ຄາດວ່າ ນາຍົກລັດຖະມົນຕີຂອງ Tunisia ຈະປະກາດ
ຄະນະລັດຖະບານປະສົມຊຸດໃໝ່ໃນວັນຈັນມື້ນີ້ ມື້ນຶ່ງ
ຫຼັງຈາກທີ່ໄດ້ມີການສູ້ລົບຢ່າງໜັກລະຫວ່າງ ກອງກໍາລັງ
ພິເສດກັບກຸ່ມທີ່ຈົງຮັກພັກດີຕໍ່ປະທານາທິບໍດີ ທ່ານ Zine
El Abidine Ben Ali ທີ່ຖືກໂຄ່ນລົ້ມ.
ການຕໍ່ສູ້ກັນໄດ້ລະເບີດຂຶ້ນ ໃນບ່າຍວັນອາທິດວານນີ້
ໃນບໍລິເວນອ້ອມແອ້ມທໍານຽບປະທານາທິບໍດີ ຫ່າງຈາກ
ນະຄອນຫລວງ Tunis ໄປທາງທິດເຫນືອ ປະມານ 15
ກິໂລເເມັດ. ແຫລ່ງຂ່າວກອງທັບ Tunisia ກ່າວວ່າ
ກອງທັບແລະພວກສະມາຊິກຂອງໜ່ວຍອາລັກຂາປະທາ
ນາທິບໍດີ ທີ່ຕັ້ງຂຶ້ນມາໃໝ່ ໄດ້ຂັບໄລ່ການໂຈມຕີຂອງກຸ່ມ
ທະຫານບ້ານທີ່ຈົງຮັກພັກດີຕໍ່ອະດີດປະທານາທິບໍດີ Ben
Ali.
ນອກນັ້ນເຈົ້າໜ້າທີ່ທະຫານຍັງໄດ້ຈັບກຸມຫຼາຍສິບຄົນ
ຊຶ່ງຮວມທັງເຈົ້າໜ້າທີ່ຮັກສາຄວາມປອດໄພ ຂັ້ນສູງ 2 ຄົນ ໃນຂໍ້ຫາສົມຮູ້ຮ່ວມຄິດວາງແຜນ
ການຕໍ່ຕ້ານລັດຖະບານ Tunisia.
