ນາຍົກລັດຖະມົນຕີ ຕູນິເຊຍ ໄດ້ປົດຜູ້ບັນຊາການຕຳຫລວດ
ຫ້າຄົນ ອອກຈາກໜ້າທີ່ ໃນວັນຈັນວານນີ້ ລຸນຫລັງການໂຈມ
ຕີຂອງພວກກໍ່ການຮ້າຍໃນອາທິດແລ້ວນີ້ ຢູ່ທີ່ຫໍພິພິດທະພັນ
ແຫ່ງຊາດໃນນະຄອນຫຼວງຕູນິສ ທີ່ເຮັດໃຫ້ 21 ຄົນເສຍຊີວິດ
ຊຶ່ງທັງໝົດເປັນພວກນັກທ່ອງທ່ຽວຊາວຕ່າງປະເທດ ຍົກເວັ້ນ
ແຕ່ພຽງ ຜູ້ດຽວທີ່ບໍ່ແມ່ນ.
ທ່ານ Habib Essid ໄດ້ປົດຜູ້ບັນຊາການຮັກສາຄວາມປອດ
ໄພທ່ອງທ່ຽວ ຜູ້ບັນຊາການສືບລັບ ຜູ້ບັນຊາການຕຳຫລວດ
ໃນນະຄອນຫຼວງຕູນິສ ແລະອີກສອງຄົນ. ໂຄສົກຂອງທ່ານ
ກ່າວວ່າ ທ່ານ Essid ໄດ້ໄປຢ້ຽມຢາມ ຫໍພິພິດທະພັນແຫ່ງ
ຊາດ Bardo ໃນວັນອາທິດແລ້ວນີ້ ແລະໄດ້ພົບເຫັນວ່າ“ມີຄວາມຫລົ້ມແຫລວຫຼາຍໆ
ຢ່າງໃນການຮັກສາຄວາມປອດໄພ.”
ບັນດາເຈົ້າໜ້າທີ່ ຕູນິເຊຍ ກ່າວວ່າ ພວກຍາມ ທີ່ຖືກສັ່ງໃຫ້ຮັກສາຄວາມປອດໄພຢູ່ຫໍພິ
ພິດທະພັນ ແລະຕຶກສະພາທີ່ຕັ້ງຢູ່ໃກ້ຄຽງນັ້ນ ໄດ້ພາກັນໄປດື່ມກາເຟ ເວລາພວກຫົວຮຸນ
ແຮງຍິງບັນດານັກທ່ອງທ່ຽວ ຮວມທັງຜູ້ໄປຢ້ຽມຢາມຈາກ ຍີ່ປຸ່ນ ໂປແລນ ອີຕາລີ ແລະ
ສະເປນ ໃນຂະນະທີ່ພວກເຂົາເຈົ້າກຳລັງລົງຈາກລົດບັສ ຢູ່ຫໍພິພິດທະພັນ.
ພວກມືປຶນສອງຄົນພາກັນແລ່ນໄລ່ຍິງ ຢູ່ໃນຫໍພິພິດທະພັນ ເປັນເວລາຫລາຍຊົ່ວໂມງໃນ
ວັນພຸດແລ້ວນີ້ ກ່ອນທີ່ເຂົາເຈົ້າໄດ້ຖືກຍິງຕາຍໂດຍກຳລັງຮັກສາຄວາມປອດໄພ. ພວກ
ຫົວຮຸນແຮງຕໍ່ມາໄດ້ຖືກລະບຸວ່າ ເປັນຊາວຕູນິເຊຍສອງຄົນ ທີ່ມີອາຍຸ 20 ກວ່າປີ ທີ່ໄດ້ຮັບ
ການຝືກແອບຢູ່ໃນລີເບຍ.
ປະທານາທິບໍດີ ຕູນິເຊຍ ທ່ານ Beji Caid Essebsi ກ່າວໃນວັນອາທິດຜ່ານມານີ້ວ່າ ມື
ປືນຜູ້ທີສາມ ທີ່ພົວພັນກັບການສັງຫານໝູ່ໃນຄັ້ງນີ້ ຍັງຊອກຫາໂຕບໍ່ເຫັນເທື່ອ.