ລັດຖະມົນຕີສະພາບແວດລ້ອມຂອງເທີກີ ໄດ້ກາຍມາເປັນ
ສະມາຊິກຄົນທີສາມຂອງຄະນະລັດຖະບານເທີກີ ທີ່ປະກາດ
ລາອອກ ໃນວັນພຸດມື້ນີ້ ອັນເປັນຜົນສືບເນື່ອງມາຈາກການ
ສອບສວນເລື້ອງການສໍ້ລາດບັງຫລວງຂອງເຈົ້າໜ້າທີ່ລະດັບສູງ.
ທ່ານ Erdogan Bayraktar ປະກາດວ່າ ທ່ານຈະລາອອກຈາກ
ຕໍາແໜ່ງ ໃນລະຫວ່າການໃຫ້ສໍາພາດຂ່າວ ແກ່ໂທລະພາບຊ່ອງ
NTV ຊຶ່ງໃນການໃຫ້ສໍາພາດນັ້ນ ທ່ານໄດ້ ນຮຽກຮ້ອງໃຫ້ ນາຍົກ
ລັດຖະມົນຕີ Recep Tayyip Erdogan ລາອອກເຊັ່ນກັນ.
ລັດຖະມົນຕີກະຊວງພາຍໃນ ແລະລັດຖະມົນຕີເສດຖະກິດ ຂອງ
ເທີກີ ຕ່າງກໍໄດ້ລາອອກຈາກໜ້າທີ່ໃນວັນພຸດມື້ນີ້ ຍ້ອນພົວພັນກັບ
ການສໍ້ລາດບັງຫລວງ ໃນລະດັບສູງ ທີ່ຕົກເປັນຂ່າວນອງນັນ.
ບັນດາລູກຊາຍຂອງລັດຖະມົນຕີເສດຖະກິດ ທ່ານ Zafer
Caglayan ແລະລັດຖະມົນຕີກະຊວງພາຍໃນ ທ່ານ Muammer
Guler ຮວມຢູ່ ໃນຈໍານວນ 24 ຄົນທີ່ຖືກຈັບອາທິດແລ້ວນີ້ ໃນຂໍ້ຫາຮັບເງິນສິນບົນໃນຄະດີທີ່ພົວພັນກັບການໃຫ້ເງິນກູ້ຢືມ ຂອງທະນາຄານລັດວິສາຫະກິດ Halkbank.
ໃນວັນອາທິດ ທີ່ຜ່ານມານີ້ ນາຍົກລັດຖະມົນຕີເທີກີ ທ່ານ Recep
Tayyip Erdogan ໄດ້ເຕືອນຄູ່ແຂ່ງຂອງທ່ານວ່າ ທ່ານຈະຕາມລ່າຫາໂຕ ແລະ “ຫັກມືພວກ
ເຂົາເຈົ້າ” ຖ້າເຂົາເຈົ້າຫາກສວຍໃຊ້ ຂ່າວນອງນັນເລື້ອງການຮັບເງິນສິນບົນ ທີ່ພວມຂະຫຍາຍ
ກ້ວາງອອກນັບມື້ນັ້ນ ບ່ອນທໍາລາຍການປົກຄອງຂອງທ່ານ. ໃນຂະນະທີ່ທ່ານພວມໃຫ້ຄວາມ
ເຫັນດັ່ງກ່າວ ພວກປະທ້ວງທີ່ໂມໂຫໂທໂສ ກໍໄດ້ເຕົ້າໂຮມກັນຢູ່ທີ່ຈະຕຸລັດ Kadikoy ໃນນະ
ຄອນອິສຕັນບູລແລະຮຽກຮ້ອງໃຫ້ ລັດຖະບານ ພັກຍຸຕິທໍາແລະການພັດທະນາຂອງທ່ານ
Erdogan ລາອອກ.
ນາຍົກລັດຖະມົນຕີ Erdogan ໄດ້ຕອບໂຕ້ຕໍ່ການສອບສວນກ່ຽວກັບ ຄະດີຮັບເງິນສິນບົນ
ຂອງທະນາຄານ Halkbank ດ້ວຍການກວດລ້າງ ກໍາລັງຕໍາຫລວດແລະໄດ້ປົດເຈົ້າໜ້າທີ່
ຕໍາຫລວດຫຼາຍຄົນອອກຈາກໜ້າ ທີ່ ຍ້ອນໃຫ້ການຮ່ວມມືໃນການສືບສວນ ໂດຍບໍ່ໄດ້ຮັບ
ອະນຸຍາດ.
ສະມາຊິກຄົນທີສາມຂອງຄະນະລັດຖະບານເທີກີ ທີ່ປະກາດ
ລາອອກ ໃນວັນພຸດມື້ນີ້ ອັນເປັນຜົນສືບເນື່ອງມາຈາກການ
ສອບສວນເລື້ອງການສໍ້ລາດບັງຫລວງຂອງເຈົ້າໜ້າທີ່ລະດັບສູງ.
ທ່ານ Erdogan Bayraktar ປະກາດວ່າ ທ່ານຈະລາອອກຈາກ
ຕໍາແໜ່ງ ໃນລະຫວ່າການໃຫ້ສໍາພາດຂ່າວ ແກ່ໂທລະພາບຊ່ອງ
NTV ຊຶ່ງໃນການໃຫ້ສໍາພາດນັ້ນ ທ່ານໄດ້ ນຮຽກຮ້ອງໃຫ້ ນາຍົກ
ລັດຖະມົນຕີ Recep Tayyip Erdogan ລາອອກເຊັ່ນກັນ.
ລັດຖະມົນຕີກະຊວງພາຍໃນ ແລະລັດຖະມົນຕີເສດຖະກິດ ຂອງ
ເທີກີ ຕ່າງກໍໄດ້ລາອອກຈາກໜ້າທີ່ໃນວັນພຸດມື້ນີ້ ຍ້ອນພົວພັນກັບ
ການສໍ້ລາດບັງຫລວງ ໃນລະດັບສູງ ທີ່ຕົກເປັນຂ່າວນອງນັນ.
ບັນດາລູກຊາຍຂອງລັດຖະມົນຕີເສດຖະກິດ ທ່ານ Zafer
Caglayan ແລະລັດຖະມົນຕີກະຊວງພາຍໃນ ທ່ານ Muammer
Guler ຮວມຢູ່ ໃນຈໍານວນ 24 ຄົນທີ່ຖືກຈັບອາທິດແລ້ວນີ້ ໃນຂໍ້ຫາຮັບເງິນສິນບົນໃນຄະດີທີ່ພົວພັນກັບການໃຫ້ເງິນກູ້ຢືມ ຂອງທະນາຄານລັດວິສາຫະກິດ Halkbank.
ໃນວັນອາທິດ ທີ່ຜ່ານມານີ້ ນາຍົກລັດຖະມົນຕີເທີກີ ທ່ານ Recep
Tayyip Erdogan ໄດ້ເຕືອນຄູ່ແຂ່ງຂອງທ່ານວ່າ ທ່ານຈະຕາມລ່າຫາໂຕ ແລະ “ຫັກມືພວກ
ເຂົາເຈົ້າ” ຖ້າເຂົາເຈົ້າຫາກສວຍໃຊ້ ຂ່າວນອງນັນເລື້ອງການຮັບເງິນສິນບົນ ທີ່ພວມຂະຫຍາຍ
ກ້ວາງອອກນັບມື້ນັ້ນ ບ່ອນທໍາລາຍການປົກຄອງຂອງທ່ານ. ໃນຂະນະທີ່ທ່ານພວມໃຫ້ຄວາມ
ເຫັນດັ່ງກ່າວ ພວກປະທ້ວງທີ່ໂມໂຫໂທໂສ ກໍໄດ້ເຕົ້າໂຮມກັນຢູ່ທີ່ຈະຕຸລັດ Kadikoy ໃນນະ
ຄອນອິສຕັນບູລແລະຮຽກຮ້ອງໃຫ້ ລັດຖະບານ ພັກຍຸຕິທໍາແລະການພັດທະນາຂອງທ່ານ
Erdogan ລາອອກ.
ນາຍົກລັດຖະມົນຕີ Erdogan ໄດ້ຕອບໂຕ້ຕໍ່ການສອບສວນກ່ຽວກັບ ຄະດີຮັບເງິນສິນບົນ
ຂອງທະນາຄານ Halkbank ດ້ວຍການກວດລ້າງ ກໍາລັງຕໍາຫລວດແລະໄດ້ປົດເຈົ້າໜ້າທີ່
ຕໍາຫລວດຫຼາຍຄົນອອກຈາກໜ້າ ທີ່ ຍ້ອນໃຫ້ການຮ່ວມມືໃນການສືບສວນ ໂດຍບໍ່ໄດ້ຮັບ
ອະນຸຍາດ.
