ເຈົ້າໜ້າທີ່ຕູນີເຊຍ ໄດ້ກ່າວໃນວັນພະຫັດມື້ນີ້ວ່າ ຕົນໄດ້ຄຸມຂັງ
12 ຄົນ ທີ່ພົວພັນກັບການໂຈມຕີໃນສັບປະດາແລ້ວ ຢູ່ເມືອງ
ຕາກອາກາດແຄມທະເລ ທີ່ໄດ້ສັງຫານ 38 ຄົນນັ້ນ.
ມືປືນ ທ້າວ Saif Rezgui ໄດ້ຖືກຍິງຕາຍດ້ວຍກຳລັງຮັກສາຄວາມ
ປອດໄພ ຫຼັງຈາກທີ່ໄດ້ມີການຍິງສັງຫານຜູ້ຄົນເປັນຈຳນວນຫຼວງ
ຫຼາຍໃນວັນສຸກຜ່ານມານີ້ ໃນເມືອງ Sousse. ເຈົ້າໜ້າທີ່ໄດ້ກ່າວ
ວ່າລາວເປັນມືປືນພຽງຄົນດຽວ ແຕ່ວ່າພວກເຂົາເຈົ້າຍັງສືບຕໍ່ຄົ້ນ
ຫາຜູ້ຄົນ ທີ່ອາດໃຫ້ການຊ່ອຍເຫຼືອລາວ ກ່ອນການໂຈມຕີຄັ້ງນີ້.
ກຸ່ມລັດອິສລາມ ໄດ້ອອກມາອ້າງເອົາຄວາມຮັບຜິດຊອບໃນການໂຈມຕີຄັ້ງນີ້ ຄ້າຍຄືກັນກັບຄັ້ງທີ່ມືປືນ 2 ຄົນ ໄດ້ສັງຫານ 21 ຄົນ ໃນຫໍພິພິດທະພັນ Bardo ໃນນະຄອນ Tunis ເມື່ອເດືອມີນາ ຜ່ານມານີ້.
ເຈົ້າໜ້າທີ່ ໄດ້ກ່າວວ່າ ທ້າວ Rezgui ແລະມືປືນ ທີ່ Bardo ນັ້ນ ໄດ້ຮັບການຝຶກແອບທີ່
ລີເບຍ ໃນເວລາດຽວກັນ.
ສ່ວນໃຫຍ່ຂອງຜູ້ເຄາະຮ້າຍໃນການໂຈມຕີ 2 ຄັ້ງນີ້ ແມ່ນນັກທ່ອງທ່ຽວຕ່າງປະເທດ. ຊຶ່ງ
ພວກທີ່ເສຍຊີວິດ ໃນການໂຈມຕີເມື່ອວັນສຸກຜ່ານມານີ້ ຫລາຍໆຄົນແມ່ນເປັນຊາວອັງກິດ ແລະພວກອື່ນນັ້ນແມ່ນມາຈາກ ເຢຍຣະມັນ Ireland Belgium ແລະ Portugal.
