ຊາວເທີກີປະທ້ວງ ກົດໝາຍ ຄວບຄຸມອິນເທີເນັດ ຂອງລັດຖະບານ (ວີດີໂອ)

ທີ່​ປະ​ເທດເທີ​ກີ ຕໍາຫຼວດປາບ​ຈະລາຈົນ ໄດ້​ໃຊ້​ ທໍ່​ນໍ້າແລະລະ
​ເບີດ​ນໍ້າຕາ ເພື່ອຂັບ​ໄລ່ ຫຼາຍ ຮ້ອຍ​ຄົນ ທີ່​ປະ​ທ້ວງກົດໝາຍ
ທີ່​ພວກ​ນັກ​ວິຈານ​ເວົ້າ​ວ່າ ຈະ​ອໍານວຍ​ໃຫ້​ລັດຖະບານ​ຄວບ​ຄຸມ​
ອິນ​ເທີ​ເນັດ​ໄດ້ ຢ່າງ​ເຄັ່ງ​ຄັດຂຶ້ນ​ນັ້ນ.

ວັນ​ເສົາ​ວານ​ນີ້ ພວກ​ເດີນ​ຂະ​ບວນປະ​ທ້ວງ ​ໄດ້​ຂວ່າງໝາກ
ກະ​ໂພ​ກແລະ​ກ້ອນ​ຫິນ ​ໃສ່​ຕໍາຫຼວດປາບ​ຈະລາຈົນ ທີ່​ປິດ​ລ້ອມຈະຕຸ​ລັດ Taksim ຂອງ
ນະຄອນ Istanbul ​ໄວ້ນັ້ນ.

ກົດໝາຍ​ດັ່ງກ່າວຈະ​ອະນຸຍາດ​ ໃຫ້​ເຈົ້າໜ້າ​ທີ່​ປິ​ດກັ້ນ ​ເວັບ​ໄຊ້ຕ່າງໆ​ໄດ້ ​ໃນຂໍ້​ຫາລະ​ເມີດ​ຄວາມ​ເປັນ​ສ່ວນ​ຕົວ ​ໂດຍ​ປາດ​ສະ​ຈາກ​ການ​ຕິດ​ສິນໃດໆ​ຂອງ​ສານ. ພວກ​ສະໜອງ​ອິນ​
ເທີ​ເນັດ​ທັງຫຼາຍ ຈະ​ຖືກ​ບັງຄັບ​ໃຫ້​ເກັບ​ຮັກ ສາ​ຂໍ້​ມູນ​ຂອງ​ພວກ​ຊົມ​ໃຊ້​ອິນ​ເທີ​ເນັດ​ໄວ້ ​ແລະ​
ມອບ​ໃຫ້​ເຈົ້າໜ້າ​ທີ່​ຂອງ​ລັດ​ເພື່ອ​ກວດກາ.

​ກ່ອນ​ໜ້າ​ນັ້ນ ​ໃນວັນ​ເສົາ​ວານ​ນີ້ ນາຍົກ​ລັດຖະມົນຕີ​ Recep Tayyip Erdogan ​ໄດ້​ຄັດຄ້ານ​ຢ່າງ​ໜັກ​ແໜ້ນ ​ຕໍ່​ການ​ຕໍາ​ໜິຕິຕຽນ ກົດໝາຍ​ຈໍາກັດ​ຮັດ​ແຄບໃໝ່ ທີ່​ສະພາໄດ້ຮັບ
​ຜ່ານ​ເອົາເມື່ອ​ວັນ​ພຸດຜ່ານ​ມາ​ນີ້ ​ໃນ​ຄໍາ​ປາ​ໄສ​ຕໍ່ພວກ​ຝຸງຊົນຜູ້​ສະໜັບສະໜຸນທ່ານ ຫຼາຍພັນ​
ຄົນ ຢູ່ Istanbul ນັ້ນ.