​ພວກ​ປະ​ທ້ວງໃນເທີກີ ຍັງບໍ່ຍອມສະຫລາຍໂຕ (ວີດິໂອ)

ຕໍາຫຼວດ​ເທີ​ກີໄດ້​ໃຊ້​ທໍ່​ສີດ​ນໍ້າ​ ​ຂັບ​ໄລ່​ພວກ​ປະ​ທ້ວງຫຼາຍພັນ​ຄົນ ທີ່​ເຕົ້າໂຮມ​ກັນ​ຢູ່​ຈະຕຸ​ລັດ​ໃຈກາງ​ເມືອງ Istanbul ​ໃນ​ການ​ຝ່າຝືນ​ຕໍ່​ຄໍາ​ສັ່ງ​ຂອງ​ລັດຖະບານ.

​ເມື່ອ​ວັນ​ເສົາ​ວານ​ນີ້ ພວກ​ປະ​ທ້ວງ ​ໄດ້​ຂ່ວງ​ດອກ​ carnations ​
ໃສ່​ຕໍາ ຫຼວດ ​ແລະ​ເວົ້າ​ວ່າພວກ​ເຂົາ​ເຈົ້າພາກັນ​ອອກ​ມາ​ໄວ້​ອາ
​ໄລແກ່​ພວກສີ່​ຄົນ ທີ່​ເສຍ​ຊີວິດ​ໃນ​ການ​ປະ​ທ້ວງ ທີ່​ແກ່ຍາວ​ມາ​
ດົນ​ເກືອບ​ນຶ່ງ​ເດືອນ​ນັ້ນ. ພວກ​ປະ​ທ້ວງ ບາງ​ຄົນ​ສັນຍາ​ວ່າ​ຈະ​ບໍ່
​ທໍ້ຖອຍ ​ໃນ​ສິ່ງ​ທີ່​ພວກ​ເຂົາ​ເຈົ້າ​ເອີ້ນ​ວ່າ ການ​ຢືນ​ຢັດຕໍ່ຕ້ານ​ການ​
ປາບ​ປາມເສລີພາບ​ຂອງ​ລັດຖະບານ.

ຈະຕຸ​ລັດ Taksim ​ໄດ້​ກາຍ​ເປັນ​ບ່ອນປະ​ທ້ວງ​ຕໍ່ຕ້ານ​ລັດຖະບານ​ມາ ​ເກືອບ​ໝົດ​ເດືອນ​ມິຖຸນາ ​ແລະ​ນາຍົກລັດຖະມົນຕີ Recep Tayyip Erdogan ​ໄດ້​ຂູ່​ວ່າ​ຈະ​ໃຊ້​ກໍາລັງ​ທະ ຫານ​ເພື່ອ​ສະຫຼາຍຕົວ​ພວກ​ປະ​ທ້ວງ​ນັ້ນ.

​ໃນ​ມື້ວານ​ນີ້ ທ່ານ​ເອີ​ດວນ ​ໄດ້​ໄປ​ຢ້ຽມຢາມ​ເມືອງ Samsun ທີ່​ຕັ້ງ​ຢູ່​ແຄມ ຝັ່ງ​ທະ​ເລ​ດໍາ
ຊຶ່ງ​ຢູ່​ທີ່​ນັ້ນ ​ທ່ານ​ໄດ້​ບອກ​ພວກ​ສະ​ໜັບສະ​ໜຸນ​ທ່ານຫຼາຍພັນ​ຄົນ​ວ່າ ການ​ປະ​ທ້ວງ​ທີ່​ຍືດ​
ເຍື້​ອມາ​ໄດ້​ເກືອບ​ນຶ່ງ​ເດືອນ​ນັ້ນ ​ແມ່​ນ​ຖືກ​ຍຸຍົງ​ໂດຍຊາວ​ຕ່າງປະ​ເທດ.

ການ​ປະ​ທ້ວງໄດ້ເລິ່ມຕົ້ນຂຶ້ນ ດ້ວຍ​ການ​ເດີນ​ຂະ​ບວນ​ຢ່າງ​ສັນຕິ ​ໃນ​ທ້າຍ​ເດືອນພຶດສະພາ ຜ່ານ​ມາ ​ເພື່ອ​ຕໍ່ຕ້ານ​ແຜນການ​ຂອງ​ລັດຖະບານ ທີ່​ຈະເອົາພື້ນ​ທີ່​ສວນສາທາລະນະ​ປະ
ຫວັດສາດ​ແຫ່ງ​ນຶ່ງ​ໃນ​ເມືອງ Istanbul ມາສ້າງ​ເປັນ​ຍ່ານ​ການ​ຄ້າ ​ແລະ​ໄດ້​ກາຍ​ເປັນ​ການ​ປະ​ທ້ວງ​ໃນ​ທົ່ວ​ປະ​ເທດ ຫຼັງຈາກເຈົ້າໜ້າ​ທີ່​ໄດ້​ໃຊ້​ກໍາລັ​ງ​ເກີນ​ຂອບ​ເຂດ​ ຕໍ່ຕ້ານ​ພວກ​ປະ​ທ້ວງ​ນັ້ນ.

ເບິ່ງວີດີໂອ: