ລິ້ງ ສຳຫລັບເຂົ້າຫາ

logo-print

​ບັນ​ດາ​ສະ​ມາ​ຊິກ​ສະ​ພາ​ສູງ​ ສຫລ ແລະພວກ​ນັກ​ເຄື່ອນ​ໄຫວ ຮຽກ​ຮ້ອງ ​ເອົາ​ຄຳ​ຕອບ ຕໍ່ການ​ຫາຍ​ຕົວ​ໄປ ​ຂອງນັກ​ຂ່າວ ຄາຊອກກີ


ປະທານາທິບໍດີ ສະຫະລັດ ທ່ານ ດໍໂນລ ທຣຳ ແລະລັດຖະມົນຕີການຕ່າງປະເທດ
ທ່ານ ໄມຄ໌ ພອມພຽວ ກ່າວ​ວ່າ ພວກຜູ້​ນຳຊາອຸດີ ອາຣາເບຍ “ໄດ້​ປະ​ຕິ​ເສດ​ຢ່າງ
​ແຂງ​ຂັນ”
ວ່າບໍ່ໄດ້ມີການ​ພົວ​ພັນໃດໆ ​ກັບ​ການ​ຫາຍ​ຕົວ​ໄປ ຂອງ​ນັກ​ຂ່າວ​ຊາອຸດີ
ທີ່ໄດ້ມາ​ຢູ່ໃນສະ​ຫະ​ລັດ ທ່ານຈາມາລ ຄາຊອກກີ ຊຶ່ງ​ໄດ້ຖືກພົບ​ເຫັນ​ຄັ້ງ​ສຸດ​ທ້າຍ ​
ເມື່ອ 2 ສັບ​ປະ​ດາ​ກ່ອນ​ ເວລາເຂົ້າ​ໄປ​ຍັງ​ສະ​ຖານກົງສຸນ ​ຣີ​ຢາດ ໃນນະຄອນອິສຕັນບູລ.
ໃນ​ຂະ​ນະ​ທີີ່​ທ່ານ ພອມພຽວ ໄດ້​ມີ​ການສົນ​ທະ​ນາ​ກັບເຈົ້າ​ໜ້າ​ທີ່​ໃນ ຣີ​ຢາດ ແລະ​ນະ​ຄອນ
​ອັງ​ກາ​ຣາຢູ່ ເພື່ອເລັ່ງລັດ​ໃຫ້“ເກັບກຳ​ຢ່າງ​ລະ​ອຽດຖີ່​ຖ້ວນ, ໂປ່ງ​ໃສ ແລະໃນ​ເວ​ລາ​
ເໝາະ​ສົມ”
​ພວກ​ນັກ​ເຄື່ອນ​ໄຫວ​ເພື່ອ​ສິດ​ທິ​ມະ​ນຸດ ແລະ​ບັນ​ດາສະມາຊິກ​ລັດ​ຖະ​ສະ​ພາ​
ຂອງ​ສະ​ຫະ​ລັດ ກໍແມ່ນພວມເລັ່ງລັດ ​ໃຫ້ເອົາ​ບາດ​ກ້າວຕອບໂຕ້ ຕໍ່ ຊາອຸດີ ອາຣາເບຍ,
ຖ້າ​ຫາກ​ມີ​ການ​ຢືນ​ຢັນເຖິງ​ການພົວ​ພັນ​ຂອງ​ລາດ​ຊະອາ​ນາ​ຈັກ​ດັ່ງ​ກ່າວ. ຊິນ​ດີ ເຊນ
ນັກ​ຂ່າວ​ດ້ານ​ການ​ທູດຂອງວີ​ໂອ​ເອ ມີ​ລາຍ​ລະ​ອຽດ​ຂອງ​ເລື້ອງ​ນີ້ ຈາກວໍຊີງ​ຕັນ ຊຶ່ງວັນ​ນະ
​ສອນ​ຈະ​ນຳ​ລາຍລະ​ອຽດ​ມາ​ສະ​ເໜີ​ທ່ານ ໃນ​ອັນ​ດັບ​ຕໍ່​ໄປ.


ປະທານາທິບໍດີສະຫະລັດ ທ່ານ ດໍໂນລ ທຣຳ ໃນ​ສັບ​ປະ​ດາ​ນີ້ ໄດ້​ສົ່ງ ລັດຖະມົນຕີ
ການຕ່າງປະເທດ ທ່ານ ໄມຄ໌ ພອມພຽວ ໄປ​ຍັງ ຊາອຸດີ ອາຣາເບຍ ແລະ​ເທີ​ກີ ເພື່ອ
​ຊອກຄົ້ນຫາ ວ່າແມ່ນ​ຫຍັງ​ໄດ້ເກີດ​ຂຶ້ນ​ກັບ ທ່ານຈາມາລ ຄາຊອກກີ.

ໃນວັນ​ອັງຄານ​ວານນີ້ ທີ່ສະ​ຫະ​ລັດ​ອາ​ເມ​ຣິ​ກາ ຮອງປະທານາທິບໍດີສະຫະລັດ
ທ່ານໄມຄ໌ ເພັນ​ສ໌ ໄດ້​ຮຽກ​ຮ້ອງ​ເອົາ​ຄຳຕອບສຳລັບຄຳ​ຖາມ​ຕ່າງໆ ກ່ຽວ​ກັບ​ການ​
ຫາຍ​ຕົວ​ໄປ​ຂອງ​ນັກ​ຂ່າວ​ຊາວຊາອຸດີ, ໂດຍໃຫ້ຂໍ້ສັງເກດວ່າ ໂລກ​ຈຳ​ເປັນ​ຕ້ອງ
ໄດ້​ຮູ້​ຄວາມ​ຈິງທີ່ວ່າ ທ່ານຄາຊອກກີ ​ຖືກ​ສັງ​ຫານ ຫຼືບໍ່ ແລະ​ແມ່ນ​ໃຜ​ເປັນ​ຜູ້ບົງ​ການ.

ຮອງປະທານາທິບໍດີສະຫະລັດ ທ່ານໄມຄ໌ ເພັນ​ສ໌ ກ່າວ​ວ່າ “ການ​ສູນ​ເສຍ​ຊີ​ວິດ​ຜູ້​ໃດ
ກໍ​ຕາມ ແມ່ນເປັນ​ການ​ເສົ້າ​ສະ​ຫຼົດ​ໃຈ​ທີ່​ສຸດ ການ​ສ້າງ​ຄວ​າມ​ຮຸນ​ແຮງ​ໃດ​ໆ​ແລະ​
ການ​ເອົາຊີ​ວິດ​ຂອງຄົນໄປ ແມ່ນ​ຈະ​ຖືກປະ​ນາມ. ແຕ່​ວ່າ ທັ້ງນີ້​ແມ່ນເປັນ​ການ​ໂຈມຕີ
ຕໍ່​ການ​ສື່​ສານມວນ​ຊົນທີ່​ເສ​ລີ​ແລະເປັນ​ອິດ​ສະ​ຫຼະ. ພວກ​ເຮົາຮຽກຮ້ອງຢາກໄດ້​ຮັບ​
ຄຳ​ຕອບ.”

ທ່ານຄາຊອກກີ ໄດ້ເຂົ້າໄປໃນກົງສຸນຂອງຊາອຸດີ ປະຈຳເທີກີ ໃນ​ວັນ​ທີ 2 ຕຸ​ລາ
ຜ່ານ​ມາ​ແລ້ວກໍ​ບໍ່​ໄດ້​ອອກ​ມາ​ເລີຍ. ​ການຫາຍ​ຕົວ​ໄປ​ຂອງ​ນັກ​ຂ່າວ ​ໂດຍທີ່​ບໍ່​ມີຄຳອະ​ທິ
​ບາຍ​ໃດໆ ​ແລະ​ລາຍ​ງານ​ທີ່ວ່າ ຜູ້ກ່ຽວໄດ້​ຖືກ​ສັງ​ຫານ ແລະຖືກ​ຕັດ​ເປັນ​ຕ່ອນໆນັ້ນ
ໄດ້ເຮັດ​ໃຫ້​ບັນ​ດາ​ສະ​ມາ​ຊິກ​ລັດ​ຖະ​ສະ​ພາ​ສະ​ຫະ​ລັດມີຄວາມໂກດແຄ້ນ​.

ສະ​ມາ​ຊິກ​ສະ​ພາ​ສູງສັງ​ກັດ​ພັກ​ເດ​ໂມ​ແຄ​ຣັດ ທ່ານ​ຄ​ຣິ​ສ ເມີຣ໌ຟີ ກ່າວ​ວ່າ “ຖ້າ​ຫາກວ່າ
ຊາອຸດີ ອາຣາເບຍ ​ຈັບ​ເອົາ​ຄົນຢູ່ໃນສະ​ຫະ​ລັດໄປ, ຫຼອກ​ລໍ້​ລາວ​ເຂົ້າ​ໄປ​ໃນ​ກົງ​ສຸນ
ແລ້ວ​ຂ້າລາວ, ມັນກໍເຖິງ​ເວ​ລາ​ແລ້ວ ສຳ​ລັບ​ສະ​ຫະ​ລັດ ທີ່​ຈະ​ຄິດທົບ​ທວນຄືນ​ໃໝ່​
ກ່ຽວ​ກັບສາຍ​ພົວ​ພັນ ທາງ​ທະ​ຫານ ທາງ​ການ​ເມືອງ ແລະ​ການ​ເສດ​ຖະ​ກິດ ກັບຊາອຸດີ
ອາຣາເບຍ.”

​ເຈົ້າ​ໜ້າ​ທີ່​ຮັກ​ສາ​ຄວາມ​ປອດ​ໄພ ເຝົ້າ​ຍາມ ສະຖານກົງສຸນ ໃນນະຄອນອິສຕັນບູລ, 17 ຕຸ​ລາ 2018.
​ເຈົ້າ​ໜ້າ​ທີ່​ຮັກ​ສາ​ຄວາມ​ປອດ​ໄພ ເຝົ້າ​ຍາມ ສະຖານກົງສຸນ ໃນນະຄອນອິສຕັນບູລ, 17 ຕຸ​ລາ 2018.

ໃນ​ຈົດ​ໝາຍ​ສະບັບນຶ່ງເຖິງ​ທຳ​ນຽບ​ຂາວ, ກຸ່ມ​ທີ່ປະ​ກອບ​ດ້ວຍ​ສອງ​ພັກ​ຝ່າຍ ທີ່​ຮວມ​ມີ
ສະ​ມາ​ຊິກ​ສະ​ພາ​ສູງ 22 ທ່ານ ໄດ້​ຮຽກ​ຮ້ອງ​ໃຫ້​ມີ​ການ​ສືບ​ສວນ ພາຍ​ໃຕ້​ມາດ​ຕາ ການ​ຮັບ
​ຜິດ​ຊອບ​ດ້ານ​ສິ​ທິ​ມະ​ນຸດ​ທົ່ວ​ໂລກ Magnitsky ຫຼື Global Magnitsky Human
Rights Accountability Act.

ມາດ​ຕາ ດັ່ງ​ກ່າວ ໄດ້​ໃສ່​ຊື່ຕາມທ່ານ Sergei Magnitsky ທະ​ນາຍ​ຄວາມ​ ​ແລະ​ນັກ​
ກວດ​ກາ​ບັນ​ຊີ ຊາວ​ຣັດ​ເຊຍ ທີ່​ໄດ້​ເສຍ​ຊີ​ວິດ​ຢູ່ໃນຄຸກ​ມົ​ສ​ກູ ຫຼັງ​ຈາກ ທີ່​ໄດ້​ລາຍ​ງານ​ກ່ຽວ
​ກັບ​ການ​ປອມ​ແປງ​ເລື້ອງ​ພາ​ສີ ທີ່​ພົວ​ພັນກັບ​ພວກເຈົ້າ​ໜ້າ​ທີ່​ລັດ​ຖະ​ບານ​ຣັດ​ເຊຍ.

ທ່ານ​ບິ​ລ ບ​ຣາວ​ເດີ​ຣ໌ ຜູ້​ຊຶ່ງ​ໄດ້​ຈ້າງ​ທ່ານ Magnitsky ເພື່ອ​ຫາ​ຫຼັກ​ຖານ​ກ່ຽວກັບການ
​ສໍ້​ລາດ​ບັງ​ຫຼວງດັ່ງກ່າວ ແມ່ນເປັນຈຸດໃຈກາງໃນການຮັບຜ່ານ​ກົດ​ໝາຍ​ນິ​ຕິ​ບັນ​ຍັດ ປີ
2012 ນີ້. ທ່ານ​ໄດ້​ບອກ​ ​ວີ​ໂອ​ເອ ວ່າ ການ​ຮັບ​ຜ່ານມາດ​ຕາ Magnitsky ​ນັ້ນ​ ແມ່ນ​
ຈັດ​ໄວ້​ສະ​ເພາະ​ຄະ​ດີ​ອາ​ຊະ​ຍາ​ກຳ​ທີ່ “ຮ້າຍ​ແຮງ​ແບບ​ນີ້.”

ທ່ານ​ບິ​ລ ບ​ຣາວ​ເດີ​ຣ໌ ຫົວ​ໜ້າ​ການລົນນະລົງ​ກົດໝາຍມາດ​ຕາ Magnitsky ກ່າວ​ວ່າ
“ກົດ​ລະ​ບຽບ​ຂັ້ນ​ພື້ນ​ຖານ​ຂອງມາດ​ຕາ Magnitsky ແມ່ນ​ລົງ​ໂທດ​ພວກ​ຜູ້​ຄົນ ທີ່​ພົວ​
ພັນ​ກັບ ການ​ທໍ​ລະ​ມານ, ການສັງ​ຫານນອກຕົວ​ບົດ​ກົດ​ໝາຍ ແລະ​ການ​ລະ​ເມີດ​ສິດ​
ທິ​ມະ​ນຸດ. ແລະ​ໂດຍ​ສະ​ເພາະ ພວກ​ຜູ້​ຄົນ ​ທີ່​ຕຳ​ໜິ​ຕິ​ຕຽນ​ລະ​ບອ​ບ​ການ​ປົກ​ຄອງ ຫຼື​
ພວກ​ນັກ​ຂ່າວ​ ຫຼືພວກເປີດ​ເຜີຍ​ຄວາມ​ລັບ ນັ້ນ. ແລະ​ນີ້ ພວກ​ເຮົາ​ມີ​ສະ​ຖາ​ນະ​ການ
​ແບບ​ດຽວ​ກັນ​ນີ້​ເລີຍ.”

ລັດຖະມົນ ຕີວ່າການຕ່າງປະເທດ ທ່ານ ໄມຄ໌ ພອມພຽວ ກັບອົງມົງກຸດຣາຊະກຸມມານ ເຈົ້າຟ້າຊາຍໂມຮາມເມັດ ບິນ ຊາລມານ, ໃນຣີຢາດ, ຊາອຸດີ ອາຣາເບຍ, 16 ຕຸ​ລາ 2018.
ລັດຖະມົນ ຕີວ່າການຕ່າງປະເທດ ທ່ານ ໄມຄ໌ ພອມພຽວ ກັບອົງມົງກຸດຣາຊະກຸມມານ ເຈົ້າຟ້າຊາຍໂມຮາມເມັດ ບິນ ຊາລມານ, ໃນຣີຢາດ, ຊາອຸດີ ອາຣາເບຍ, 16 ຕຸ​ລາ 2018.

ທ່ານ​ບ​ຣາວ​ເດີ​ຣ໌ ສັນ​ລະ​ເສີນ​ບັນ​ດາ​ສະ​ມາ​ຊິກ​ສະ​ພາ​ສູງ​ສະ​ຫະ​ລັດ ທີ່​ຢືນ​ຢູ່​ຢ່າງ​ແຂງ​ຂັນ
ແລະ​ກ່າວ​ວ່າ ທ່ານ​ຫວັງ​ ຈະໄດ້​ຮັບ​ການ​ຕອບ​ຮັບ​ທີ່​ແຮງໆພໍ​ກັນ​ຈາກ​ລັດ​ຖະ​ບານ​ຂອງ
​ທ່ານ​ທ​ຣຳ.

ເຊັ່ນດຽວກັນ ພວກ​ນັກ​ເຄື່ອນ​ໄຫວ​ທັງ​ຫຼາຍ ກໍແມ່ນ​ໄດ້​ຮຽກ​ຮ້ອງ​ໃຫ້​ມີ​ການ​ຮັບ​ເອົາ
ຄວາມຮັບຜິດ​ຊອບໃນ​ເລື້ອງ​ນີ້. ທ່ານ ຣັອບ ເບີຣ໌ຊິນ​ສ​ກີ ຈາກ​ສິດ​ທິ​ມະ​ນຸດ​ມາກ່ອນ
ຫຼື Human Rights First ກ່າວ​ວ່າ ລັດ​ຖະ​ບານ ຊາອຸດີ ​ພາຍ​ໃຕ້ອົງ​ມົງ​ກຸດ​ຣາ​ຊະ​ກຸ
ມມານ​ເຈົ້າ​ຟ້າຊາຍໂມຮາມເມັດ ບິນ ຊາລມານ ໄດ້​ທຳ​ການຫຼາຍໆ​ຢ່າງ ​ທີ່​ເກີນຂອບ
ເຂດ ແລະ​ປະ​ກອບ​ການ​ທີ່​ມີ​ບັນ​ຫາ ໃນ​ຮອບ​ຫຼາຍໆ​ເດືອນ ຜ່ານ​ມາ​ນີ້.

ທ່ານ ຣັອບ ເບີຣ໌ຊິນ​ສ​ກີ ຈາກ​ສິດ​ທິ​ມະ​ນຸດ​ມາກ່ອນ ກ່າວ​ວ່າ “ຈາກ​ທຸກ​ສິ່ງ​ຢ່າງ ເຊັ່ນ
​ການ​ຈັບ​ກຸມ​ຄຸມ​ຂັງ​ນາ​ຍົກ​ລັດ​ຖະ​ມົນ​ຕີ​ຂອງ​ເລ​ບາ​ນອນ ເຖິງ​ການ​ລົງ​ໂທດ​ໃສ່​ຄຸກ​
ພວກ​ນັກ​ເຄື່ອນ​ໄຫວ​ເພື່ອ​ສິດ​ທິ​ຂອງ​ພວກ​ແມ່​ຍິງ ແລະ​ການ​ຈັບ​ກຸມ​ຄຸມ​ຂັງບັນ​ດາ
ຍາດຕິວົງຂອງ​ຊາ​ອຸ​ດີ ອື່ນໆ​ນຳ​ດ້ວຍ.”

ທ່ານເບີຣ໌ຊິນ​ສ​ກີ ບອກ​ວີ​ໂອ​ເອວ່າ ບັນ​ດາ​ຜູ້​ນຳ​ຂອງ​ປະ​ເທດ​ແລະລັດ​ຖະ​ບານ​ອື່ນໆ ແມ່ນຈະມອງເບ່ິງແລະເອົາຕາມ​ສະ​ຫະ​ລັດ​ໃນ​ການ​ເປັນ​ຜູ້​ນຳ ໃນ​ເລື້ອງ​ນີ້ ໂດຍ​ສະ​ເພາະ
ກໍ ແມ່ນວ່າ ທ່ານຄາຊອກກີ ອາ​ໄສຢູ່ໃນ​ລັດ​ເວີ​ຣ໌​ຈີ​ເນຍ ຂອງ​ສະ​ຫະ​ລັດ​.

ອ່ານ​ຂ່າວ​ນີ້​ເພີ້ມ​ຕື່ມ​ເປັນ​ພາ​ສາ​ອັງ​ກິດ

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG