ໃນວັນເສົາມື້ນີ້ ອີຣັກ ໄດ້ຮຽກຮ້ອງໃຫ້ ເທີກີ ຖອນກຳລັງທະຫານ
ຂອງຕົນໃນທັນທີ ອອກໄປຈາກເຂດຢູ່ໃກ້ໆກັບເມືອງ Mosul
ໂດຍກ່າວວ່າ ການສົ່ງທະຫານເຂົ້າໄປໃນເຂດດັ່ງກ່າວເປັນ “ການ
ລະເມີດຮ້າຍແຮງ” ຕໍ່ອະທິປະໄຕຂອງຕົນ.
ຖະແຫລງການຂອງທຳນຽບນາຍົກລັດຖະມົນຕີ ອີຣັກ ໄດ້ຢືນຢັນ
ວ່າ ກອງພົນນ້ອຍທະຫານເທີກີ ແລະລົດຖັງຫລາຍຄັນ ພ້ອມກັບ
ປືນໃຫຍ່ ໄດ້ຖືກສົ່ງເຂົ້າໄປໃນດິນແດນອີຣັກ ໂດຍປາດສະຈາກ
ການອະນຸຍາດ ຂອງ Bagdad.
ບັນດາເຈົ້າໜ້າທີ່ເທີກີ ກ່າວວ່າ ກຳລັງທະຫານຂອງຕົນໄດ້ເຂົ້າໄປໃນຂົງເຂດເມືອງ
Mosul Bashiqa ເພື່ອ “ທຳການຊ້ອມລົບ ເປັນປະ ຈຳ.” ກອງທະຫານໄດ້ຂ້າມຊາຍ
ແດນເຂົ້າໄປປະມານ 30 ກິໂລແມັດ ຫ່າງຈາກເມືອງ Mosul ບ່ອນທີ່ລັດອິສລາມ ຍຶດ
ຄອງຢູ່ນັ້ນ.
ສື່ມວນຊົນເທີກີໄດ້ລາຍງານວ່າ ການສົ່ງທະຫານຂອງຕົນເຂົ້າໄປໃນອີ ຮັກແມ່ນເປັນ
ພາກສ່ວນນຶ່ງຂອງສັບປ່ຽນທີ່ມີຂຶ້ນເປັນປະຈຳສຳລັບກອງທະຫານໃໝ່ເທີກີ ເພື່ີອແທນ
ກຳລັງ ທີ່ໄດ້ປະຕິບັດການເຝິກແອບມາແຕ່ກ່ອນ ເພື່ອຕໍ່ຕ້ານກຳລັງລັດອິສລາມຢູ່ໃນ
ຂົງເຂດດັ່ງກ່າວ.
ບັນດາເຈົ້າໜ້າທີ່ສະຫະລັດ ໃຫ້ການຢືນຢັນກ່ຽວກັບການເຄຶ່ອນໄຫວໃນຕອນແລງວັນ
ສຸກວານນີ້ ໂດຍກ່າວວ່າ ທະຫານເທີກີກອງພັນໜຶ່ງໄດ້ຕັ້ງຄ້າຍຂອງຕົນ ຢູ່ໃນເຂດຊາຍ
ແດນທາງຝ່າຍອີຣັກ.
ເຈົ້າໜ້າທີ່ຄົນໜຶ່ງ ກ່າວຕໍ່ວີໂອເອ ໂດຍທີ່ບໍ່ອອກຊື່ວ່າ “ເຂົາເຈົ້າກ່າວວ່າ ເຂົາເຈົ້າກຳລັງ
ທຳການເຝິກແອບ ເບິ່ງຄືວ່າ ເຂົາເຈົ້າກຳລັງເຝິກແອບແທ້”
ສະຫະລັດ ກ່າວວ່າ ການສົ່ງທະຫານເຂົ້າໄປຂອງເທີກີ ບໍ່ແມ່ນພາກ ສ່ວນໃນການດຳ
ເນີນຄວາມພະຍາຍາມຂອງແນວໂຮມ ຕ້ານກຸ່ມລັດອິສລາມຫົວຮຸນແຮງ ແຕ່ອາດເປັນ
ພາກສ່ວນໃນການຈັດແຈງລະຫວ່າງເທິກີ ກັບອີຣັກ.
ບັນດາເຈົ້າໜ້າເທີກີ ກ່າວວ່າ ຕົນໄດ້ແຈ້ງໃຫ້ສະຫະລັດ ແລະບັນດາປະເທດອື່ນໆ
ຂອງແນວໂຮມຊາບຍລວງໜ້າ ກ່ຽວກັບການສົ່ງທະຫານ ຂອງຕົນ.
