ລິ້ງ ສຳຫລັບເຂົ້າຫາ

ວັນອັງຄານ, ໑໙ ມີນາ ໒໐໒໔

ເທີກີ ຂຶ້ນພາສີ ສິນຄ້າ ຂາເຂົ້າ ຈາກ ສຫລ ທ່າມກາງ ການໂຕ້ຖຽງກັນ


ບັນດານັກທຸລະກິດ ພາກັນຈັບເງິນໂດລາ ຢູ່ບ່ອນແລກປ່ຽນເງິນ ໃນການສະໜອງຕອບ ຕໍ່ຄຳຮຽກຮ້ອງຂອງ ປະທານາທິບໍດີ ຣິເຊບ ຕາຍຍິບ ເອີດວນ ໃຫ້ຂາຍເງິນໂດລາອອກ ແລະຮັກສາເງິນຢູໂຣໄວ້.
ບັນດານັກທຸລະກິດ ພາກັນຈັບເງິນໂດລາ ຢູ່ບ່ອນແລກປ່ຽນເງິນ ໃນການສະໜອງຕອບ ຕໍ່ຄຳຮຽກຮ້ອງຂອງ ປະທານາທິບໍດີ ຣິເຊບ ຕາຍຍິບ ເອີດວນ ໃຫ້ຂາຍເງິນໂດລາອອກ ແລະຮັກສາເງິນຢູໂຣໄວ້.

ເທີ​ກີ ໃນ​ວັນ​ພຸດ​ມື້​ນີ້ ​ໄດ້​ປະກາດ​ການ​ເກັບ​ພາສີ​ເພີ້ມ​ຂຶ້ນ ຕໍ່​ສິນຄ້າ​ຫຼາຍ​ຢ່າງ​ຂອງ​ສະຫະ
ລັດ ອັນເປັນ​ການ​ເຄື່ອນ​ໄຫວຫ​ລ້າ​ສຸດ ໃນການຕອບໂຕ້ກັນໄປມາ ທ່າມ ກາງ​ຄວາມ​ສຳ
ພັນ ​ທີ່ກຳລັງຊຸດໂຊມ​ລົງ ​ລະຫວ່າງປະເທດທັງສອງ​.

ການ​ເກັບ​ພາສີ​ເພີ້​ມດັ່ງກ່າວ ແມ່ນມີຕໍ່​ສິນຄ້າຂາ​ເຂົ້າ ​ເຊັ່ນ​ລົດຍົນ ​ເຫຼົ້າ ຖ່ານ​ຫີນ ​ເຂົ້າ
​ແລະ​ເຄື່ອງສຳອາງ.

ຮອງ​ປະທານາທິບໍດີ​ເທີ​ກີ ທ່ານຟວາດ ອົກ​ເຕ ກ່າວ​ຢູ່​ໃນ​ການ​ສົ່ງ​ຂໍ້ຄວາມ​ທາງ​ທວິດ​ເຕີ
ວ່າ ການເກັບ​ພາສີເພີ້ມ​ ໄດ້​ເຮັດ​ຂຶ້ນ “ພາຍ​ໃຕ້ຂອບ ​ຂອງ​ຫລັກການ​ ​ຕອບ​ໂຕ້ແລກ
ປ່ຽນກັນໃນການ​ໂຈມ​ຕີທາງ​ດ້ານ​ເສດຖະກິດ​ແບບຕັ້ງໃຈໂດຍ​ສະ ຫະລັດ.”

ປະທານາທິບໍດີຣິ​ເຊັບ ​ຕາຍຍິບ ​ເອີ​ດວນ ​ໄດ້​ກ່າວ​ຫາ​ ສະຫະລັດ​ວ່າ ພວມແນເປົ້າໝາຍ
ໃນການສົງຄາມ​ທາງດ້ານເສດຖະກິດ ຕໍ່​ປະ​ເທດ​ຂອງ​ທ່ານ ​ແລະ​ໃນ​ວັນ​ອັງຄານ​ວານ​ນີ້
ທ່ານ​ໄດ້​ສະ​ເໜີ​ໃຫ້​ບອຍຄອດ ຫຼືບໍ່ຊື້ ສິນຄ້າອີ​ເລັກໂຕຣນິກ ຂອງ​ສະຫະ​ລັດ.

ທ່ານ​ເອີ​ດວນ​ກ່າວ​ວ່າ “ຖ້າ​ຫາກ​ເຂົາ​ເຈົ້າ​ມີ​ໂທລະສັບ​ມື​ຖືອາຍໂຟນ ມີ​ແຊມ​ຊັງ​ຢູ່​ບ່ອນ​ອື່ນ.
ຢູ່ໃນ​ປະ​ເທດ​ຂອງ​ພວກ​ເຮົາ ພວກ​ເຮົາ​ມີ​ແວັສ​ແຕລ.”

ປະທານາທິບໍດີເທີກີ ທ່ານຣິ​ເຊັບ ​ຕາຍິບ ​ເອີ​ດວນ ຢູ່ທີ່ກອງປະຊຸມນັກຂ່າວ ໃນນະຄອນອັງກາຣາ ປະເທດເທີກີ ວັນທີ 14 ສິງຫາ 2018.
ປະທານາທິບໍດີເທີກີ ທ່ານຣິ​ເຊັບ ​ຕາຍິບ ​ເອີ​ດວນ ຢູ່ທີ່ກອງປະຊຸມນັກຂ່າວ ໃນນະຄອນອັງກາຣາ ປະເທດເທີກີ ວັນທີ 14 ສິງຫາ 2018.

​ເມື່ອມີການຖາມວ່າ ລັດຖະບານປະທານາທິບໍດີ​ສະຫະລັດ ທ່ານ​ດໍ​ໂນ​ລ ທຣໍາ ຈະ​ມີປະ
ຕິກິລິຍາ​ຢ່າງ​ໃດ ​ຕໍ່​ການ​ບອຍຄອດຂອງ​ເທີ​ກີ ​ໂຄສົກ​ທຳນຽບຂາວ ທ່ານ​ນາງ​ຊາຣາ
ຮັກ​ກາ​ບີ ​ແຊນ​ເດີຣສ໌ ຕອບ​ໃນລະຫວ່າງການຖະແຫຼງຂ່າວໃນ​ຕອນ​ບ່າຍວັນ​ອັງຄານ
ວານນີ້ວ່າ “​ແນ່ນອນ ຂ້າພະ​ເຈົ້າ​ບໍ່​ມີ​ການ​ປະກາດ​ນະ​ໂຍບາຍ​ກ່ຽວ​ກັບ​ເລື້ອງ​ນີ້​ ຢູ່​ໃນ
​ຕອນ​ນີ້ເທື່ອ.”

ອຸບ​ປະ​ທູດ​ສະຫະລັດ ໃນ​ເທີ​ກີ ທ່ານ​ແຈັ​ຟຟຣີ ​ໂຮ​ເວີ​ນີ​ເອຣ ​ກ່າວຕໍ່ບັນດານັກຂ່າວ ວັນທີ 14 ສິງຫາ 2018.
ອຸບ​ປະ​ທູດ​ສະຫະລັດ ໃນ​ເທີ​ກີ ທ່ານ​ແຈັ​ຟຟຣີ ​ໂຮ​ເວີ​ນີ​ເອຣ ​ກ່າວຕໍ່ບັນດານັກຂ່າວ ວັນທີ 14 ສິງຫາ 2018.

​ແຫ​ລ່ງຂ່າວໃນ​ລັດຖະບານ​ທ່າ​ນທຣໍາກ່າວ​ຕໍ່​ໄປ​ວ່າ ການ​ລົງ​ໂທດເພີ້ມຕື່ມ​ຕໍ່ເທີ​ກີ​ກຳລັງ
ຢູ່​ໃນ​ການ​ພິຈາລະນາ. ​ແຕ່​ວ່າ​ ທ່ານ​ນາງແຊນ​ເດີຣສ໌ ​ໄດ້​ປະຕິ​ເສດ​ທີ່​ຈະ​ກ່າວ​ວ່າ ລັດ
ຖະບານ​ສະຫະລັດ​ມີ​ແຜນການ ​ທີ່​ຈະ​ທຳຄວາມ​ກົດ​ດັນ​ເພີ້​ມຂຶ້ນ ​ຕໍ່​ອັງກາຣາ ຊຶ່ງ​ບໍ່ເອົາ​
ຫົວຊາ​ຊໍ້າ​ແລ້ວ​ຊໍ້າ​ອີກ ໃນ​ການ​ຮ້ອງ​ຂໍ​ຂອງ​ທ່ານ​ທຣໍາ ​ແລະ​ປະເທດອື່ນໆ​ ເພື່ອ​ໃຫ້
​ປ່ອຍ​ໂຕ​ຄຸນ​ພໍ່ຂອງສາສະໜາຄຣິສ ທ່ານ​ແອ​ນດຣູ ບຣັນສັນ.

ລະບົບລູກສອນໄຟປ້ອງກັນທາງອາກາດຂອງຣັດເຊຍ S-400 ກຳລັງວາງສະແດງຢູ່ ຈະຕຸລັດແດງ ໃນວັນເຝິກຊ້ອມ ການເດີນສວນສະໜາມວັນໄຊຊະນະ ທີ່ນະຄອນຫຼວງມົສກູ ປະເທດຣັດເຊຍ ວັນທີ 7 ພຶດສະພາ 2017.
ລະບົບລູກສອນໄຟປ້ອງກັນທາງອາກາດຂອງຣັດເຊຍ S-400 ກຳລັງວາງສະແດງຢູ່ ຈະຕຸລັດແດງ ໃນວັນເຝິກຊ້ອມ ການເດີນສວນສະໜາມວັນໄຊຊະນະ ທີ່ນະຄອນຫຼວງມົສກູ ປະເທດຣັດເຊຍ ວັນທີ 7 ພຶດສະພາ 2017.

ເທີ​ກີ​ກ່າວ​ຫາ ຄຸນ​ພໍ່​ບຣັນ​ສັນ​ວ່າ​ເປັນ​ນັກ​ລືບ ​ແລະ​ໄດ້​ກັກ​ບໍລິ​ເວນ​ທ່ານ ​ໃນຂະນະທີ່​ລໍ
ຖ້າ​ການ​ດຳ​ເນີນ​ຄະດີ​ຢູ່ນັ້ນ.

ອຸບ​ປະ​ທູດ​ສະຫະລັດ ໃນ​ເທີ​ກີ ທ່ານ​ແຈັ​ຟຟຣີ ​ໂຮ​ເວີ​ນີ​ເອຣ ​ໄດ້​ຢ້ຽ​ມຢາມ​ຄຸນ​ພໍ່​ບຣັນ​ສັນ
​ໃນ​ວັນ​ອັງຄານ​ວານ​ນີ້ ​ແລະ​ຮຽກຮ້ອງ​ໃຫ້້​ຄະດີ​ຂອງ​ທ່ານແລະຄະດີຂອງ​ພວກ​ທີ່​ຖືກ​ກັກ
​ຂັງ​ຢູ່​ໃນເທີ​ກີອື່ນໆໃຫ້ໄດ້ຮັບການ​ແກ້​ໄຂ "ໂດຍປາດ​ສະ​ຈາກ​ການ​ຊັກ​ຊ້າໃດໆ” ​ແລະ
ດ້ວຍຍຸຕິທຳ ​ແລະ​ໃນວິທີທີ່ໂປ່ງໃສ.”

ອ່ານຂ່າວນີ້ເພີ້ມເປັນພາສາອັງກິດOK

XS
SM
MD
LG