Vatican ກ່າວວ່າ ພະສັນຕະປາປາ Francis ມີເປົ້າໝາຍ ທີ່
ຈະເສີມສ້າງສາຍສຳພັນ ກັບບັນດາຜູ້ນຳສາສະໜາອິສລາມ
ໃຫ້ແໜ້ນແຟ້ນຂຶ້ນຕື່ມໃນລະຫວ່າງການເດີນທາງໄປຢ້ຽມຢາມ
ປະເທດເທີກີ ເປັນເວລາ 3 ມື້ ທີ່ຈະເລີ້ມຕົ້ນຂຶ້ນ ໃນວັນສຸກມື້ນີ້.
ບັນດາເຈົ້າໜ້າທີ່ ກ່າວວ່າ ການໂຍະຍານຜ່ອນຜັນທາງສາສະ
ໜາແລະການຕໍ່ສູ້ກັບພວກຫົວຮຸນແຮງຈັດຈະເປັນເລື້ອງທີ່ສຳ
ຄັນ ໃນເວລາພະອົງ ພົບປະກັບປະທານາທິບໍດີ Recep Tay-
yip Erdogan ແລະຜູ້ນຳສູງສຸດ ທາງສາສະໜາຂອງເທີກີ
ທ່ານ Mehmet Gormez ໃນປະເທດທີ່ຜູ້ຄົນສ່ວນໃຫຍ່ ນັບ
ຖືສາສະໜາອິສລາມ ແຕ່ເປັນປະເທດທີ່ປົກຄອງດ້ວຍລັດຖະທຳມະນູນທີ່ບໍ່ໃຫ້ສາສະໜາ
ເຂົ້າມາກ່ຽວຂ້ອງ ໃນມື້ທຳອິດ ຂອງພະອົງຢູ່ທີ່ນັ້ນ.
ການຢ້ຽມຢາມໃນຄັ້ງນີ້ ມີຂຶ້ນທ່າມກາງ ຄວາມເຄັ່ງຕຶງຄັ້ງໃໝ່ລະຫວ່າງ ຊາວມຸສລິມ ແລະ ຄຣິສຕຽນ ແລະ ພວກຫົວຮຸນແຮງລັດອິສລາມ ເຂົ້າຍຶດເອົາຫລາຍໆເຂດ ໃນອີຣັກ ແລະ ຊີເຣຍ ຊຶ່ງພັກດັນໃຫ້ພວກອົບພະຍົບ ປະມານ 1 ລ້ານ 6 ແສນ ຄົນ ຂ້າມຊາຍແດນເຂົ້າໄປໃນປະເທດເທີກີ.
ບັນດາເຈົ້າໜ້າທີ່ Vatican ກ່າວວ່າ ພະສັນຕະປາປາ Francis ຈະບໍ່ຖືເບົາ ໃນການປະນາມຕໍ່ການກໍ່ຄວາມຮຸນແຮງ ໃນນາມ ພະຜູ້ເປັນເຈົ້າ ຫຼື ສະແດງຄວາມເປັນຫ່ວງເປັນໃຍ ສຳຫລັບ ຊາວຄຣິສຕຽນ ທີ່ຕົກເປັນເປົ້າໝາຍ ຂອງພວກຫົວຮຸນແຮງຈັດ.
Vatican ຍັງກ່າວອີກວ່າ ພະສັນຕະປາປາ Francis ຈະບໍ່ພົບປະກັບ ບັນດາກຸ່ມອົບພະຍົບໃດໆ ດັ່ງທີ່ພະອົງໄດ້ກະທຳໄປ ໃນການເດີນທາງ ໄປຍັງຂົງເຂດດັ່ງກ່າວຄັ້ງກ່ອນ.
ໃນດ້ານເທັກນິກແລ້ວ ເຫດຜົນອັນແທ້ຈິງ ສຳຫລັບການເດີນທາງໄປຢ້ຽມຢາມ ໃນຄັ້ງນີ້ ແມ່ນເພື່ອໃຫ້ ພະສັນຕະປາປາ Francis ໄດ້ມີ ໂອກາດພົບພໍ້ກັບຜູ້ນຳສາສະໜາຄຣິສຕຽນ ນິກາຍ Orthodox ຂອງໂລກ ຄືພະສັງຄະລາດ Bartholomew ນັ້ນເອງ.
