ລິ້ງ ສຳຫລັບເຂົ້າຫາ

ຮູບເງົາເລື້ອງ 12 Years a Slave ກັບ American Hustle ຄ້ວາລາງວັນ Golden Gloves Awards (ສະໄລດ໌)


ຈາກຊ້າຍ ຫາຂວາ ດາລາຮູບເງົາ Lupita Nyong'o, Chiwetel Ejiofor, Steve McQueen, Sarah Paulson, and Michael Fassbender
ຮູບ​ເງົາ​ຊີວິດ ອິງປະຫວັດສາດ ທີ່​ຊື່ວ່າ 12 Years a Slave ຫລື
12 ປີ​ຂອງ​ການ​ເປັນ​ຂ້າ​ທາດ ​ໄດ້​ເປັນ​ມ້າ​ມືດ ຄ້ວາ​ເອົາ​ລາງວັນ​
ຮູບ​ເງົາດີ​ເດັ່ນ​ມາ​ໄດ້ ​ໃນ​ພິທີ​ມອບ​ລາງວັນ Golden Gloves
Award ປະ​ຈໍາປີທີ 71 ຂອງ ສະມາຄົມ​ສື່​ມວນ​ຊົນ​ຕ່າງປະ​ເທດ
ຂອງ Hollywood ທີ່​ເມືອງ Berverly Hills ​ໃນ​ຄືນວັນ​ອາທິດ
​ວານ​ນີ້.

​ຮູບ​ເງົາ​ດັ່ງກ່າວ ຊຶ່ງ​ອິງ​ໃສ່ເລື້ອງຊີວິດ​ຈິງ ​ໃນສະ​ໄໝສັດຕະວັດ​
ທີ່ 19 ກ່ຽວ​ກັບຜູ້​ຊາຍຜິວ​ດໍາ ອິດ​ສະລະ ຄົນ​ນຶ່ງ ທີ່​ໄດ້ຕົກເປັນ​
ຂ້າ​ທາດ ແລະ​ໄດ້ຕໍ່ສູ້​ຈົນ​ກັບ​ຄືນ​ມາໄດ້​ຮັບ​ອິດ​ສະລະພາບອີກ ​
ໄດ້​ຄວ້າເອົາ​ລາງວັນ Golden Gloves ປະ​ເພດ​ຮູບ​ເງົາ
ຊີວິດ ທີ່ດີ​ເດັ່ນ​.

ສ່ວນ​ຮູບ​ເງົາ American Hustle ​ ກ່ຽວ​ກັບນັກ​ສິນລະ​ປິນຫລອກ​ລວງ ​ໃນ​ຊຸມ​ປີ 1970
ໄດ້ຮັບລາງວັນ ຮູບ​ເງົາ​ຕະຫລົກທີ່​ດີ​ເດັ່ນ ​ແລະ​ນໍາ​ເອົາລາງວັນ​ນັກສະ​ແດງ​ເດັ່ນ ມາ​ໃຫ້ຜູ້​
ສະ​ແດງຍິງ​ສອງ​ຄົນ ຄື Amy Adams ​ແລະ​ Jennifer Lawrence.

ລາງວັນສະ​ແດງ​ບົດ​ຊີວິດ​ດີ​ເດັ່ນ ໄດ້​ຕົກ​ເປັນ​ຂອງດາລາ​ຊາຍ Matthew McConaughey ​
ຈາກ​ຮູ​ບ​ເງົາເລື່ອງ Dallas Buyers Club ​ແລະດາລາ​ຍິງ Cate Blanchett ຈາກ​ເລື່ອງ
Blue Jasmine ຂອງ Woody Allen​.

ລາງວັນ Golden Globes ​ຊຶ່ງເປັນລາງວັນ​ຮູບ​ເງົາ​ອັນທໍາ​ອິດຂອງ​ປີ ​ແມ່ນ​ຖື​ກັນວ່າ ​ເປັນ​
ສິ່ງທໍານາຍ​ໃຫ້​ຮູ້ລ່ວງ​ໜ້າ​ວ່າ ຮູບ​ເງົາ​ເລື້ອງ​ໃດ​ຈະ​ໄດ້​ຮັບ ​ລາງວັນ​ອອສກ້າ ຫລືຕຸ໊ກກະຕາ
​ທອງ​ຄໍາ.

ທ່ານອາດຈະມັກເລື້ອງນີ້ຄືກັນ

XS
SM
MD
LG