ລິ້ງ ສຳຫລັບເຂົ້າຫາ

ເທີກີ ​ສະກັດກັ້ນ ​ການ​ເຂົ້າ​ຫາ ຕາໜ່າງ ສື່​ສັງຄົມ Twitter


ນາຍົກລັດຖະມົນຕີເທີກີ ທ່ານ Recep Tayyip Erdogan
ເທີກີ ​ໄດ້​ສະກັດກັ້ນ​ການ​ເຂົ້າ​ຫາຕາໜ່າງສື່​ສັງຄົມ Twitter
​ໃນ​ຂະນະ​ທີ່ລັດຖະບານ ພວມຕໍ່ສູ້ ກັບຂ່າວນອງນັນກ່ຽວ
ກັບ​ການ​ສໍ້​ລາດ​ບັງ​ຫລວງບໍ່​ເທົ່າ​ໃດ​ມື້ກ່ອນ​ການ​ເລືອກ​ຕັ້ງ
​ທ້ອງ​ຖິ່ນຕ່າງ​ໆ.

​ພັກຝ່າຍ​ຄ້ານ​ທີ່​ສຳຄັນ​ຂອງເທີກີ ກ່າວ​ວ່າ ຕົນ​ຈະຍື່ນຟ້ອງ​
ທ້າທາຍທາງ​ກົດໝາຍ ຕໍ່ການຕັດສິນຂອງສານ ທີ່ບໍ່ໃຫ້
ໃຊ້ຕາໜ່າງສື່ສັງຄົມ ​ແລະການ​ບໍລິການກະຈາຍ ຂ່າວທາງ
ອິນເຕີແນັດຫລື microblogging.

ພັກ​ສາທາລະນະລັດປະຊາຊົນ ກ່າວ​ວ່າ ນອກນັ້ນ ຕົນຍັງ​
ຈະຍື່ນຟ້ອງຕໍ່ນາຍົກ ລັດຖະມົນຕີ Recep Tayyib Erdogan ​ທີ່ໄດ້ລະເມີດຕໍ່ສິດ
ເສລີພາບ ສ່ວນ ບຸກຄົນ.

ທ່ານ Erdogan ກ່າວຢູ່​ທີ່ບ່ອນ​ໂຄສະນາຫາສຽງ​ເລືອກ​ຕັ້ງ​ໃນວັນ​ພະຫັດວານ​ນີ້​ວ່າ ທ່ານຈະ​ເອົາ​ບາດກ້າວ ​ຕໍ່ການໃຊ້ Twitter ​ໂດຍ​ບໍ່​ກ່ຽວ​ເລີຍ​ວ່າ “ປະ​ຊາ​ຄົມ ນາໆ​ຊາດ​ຈະ​ກ່າວ​ຢ່າງ​ໃດ.”

​ເຈົ້າ​ໜ້າ​ທີ່ໂທລະ​ຄົມມະ​ນາ​ຄົມເທີກີ ກ່າວ​ວ່າ ການ​ເຂົ້າ ຫາຫຼືຊົມໃຊ້ ຈະໄດ້ຮັບ ການ ຟື້ນຟູ​ຄືນ ​ເວລາ​ໃດ twitter ລຶບຄຳເວົ້າ​ທີ່ຜິດ​ກົດໝາ​ຍນັ້ນ​ອອກແລ້ວ.

ທ່ານ Stefan Fuele ຄະນະ​ກຳມະການຂະຫຍາຍຕົວຂອງສະຫະພາບຢູ​ໂຣບ ​ກ່າວ​ໃນ​ວັນ​ສຸກ​ມື້​ນີ້​ວ່າ ການ​ມີ​ເສຣີພາບໃນ​ການ​ສົນທະນາ ​ແລະ​ການ​ເລືອກ​ຢ່າງ​ເສຣີໃນ​ວິທີການ ​ສື່ສານ​ນັ້ນ​ເປັນ “ຄຸນຄ່າພື້ນຖານ​ຂອງ​ສະຫະພາບຢູ​ໂຣບ.”

XS
SM
MD
LG