ລິ້ງ ສຳຫລັບເຂົ້າຫາ

ວັນພຸດ, ໒໘ ກຸມພາ ໒໐໒໔

ຜູ້ນໍາຊົ່ວຄາວຂອງຕູນີເຊຍຂໍຮ້ອງ ໃຫ້ນາຍົກລັດຖະມົນຕີ ປະກອບ ລັດຖະບານຊຸດໃໝ່


ທ່ານ Fouad Mebazaa ສາບານເຂົ້າຮັບຕໍາແໜ່ງ
ປະທານາທິບໍດີໃໝ່ຂອງ ຕູນີເຊຍ ວັນທີ 15 ມັງກອນ 2011.
ທ່ານ Fouad Mebazaa ສາບານເຂົ້າຮັບຕໍາແໜ່ງ ປະທານາທິບໍດີໃໝ່ຂອງ ຕູນີເຊຍ ວັນທີ 15 ມັງກອນ 2011.

ຜູ້​ວ່າ​ໜ້າ​ທີ່​ຕາງໜ້​າ​ຜູ້​ນໍາປະ​ເທດ Tunisia ​ທໍາ​ການ​ເຄື່ອນ​ໄຫວ​ໃນ​ວັນ​ອາທິດມື້​ນີ້​ ​ເພື່ອຈັດ​ຕັ້ງ​ຄະນະ​ລັດຖະບານ​ປະສົມ​ຂຶ້ນ ລຸນຫລັງ​ການ​ໂຄ່​ມລົ້ມ​ອະດີດ​ປະທານາ ທິບໍດີ Zine El Abidine Ben Ali ທີ່​ປົກຄອງ​ປະ​ເທດ​ມາ​ເປັນ​ເວລາ 23 ປີ ອອກ​ຈາກ​ອໍານາດ ໃນ​ສັບປະດາ​ຜ່ານ​ມາ​ນີ້.

ທ່ານ Fouad Mebazza ປະທານ​ສະພາ​ແຫ່ງ​ຊາດ​
ໄດ້​ສາບານເຂົ້າ​ຮັບ​ຕໍາ​ແໜ່​ງນຶ່ງ​ມື້​ຫລັງ​ຈາກ​ທ່ານ Ben
Ali ຫລົບ​ໜີ​ໄປ​ອາ​ໄສ​ຢູ່​ໃນ​ປະ​ເທດ Saudi Arabia.

ທ່ານ Mebazza ກ່າວ​ວ່າ ທ່ານ​ໄດ້​ຂໍ​ຮ້ອງໃຫ້ນາຍົກ
ລັດຖະມຸນຕີຂອງປະ​ເທດປະກອບ​ລັດຖະບານ​ສາມັກຄີ
ຊາດ​ຂຶ້ນ. ສະພາ​ລັດຖະທໍາ​ມະນູນ​ຂອງ​ຕູ​ນີ​ເຊຍ​ບົ່ງ​ໄວ້​ວ່າ
ການ​ເລືອກ​ຕັ້ງ​ເອົາ​ປະທານາທິບໍດີ​ຄົນ​ໃໝ່​ຄວນ​ຈະ​ມີ​ຂຶ້ນ ​ພາຍ​ໃນ 60 ມື້.

ໃນ​ວັນ​ເສົາ​ວານ​ນີ້ ມີ​ລາຍ​ງານຂ່າວວ່າ ​ໄດ້​ຍິນ​ສຽງ​ປືນ​ດັງ​ຂຶ້ນ​ ໃນ​ນະຄອນຫລວງ Tunis ຊຶ່ງ​ມີເຈົ້າ​ໜ້າ​ທີ່​ຕໍາຫລວດ​ແລະ​ພວກ​ລົດ​ຖັງ​ຂອງ​ກອງທັບ​ລາດ​ຕະ​ເວັນ​ຢູ່​ຕາມ​ຖະໜົນຫົນທາງ​ສາຍ​ຕ່າງໆ​ຢູ່​ທົ່ວ​ຕົວເມືອງ ທີ່ເຕັມ​ໄປ​ດ້ວຍ​ຂີ້​ເຫຍື້ອ​ແລະສິ່ງຫັກ​ພັງຈາກ​ຄວາມ​ວຸ້ນວາຍ​ ແລະ​ການ​ທຸບ​ກະຈົກຮ້ານ​ຄ້າ​ຮ້ານ​ຂາຍ​ເພື່ອລັກຂະ​ໂມຍສິ່ງ​ຂອງ​ໃນ​ຄືນ​ຜ່ານ​ມາ. ​ແຕ່ບໍ່​ມີຮ່ອງຮອຍ
ຄວາມ​ຮຸນ​ແຮງ​ໃດໆ​ເກີດ​ຂຶ້ນ​ອີກ​ໃໝ່​ໃນ​ວັນ​ອາທິດ​ມື້​ນີ້.

ທ່ານ Ben Ali ​ໄດ້​ຫລົບໜີ​ອອກຈາກ​ປະ​ເທດ​ໄປ ​ຫລັງ​ຈາກມີ​ການ​ເດີນ​ຂະ​ບວນປະ​ທ້ວງ ​ຕາມ​ຖະໜົນ​ຫົນທາງແລະ​ການ​ກໍ່​ຈະລາຈົນ​ເປັນ​ເວລາ​ຫລາຍ​ອາທິດ​ ທີ່ເກີດ​ຈາກ​ຄວາມ​ໂມ​ໂຫໂກດ​ແຄ້ນ​ຂອງ​ປະຊາຊົນ ນໍາ​ການທີ່​ບໍ່​ມີ​ວຽກ​ເຮັດ​ງານ​ທໍາ ​ແລະ​ການ​ສໍ້​ລາດ​ບັງ​ຫລວງຂອງ​ພວກ​ເຈົ້າ​ໜ້າ​ທີ່​ລັດຖະບານ. ທ່ານ Ali ​ໄດ້​ຄອງ​ຕໍາແໜ່​ງ​ປະທານາທິບໍດີ​ຂອງ Tunisia ມາເປັນ​ເວລາ 23 ປີ.

XS
SM
MD
LG