ລິ້ງ ສຳຫລັບເຂົ້າຫາ

ເຫດລະເບີດ ທີ່ເທີກີ

  • ບົວສະຫວັນ

ຕໍາຫລວດພາກັນເກັບກວດ ແລະເຂົ້າຄວບຄຸມສະຖານະການ ຫລັງຈາກເກີດເຫດວາງລະເບີດໃສ່ເຂດນຶ່ງ ຂອງຈະຕຸລັດ Taksim ໃນໃຈກາງນະຄອນອິສຕັງບູລ ຂອງປະເທດເທີກີ ໃນວັນອາທິດ ທີ່ 31 ຕຸລາ.

ໄດ້​ເກີດ​ເຫດ​ລະ​ເບີດ​ຢູ່​ຈະຕຸລັດໃຫຍ່ ໃນໃຈກາງ​ນະຄອນ
ອິສຕັງບູລ ຂອງ​ປະ​ເທດເທີກີ ທີ່ຍັງຜົນໃຫ້ຕໍາຫລວດແລະ
ພົນລະເຮືອນໄດ້ຮັບບາດເຈັບ 15 ຄົນ ຊຶ່ງ​ທາງ​ການຕໍາ
ຫລວດ​ກ່າວ​ວ່າ​ ເປັນ​ຝີ​ມື​ຂອງຄົນວາງລະເບີດສະລະຊີບ.

ເຈົ້າ​ໜ້າ​ທີ່ກ່າວ​ໃນວັນອາທິດມື້ນີ້ວ່າ ຜູ້ລອບວາງລະເບີດໄດ້
ແນເປົ້າໝາຍໃສ່ເຂດນຶ່ງຂອງຈະຕຸລັດ Taksim ບ່ອນທີ່
ພວກຕໍາຫລວດປາບ ປາມການຈະລາຈົນ ໄດ້​ໄປເຕົ້າໂຮມ
ກັນເພື່ອກຽມຮັບມືກັບການປະທ້ວງ ທີ່ອາດຈະມີຂື້ນ.

ທ່ານ Huseyin Capkin ຫົວໜ້າຕໍາຫລວດນະຄອນ
ອິສຕັງບູລກ່າວວ່າ ຕໍາຫລວດ 9 ຄົນໄດ້ຮັບບາດເຈັບຊຶ່ງສອງຄົນໃນຈໍານວນນີ້ບາດເຈັບ ສາຫັດ.

ຮູບວີດີໂອ ສະ​ແດງ​ໃຫ້ເຫັນຕໍາຫລວດເທີກີ ທໍາການປິດລ້ອມບໍລິ​ເວນເກີດເຫດລະເບີດ ແລະລົດພະຍາບານຫລາຍຄັນ​ແລ່ນມຸ້ງໜ້າໄປຍັງທີ່ເກີດເຫດຢ່າງ​ໄວ ເພື່ອປິ່ນປົວພວກທີ່ ໄດ້ຮັບບາດເຈັບ.

ຈະຕຸລັດ Taksim ເປັນສະຖານທ່ອງທ່ຽວອັນສໍາຄັນ ທີ່ຕັ້ງຢູ່ໃຈກາງ ຂອງເມືອງ​ໃນຄຸ້ມ​ທີ່ທັນ​ສະ​ໄໝ ​ແລະຫລູຫລາ ທີ່ເຕັມໄປດ້ວຍຮ້ານອາ ຫານ ຮ້ານຄ້າ ແລະໂຮງແຮມ. ນອກນີ້ຍັງ​ເປັນທີ່ຕັ້ງຂອງ Republic Monument ຫລືອະນຸສາວະລີ​ສາທາລະນະ​ລັດ ທີ່ສ້າງ ໃນປີ 1928 ເພື່ອເປັນອະນຸສອນ​ແດ່ການສ້າງຕັ້ງສາທາລະນະລັດເທີກີ ຂຶ້ນ​ມາ.

ເວລານີ້ ຍັງບໍ່ມີຝ່າຍໃດອ້າງເອົາຄວາມຮັບຜິດຊອບເທື່ອ.

XS
SM
MD
LG