ລິ້ງ ສຳຫລັບເຂົ້າຫາ

ນາຍົກລັດຖະມົນຕີເທີກີ ຊະນະການເລືອກຕັ້ງ ອີກສະໄໝນຶ່ງ

  • ສິງ ບູຣົມມະວົງ

ນາຍົກລັດຖະມົນຕີ Recep Tayyip Erdogan ກ່າວປາໄສ ຕໍ່ພວກສະໜັບສະໜຸນທ່ານ ທີ່ກຸງ Ankara, ວັນທີ 12 ມິຖຸນາ 2011








ນາຍົກລັດຖະມົນຕີ Recep Tayyip Erdogan ​ແຫ່ງ​ເທີ​ກີ ໃຫ້​ຄໍາໜັ້ນສັນຍາ​ທີ່​ຈະ​ຍື່ນ​ມື​ຫາ​ພວກ​ຝ່າຍ​ຄ້ານ ຫລັງ​ຈາກ​ຜົນ​ຂອງ​ການ​ເລືອກຕັ້ງ​ໄດ້​ມອບໄຊ ຊະນະ​ຢ່າງ​ຖວ້ມລົ້ນໃຫ້​ພັກຂອງ​ທ່ານ ​ໃນ​ການເລືອກ​ຕັ້ງເອົາ​ສະມາຊິກສະພາ​ແຫ່ງ​ຊາດ​ໃນ​ວັນ​ອາທິດ​ວານ​ນີ້.

ເຖິງ​ຢ່າງ​ໃດ​ກໍ​ດີ ພັກ​ຍຸຕິ​ທໍາ​ແລະ​ການ​ພັດທະນາ​ທີ່​ປົກຄອງ​ປະ​ເທດ​ໃນ​ປັດຈຸບັນ​ ບໍ່​ໄດ້​ບ່ອນ​ນັ່ງ​ພໍ​ ໃນ​ຈໍານວນ 2 ສ່ວນ 3 ທີ່​ຕ້ອງການ​ເພື່ອ​ປ່ຽນແປງ​ທໍາ​ມະນູນ​ຂອງ​ປະ​ເທດ​ນັ້ນ. ທ່ານ Erdogan ກ່າວ​ວ່າ ຜົນ​ການເລືອກ​ຕັ້ງສະ​ແດງ​ໃຫ້​ເຫັນ​ວ່າ ການ​ປ່ຽນ​ແປງ​ລັດຖະທໍາ​ມະນູນ​ໃໝ່​ຄວນຈະເຮັດ​ຂຶ້ນດ້ວຍ​ການ​ປະນີປະນອມ​ກັນ.

ນາຍົກລັດຖະມົນຕີ​ໄດ້​ໃຫ້​ຄໍາ​ໝັ້ນ​ສັນຍາ​ວ່າ​ຈະ​ດັດແປງ​ແກ້​ໄຂ​ລັດຖະທໍາມະນູນ ທີ່​ຂຽນ​ຂຶ້ນ​ມາ​ໃນ​ປີ 1982 ​ເວລາທີ່ເທີ​ກີ​ຢູ່​ພາຍ​ໃຕ້​ການ​ປົກຄອງ​ຂອງ​ພວກ​ທະຫານ.

ໃນ​ຈໍານວນ​ບ່ອນ​ນັ່ງ​ທັງ​ໝົດ 550 ບ່ອນ​ໃນ​ສະພາ ພັກ​ລັດຖະບານ​ໄດ້ຮັບ​ບ່ອນ​ນັ່ງ 326 ບ່ອນ ​ແລະ​ພັກ Republican People’s Party ​ໄດ້​ຮັບ 135 ບ່ອນນັ່ງ ​ແລະ​ພັກ Nationalist Action Party ທີ່ໄດ້​ທີ 3 ໄດ້​ຮັບ​ 53 ບ່ອນ​ນັ່ງ.

XS
SM
MD
LG