ລິ້ງ ສຳຫລັບເຂົ້າຫາ

logo-print

ປ. ດໍໂນລ ທຣໍາ ສ້າງຄວາມກ້າວໜ້າໃນການ ສົນທະນາກັບ ປ. ສີ ຈິນຜິງ


ປະທານາທິບໍດີ ສະຫະລັດ ທ່ານດໍໂນລ ທຣໍາ ໃນວັນພະຫັດອາທິດແລ້ວນີ້ ໄດ້ປະກາດ
ວ່າ ລັດຖະບານຂອງທ່ານ ແລະຈີນ ຕ້ອງປະຕິບັດງານຮ່ວມກັນເພື່ອເຮັດໃຫ້ຂົງເຂດດັ່ງ
ກ່າວ ແລະໂລກຂອງເຮົາໝົດໄປຈາກອັນທີ່ທ່ານຮ້ອງວ່າໄພຂົ່ມຂູ່ທີ່ຮ້າຍແຮງ ຈາກລະ
ບອບ "ຄາດຕະກອນຢູ່ໃນເກົາຫຼີເໜືອ.” ຫົວໜ້າວີໂອເອ ປະຈຳທຳນຽບຂາວ Steve
Herman ທີ່ເດີນທາງໄປປັກກິ່ງກັບປະທານາ ທິບໍດີ ລາຍງານມາວ່າ ເລື່ອງເກົາຫລີ
ເໜືອພ້ອມດ້ວຍຊ່ອງຫວ່າງຂະໜາດໃຫຍ່ທາງດ້ານການຄ້າ ລະຫວ່າງສະຫະລັດ ກັບ
ຈີນໄດ້ຄອບງໍາການເຈລະຈາຊຶ່ງ ກິ່ງ​ສະຫວັນ ຈະ​ນຳ​ມາສະ​ເໜີ​ທ່ານ ໃນອັນດັບຕໍ່ໄປ.

ຢືນຢູ່ຄຽງຂ້າງກັບປະທານປະເທດຈີນ ທ່ານ Xi Jinping ປະທານາທິບໍ ດີດໍໂນລ ທຣໍາ ໄດ້ປະກາດວ່າ ວໍຊິງຕັນແລະປັກກິ່ງໄດ້ເຫັນພ້ອມ “ທີ່ຈະບໍ່ເຮັດ ຄວາມຜິດພາດໃນອະດີດ ຊ້ຳຄືນອີກ” ໃນການຮັບມືກັບພຽງຢາງ ຊຶ່ງໃນໄລຍະຫລາຍປີທີ່ຜ່ານມານີ້ ໄດ້​ເຮັດ​ໃຫ້ປະ
ເທດດັ່ງກ່າວສາມາດສ້າງຄວາມກ້າວໜ້າ​ໄດ້ຢ່າງວ່ອງໄວ ແກ່ໂຄງການອາວຸດນິວເຄລຍ ແລະລູກສອນໄຟຂີປະນາວຸດຂອງຕົນ.

ປະທານາທິບໍດີດໍໂນລ ທຣໍາ ກ່າວວ່າ “ໂລກທີ່​ສີວິ​ໄລທັງໝົດ ຕ້ອງສາມັກຄີກັນປະເຊີນ
ໜ້າກັບການຂົ່ມຂູ່ຂອງເກົາຫຼີເໜືອ ແລະໂລກທັງໝົດກຳລັງຈັບຕາເບິ່ງພວກເຮົາຢູ່
ໃນຂະນະນີ້.”

ຢູ່ໃນຄຳຖະແຫຼງຂອງທ່ານນັ້ນ ປະທານປະເທດ Xi ແມ່ນຂ້ອນຂ້າງມິດງຽບ.

ປະທານປະເທດຈີນກ່າວວ່າ “ບັນຫາຢູ່​ໃນແຫລມເກົາຫລີພວກເຮົາໄດ້ກ່າວຢໍ້າເຖິງ
ຄວາມໝາຍໝັ້ນຢ່າງແຂງຂັນເພື່ອໃຫ້ບັນລຸການປອດນິວເຄລຍຢູ່​ທີ່ແຫລມ ເກົາຫຼີ
ແລະການປະຕິບັດຕາມລະບົບຫ້າມບໍ່ໃຫ້ແຜ່ຜາຍອາວຸດຂອງສາກົນ. ທັງສອງຝ່າຍຈະ
ສືບ​ຕໍ່ຈັດຕັ້ງປະຕິບັດ ຢ່າງເຕັມທີ່ ແລະເຄັ່ງຄັດ ມະຕິຂອງສະພາຄວາມໝັ້ນຄົງສະຫະ
ປະຊາຊາດ. ໃນເວລາດຽວກັນ ທັງສອງຝ່າຍໝາຍໝັ້ນທີ່ຈະເຮັດວຽກໄປສູ່ການແກ້ໄຂ
ໂດຍຜ່ານການສົນທະນາຫາລື ແລະການເຈລະ ຈາ.”

ກ່ອນໜ້ານີ້ ປະທານາທິບໍດີທຣໍາກ່າວວ່າ ມີຄວາມກ້າວໜ້າດ້ວຍດີ ຮວມທັງກ່ຽວກັບ
ເລື່ອງເກົາຫລີເໜືອ ທີ່ໄດ້​ຮັບ ໃນການເຈລະຈາຫາລືກັບຜູ້ນຳຂອງຈີນ.

ປະທານາທິບໍດີທຣໍາກ່າວວ່າ “ຂ້າພະເຈົ້າຄິດວ່າມີການແກ້ໄຂຕໍ່ເລື້ອງນັ້ນ ດັ່ງທີ່
ທ່ານເຮັດ.”

ປະທານາທິບໍດີດໍໂນລ ທຣໍາ ແລະປະທານປະເທດຈີນ ທ່ານ Xi Jinping ຮ່ວມປະຊຸມສອງຝ່າຍ ທີ່ ຫໍສາລາປະຊາຊົນໃນ ໃນນະຄອນຫລວງປັກກິ່ງ. Beijing ວັນທີ 9. 2017.
ປະທານາທິບໍດີດໍໂນລ ທຣໍາ ແລະປະທານປະເທດຈີນ ທ່ານ Xi Jinping ຮ່ວມປະຊຸມສອງຝ່າຍ ທີ່ ຫໍສາລາປະຊາຊົນໃນ ໃນນະຄອນຫລວງປັກກິ່ງ. Beijing ວັນທີ 9. 2017.

​ຢູ່ໃນພິທີຕ້ອນຮັບຢ່າງເປັນທາງການຢູ່ນອກຫໍສາລາປະຊາຊົນນັ້ນ ຜູ້ນຳທັງສອງ
ໄດ້ຍ່າງຄຽງຂ້າງກັນຢູ່ເທິງຜ້າພົມແດງ.

ກອງດຸລິ​ຍາງທະຫານໄດ້ຫລິ້ນເພງຊາດຂອງທັງສອງປະເທດ ແລະພິທີຍິງປືນໃຫຍ່
ຈາກຈະຕຸລັດທຽນອັນເໝີນ ​ເພື່ອຄຳນັບປະທານາທິບໍດີທຣໍາ.

ພວກພະນັກງານພາກັນຕິດຕັ້ງແຜ່ນແກ້ວ ຢູ່ ຮ້ານອາຫານ McDonald's ໃນນະຄອນຫລວງປັກກິ່ງ Beijing ວັນທີ 7 ພະຈິກ, 2017.
ພວກພະນັກງານພາກັນຕິດຕັ້ງແຜ່ນແກ້ວ ຢູ່ ຮ້ານອາຫານ McDonald's ໃນນະຄອນຫລວງປັກກິ່ງ Beijing ວັນທີ 7 ພະຈິກ, 2017.

ພວກເດັກນ້ອຍນັກຮຽນທີ່​ຕື່ນ​ເຕັ້ນກໍພາກັນໂບກທຸງຊາດອາເມຣິກາແລະທຸງຊາດຈີນ.

ການໂອ້ລົມສົນທະນາລະຫວ່າງທ່ານທຣໍາແລະທ່ານ Xi ຍັງໄດ້ພົວພັນກັບເລື່ອງການ
ຄ້າ ຊຶ່ງເປັນເລື່ອງ​ທີ່ອ່ອນໄຫວ ໃນເມື່ອວ່າປະທານາທິບໍດີສະຫະລັດໄດ້ຈົ່ມວ່າມາເປັນ
ເວລານານແລ້ວກ່ຽວກັບການຄ້າທີ່ບໍ່ກໍ້າເກິ່ງໃນດ້ານການຄ້າລະຫວ່າງຈີນ ແລະ
ສະຫະລັດ.

ປະທານາທິບໍດີ ສະຫະລັດ ທ່ານດໍໂນລ ທຣໍາ ແລະປະທານປະເທດຈີນ ທ່ານ Xi Jinping ຢູ່ໃນພິທີ່ຕ້ອນຮັບໃນນະຄອນຫລວງປັກກິ່ງ Beijing ວັນທີ 9 ພະຈິກ 2017.
ປະທານາທິບໍດີ ສະຫະລັດ ທ່ານດໍໂນລ ທຣໍາ ແລະປະທານປະເທດຈີນ ທ່ານ Xi Jinping ຢູ່ໃນພິທີ່ຕ້ອນຮັບໃນນະຄອນຫລວງປັກກິ່ງ Beijing ວັນທີ 9 ພະຈິກ 2017.

ປະທານາທິບໍດີທຣໍາກ່າວວ່າ ການຂາດດຸນການຄ້າຂອງສະຫະລັດກັບຈີນ “ທີ່ໜ້າຕົກ
ໃຈຫລາຍພັນລ້ານໂດລາ”
ໃນແຕ່ລະປີ ແລະນັ້ນ “ບັນດາລັດຖະບານຊຸດກ່ອນໆໄດ້
ອະນຸຍາດປ່ອຍໃຫ້​ມາຮອດປັດຈຸບັນຄວບຄຸມບໍ່ໄດ້."

ປະທານາທິບໍດີທຣໍາກ່າວວ່າ “ແຕ່ວ່າຂ້າພະເຈົ້າບໍ່ຖິ້ມໂທດໃສ່ຈີນ. ຫລັງຈາກທັງໝົດ
ແລ້ວ ໃຜສາມາດຖີ້ມໂທດໃສ່ປະເທດນຶ່ງທີ່ຕັກຕວງເອົາຜົນປະໂຫຍດຂອງປະເທດ
ອື່ນ ເພື່ອຜົນປະໂຫຍດສຳລັບປະຊາຊົນຂອງຕົນ?”

ປະທານາທິບໍດີ ດໍໂນລ ທຣໍາ ແລະສະຕິໝາຍເລກນຶ່ງ ທ່ານນາງ Melania Trump, ຊ້າຍ, ປະທານປະເທດຈີນ ທ່ານ Xi Jinping, ທີ່ສອງຂວາມື ແລະພັນລະຍາ ຍານາງ Peng Liyuan ຢືນຮ່ວມກັນລະຫວ່າງການຢ້ຽຢາມ ເມືອງທີ່ຕ້ອງຫ້າມ ວັນທີ 8 ພະຈິກ, 2017 ທີ່ນະຄອນຫລວງປັກກິ່ງ.
ປະທານາທິບໍດີ ດໍໂນລ ທຣໍາ ແລະສະຕິໝາຍເລກນຶ່ງ ທ່ານນາງ Melania Trump, ຊ້າຍ, ປະທານປະເທດຈີນ ທ່ານ Xi Jinping, ທີ່ສອງຂວາມື ແລະພັນລະຍາ ຍານາງ Peng Liyuan ຢືນຮ່ວມກັນລະຫວ່າງການຢ້ຽຢາມ ເມືອງທີ່ຕ້ອງຫ້າມ ວັນທີ 8 ພະຈິກ, 2017 ທີ່ນະຄອນຫລວງປັກກິ່ງ.

​ປະທານປະເທດຈີນ ທ່ານ Xi Jinping ກ່າວວ່າ “ສະຫະລັດ ແລະຈີນຕ່າງກໍເປັນປະ
ເທດ
ເສດຖະກິດທີ່ໃຫຍ່ສຸດ ແລະຢູ່ໃນກົນ​ໄກທີ່ສຳຄັນຂອງການເຕີບໂຕເສດຖະກິດ
ໂລກ. ພວກເຮົາຕ້ອງຂະຫຍາຍການຄ້າໄປໜ້າ ແລະການຮ່ວມມືໃນການລົງທຶນ ເສີມຂະຫຍາຍເສດຖະກິດມະຫາ​ພາກ​ ກ່ຽວກັບການຮ່ວມ​ມື​ໃນການ​ລົງ​ທືນ ດຳ
ເນີນການເພື່ອສ້າງສະຖຽນລະພາບທີ່ເຂັ້ມແຂງ ແລະເສດຖະກິດທີ່ກໍ້າເກີ່ງ ພ້ອມ

ທັງຄວາມສຳພັນດ້ານການຄ້າ.”

ປະທານາທິບໍດີ ດໍໂນລ ທຣໍາ ກ່າວຄຳປາໄສ ທີ ສະພາແຫ່ງຊາດເກົາຫລີໃຕ້ ໃນນະຄອນໂຊລ ວັນທີ 8 ພະຈິກ, 2017.
ປະທານາທິບໍດີ ດໍໂນລ ທຣໍາ ກ່າວຄຳປາໄສ ທີ ສະພາແຫ່ງຊາດເກົາຫລີໃຕ້ ໃນນະຄອນໂຊລ ວັນທີ 8 ພະຈິກ, 2017.

ຜູ້ນຳທັງສອງໄດ້ເອົາບົດບາດໃນອັນທີ່ພວກທ່ານໝາຍເຖິງການຕົກລົງໃນທຸລະກິດມູນ
ຄ່າຫຼາຍເຖິງ 250 ພັນລ້ານໂດລາ ທີ່ໄດ້ເຊັນກັນລະຫວ່າງ ປະທານາທິ ບໍດີທຣໍາຢ້ຽມ
ຢາມທີ່ນີ້. ແຕ່ວ່າສ່ວນ​ໃຫຍ່ຂອງຂໍ້ຕົກລົງເຫຼົ່ານີ້ ແມ່ນເປັນບົດບັນທຶກທີ່ບໍ່ມີຜົນບັງຄັບ
ທີ່ອາດບໍ່ບັງເກີດໝາກຜົນເລີຍກໍເປັນໄດ້

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ
XS
SM
MD
LG