ອົງການຂ່າວທາງການຂອງຕູນີເຊຍ ກ່າວວ່າ ຕູນີເຊຍໄດ້
ປິດດ່ານຊາຍແດນສຳຄັນ ທີ່ຂ້າມໄປຫາລີເບຍນັ້ນ ຫລັງ
ຈາກຊາວອີຈິບແລະລີເບຍ ຫລາຍຮ້ອຍຄົນ ພະຍາຍາມ
ບຸກຜ່ານເຂົ້າມາທາງດ່ານດັ່ງກ່າວ ເພື່ອຫລົບໜີຄວາມຮຸນ
ແຮງ ຢູ່ອ້ອມແອ້ມ ເມືອງ Benghazi ແລະເມືອງຫລວງ
Tripoli ນັ້ນ.
ບັນດາເຈົ້າໜ້າທີ່ຮັກສາຄວາມປອດໄພ ກ່າວວ່າ ຊາວອີຈິບ
ທີ່ບໍ່ມີວີຊາເຂົ້າມາ ຕູນິເຊຍ ຫລາຍຄົນ ໄດ້ພາກັນບຸກພັງ
ພາກສ່ວນນຶ່ງຂອງຮົ້ວກັ້ນຊາຍແດນ ທີ່ເມືອງ Ras Ajdir
ເວລາເຈົ້າໜ້າທີ່ບໍ່ຍອມປ່ອຍໃຫ້ເຂົາເຈົ້າ ຜ່ານເຂົ້າມາ.
ຕຳຫລວດໄດ້ຍິງປືນ ແລະລະເບີດນ້ຳຕາຂື້ນເທິງຟ້າ ເພື່ອຢຸດພວກຝຸງຊົນເຫລົ່ານັ້ນ.
ໃນຕົ້ນອາທິດນີ້ ກຸ່ມພັນທະມິດ ອິສລາມແລະຈີຮາດ ທີ່ເອີ້ນວ່າ ສະພາປະຕິວັດ Shura
ເມືອງເບັງກາຊີ ໄດ້ຍຶດເອົາກອງບັນຊາການ ຂອງກອງກຳລັງພິເສດຂອງລີເບຍ ຢູ່ເມືອງ
Benghazi ທາງພາກຕາເວັນອອກ ຂອງລີເບຍ. ກຸ່ມ Ansar al-Sharia ຊຶ່ງຖືກວໍຊິງຕັນ
ຈັດວ່າ ເປັນອົງການກໍ່ການຮ້າຍນັ້ນ ກໍແມ່ນສ່ວນນຶ່ງຂອງກຸ່ມພັນທະມິດທີ່ວ່ານີ້.
ພວກເຈົ້າໜ້າທີ່ຕ້ອງໄດ້ປີດ ສະໜາມບິນ Tripoli ຫລັງຈາກມີການສູ້ລົບກັນ ເປັນເວລາ
ສອງອາທິດ. ບັນດາເຈົ້າໜ້າທີ່ກ່າວ ໃນວັນພຸດທີ່ຜ່ານມານີ້ ວ່າ ໄຟຍັງໄໝ້ຢູ່ ໃກ້ໆກັບເດີ່ນ
ບິນ ຫລັງຈາກລູກຈະຫລວດໄດ້ຕົກລົງໃສ່ຖັງນ້ຳມັນ ແລະໄຟໄໝ້ລາມໄປສູ່ ສາງເກັບນ້ຳ
ມັນແຫ່ງທີ່ສອງ.
ການສູ້ລົບເພື່ອຄວບຄຸມເດີ່ນເຮືອບິນ ໄດ້ເລີ້ມມາແຕ່ວັນທີ 13 ເດືອນກໍລະກົດ. ຫລາຍ
ສິບຄົນໄດ້ເສຍຊີວິດ.
ຜູ້ແທນສະພາຊຸດໃໝ່ຂອງລີີເບຍ ທີ່ຫາກໍຖືກເລືອກ ມີກຳໜົດ ທີ່ຈະປະຊຸມດ່ວນໃນວັນ
ເສົາມື້ນີ້ ຢູ່ທີ່ເມືອງ Tobruk ທາງພາກຕາເວັນອອກຂອງລີເບຍ. ເຈົ້າໜ້າທີ່ຄົນນຶ່ງ ກ່າວ
ວ່າ “ສະຖານະການແມ່ນອັນຕະລາຍຫລາຍ” ຢູ່ໃນປະເທດ.
