ປະຊາຊົນຕູນີເຊຍ ພາກັນອອກໄປປ່ອນບັດເລືອກຕັ້ງປະທາ
ນາທິບໍດີຄັ້ງທຳອິດຂອງປະເທດ ນັບແຕ່ໄດ້ມີການລຸກຮືຂຶ້ນ
ຂອງພວກນິຍົມປະຊາທິປະໄຕໃນປີ 2011 ເປັນຕົ້ນມາ ຊຶ່ງ
2 ພັກການເມືອງໃຫຍ່ໆຂອງປະເທດພວມກະກຽມສຳລັບ
ການເລືອກຕັ້ງຮອບຊີ້ຂາດໃນເດືອນໜ້ານີ້.
ຜົນຂອງການປ່ອນບັດເລືອກຕັ້ງຢ່າງເປັນທາງການຍັງບໍ່ທັນ
ໄດ້ປະກາດໃຫ້ຮູ້ເທື່ອໃນເຊົ້າວັນຈັນມື້ນີ້. ແຕ່ຫົວໜ້າໂຄສະ
ນາຫາສຽງເລືອກຕັ້ງຂອງທ່ານ Beji Caid Essebsi ໄວ 87
ປີ ທີ່ບໍ່ພົວພັນກັບສາສະໜາ ກ່າວວ່າ ຜູ້ສະໝັກເລືອກຕັ້ງສັງ
ກັດພັກ Nidaa Tounes ໄດ້ໂຜ່ໂຕຂຶ້ນມາເປັນຜູ້ໄດ້ຮັບຄະ
ແນນສຽງນຳໜ້າ. ບັນດາທີ່ປຶກສາຂອງທ່ານ Moncef Marzouki ທີ່ຄອງຕຳແໜ່ງປະ
ທານາທິບໍດີມາ ແລະເປັນຄູ່ແຂ່ງຂັນນັ້ນ ໄດ້ຍອມຮັບຮູ້ວ່າຈະມີການເລືອກຕັ້ງຮອບຊີ້
ຂາດ ແຕ່ບໍ່ໄດ້ແຈ້ງລາຍລະອຽດໃດໆໃຫ້ຊາບ.
ການປ່ອນບັດເລືອກຕັ້ງ ໄດ້ເປັນຂີດໝາຍຂອງການມອບໂອນອຳນາດທີ່ຄອງຄອຍກັນ
ມາເປັນເວລາດົນນານໄປສູ່ລະບອບປະຊາທິປະໄຕ ທີ່ໄດ້ເລີ້ມຂຶ້ນດ້ວຍການໂຄ່ນລົ້ມຜູ້
ຜະເດັດການ Zine El Abidine Ben Ali ອອກຈາກອຳນາດໃນປີ 2011. ການປະຕິ
ວັດດັ່ງກ່າວ ໄດ້ກະຕຸ້ນໃຫ້ເກີດການລຸກຮືຂຶ້ນໃນອີຈິບ ຊີເຣຍ ເຢເມນ ແລະລີເບຍ ຊຶ່ງທັງ
ໝົດນີ້ ເອີ້ນກັນວ່າ ຂະບວນການນິຍົມປະຊາທິປະໄຕອາຫຣັບໃນລະດູບານໃໝ່ນັ້ນ.
ພວກຜູ້ສະໝັກເລືອກຕັ້ງທີ່ບໍ່ສັງກັດໃນສາສະໜາ ໄດ້ຮັບບ່ອນນັ່ງເປັນສ່ວນຫຼາຍໃນລັດ
ຖະສະພາໃນການເລືອກຕັ້ງທົ່ວໄປໃນເດືອນແລ້ວນີ້.
