພວກຜູ້ໂດຍ
ສານຫຼາຍຄົນ ແມ່ນບໍ່ມີຊື່ໃນລາຍຊື່ຜູ້ໂດຍສານ ແລະ ເຮືອລຳ
ດັ່ງກ່າວໄດ້ບັນຈຸຜູ້ຄົນເກີນກຳນົດ.
ອຸບັດເຫດທາງທະເລ ແມ່ນເກີດຂຶ້ນເປັນປົກກະຕິ ຢູ່ໃນເຂດເອເຊຍ
ຕາເວັນອອກສຽງໃຕ້ບ່ອນທີ່ຫຼາຍໆຄົນກາງຕໍ່ ການສັນຈອນທາງເຮືອ ທີ່ເກົ່າແກ່ ແລະ ແອອັດ.
