ທ່ານ Donald Trump ໄດ້ຮັບໄຊຊະນະເປັນຄັ້ງທີ 3 ໃນການ
ແຂ່ງຂັນ 4 ຄັ້ງ ໂດຍໄດ້ຮັບຄະແນນສຽງນຳໜ້າແບບເດັດຂາດ
ໃນການປະຊຸມຄັດເລືອກທີ່ລັດ Nevada ເມື່ອວັນອັງຄານຜ່ານ
ມານີ້ ທີ່ຄ້ຳປະກັນຕຳແໜ່ງຂອງທ່ານ ໃນຖານະຜູ້ນຳຂອງພັກ
Republican ມຸ່ງໜ້າໄປສູ່ການເລືອກຕັ້ງທີ່ເອີ້ນວ່າ Super
Tuesday ໃນສັບປະດາໜ້າ ທີ່ມີການປ່ອນບັດຢູ່ໃນສິບກວ່າ
ລັດ ໃນເວລາພ້ອມໆກັນ.
ໄຊຊະນະຄັ້ງນີ້ ມີຂຶ້ນຫຼັງຈາກທີ່ທ່ານໄດ້ຮັບໄຊຊະນະຄັ້ງທຳອິດ ຢູ່ລັດ New Hampshire ແລະລັດ South Carolina ຊຶ່ງທັງສອງລັດນີ້ ແມ່ນສະແດງໃຫ້ເຫັນວ່າ ບໍ່ມີຜູ້ສະໝັກຄົນ ໃດ ໄດ້ຮັບການຖືກເລືອກເປັນຕົວແທນຂອງພັກຣີພັບບລີກັນ ໂດຍປາດສະຈາກໄຊຊະນະ
ຢູ່ໃນສອງລັດທີ່ວ່ານີ້.
ເບິ່ງຄືວ່າ ທ່ານ Trump ໄດ້ແຜ້ວທາງໄປສູ່ການເປັນຕົວແທນ
ຂອງພັກ Republican ຢ່າງແນ່ນອນ ເຖິງຢ່າງນັ້ນກໍຕາມ
ທ່ານໄດ້ຮັບແຮງຂັບດັນຈາກແຕກແຍກໂດຍມີຜູ້ລົງແຂ່ງຂັນ
ເລືອກຕັ້ງ ທັງໝົດ 5 ຄົນ.
ທ່ານ Stuart Rothenberg ຜູ້ກໍ່ຕັ້ງ Rothenberg &
Gonzales Political Report ໄດ້ກ່າວວ່າ “ທ່ານ Donald
Trump ຍັງຈະຕ້ອງໄດ້ພິສູດໃຫ້ເຫັນ ໃນການແຂ່ງຂັນແບບ
ນຶ່ງຕໍ່ນຶ່ງ ຫຼື ການແຂ່ງຂັນຂອງສາມຄົນພ້ອມກັນນັ້ນ ທ່ານຍັງ
ສາມາດໄດ້ຮັບຄະແນນ ລະ ຫວ່າງ 35 40 45 ເປີເຊັນ ຫຼືບໍ່
ກໍ 50 ເປີເຊັນຂອງຜູຸ້ປ່ອນບັດ ຊຶ່ງໃນປະຈຸບັນນີ້ ມັນຍັງບໍ່
ທັນເປັນທີ່ແຈ້ງຂາວເທື່ອ.”
ເຊີນຊົມພາບວີດີໂອ: ພວກທີ່ສໜັບສະໜຸນ ທ່ານ Trump ແລະທ່ານ Cruz ໃນລັດ Nevada.
ນັກທຸລະກິດມະຫາເສດຖີພັນລ້ານ ໄດ້ຊະນະຄູ່ແຂ່ງຈາກລັດ Texas ສະມາຊິກສະພາສູງ Ted Cruz ແລະສະມາຊິກສະພາສູງຈາກລັດ Florida ທ່ານ Marco Rubio ໃນການເລືອກຕັ້ງຂັ້ນຕົ້ນຂອງພັກ Republican ທີ່ລັດ Nevada ເມື່ອວັນອັງຄານຜ່ານມານີ້ ໂດຍໄດ້ຮັບຄະແນນເກືອບ 46 ເປີເຊັນ ຂອງຄະແນນສຽງທັງໝົດ. ທ່ານ Rubio ໄດ້ຮັບຄະແນນສຽງທີ 2 ຊຶ່ງລື່ນທ່ານ Cruz ບໍ່ຮອດ 2000 ຄະແນນ. ອະດີດຜູ້ປົກຄອງລັດ Ohio ທ່ານ John Kasich ແລະທ່ານ Ben Carson ທ່ານໝໍທີ່ກະສຽນແລ້ວ ໄດ້ເປັນທີ 4 5 ຕາມລຳດັບ.
ການໄດ້ຮັບໄຊຊະນະທີ່ລັດ Nevada ເຮັດໃຫ້ທ່ານ Trump ໄດ້ຮັບການປະກາດສະໜັບ ສະໜຸນເປັນເທື່ອທຳອິດ ໃນວັນພຸດວານນີ້ ໂດຍສະມາຊິກສະພາຕ່ຳສັງກັດພັກ Republi-
can ຈາກລັດ New York ທ່ານ Chris Collins ແລະທ່ານ Duncan Hunter ສະມາຊິກ
ສະພາຕ່ຳສັງກັດພັກ Republican ຈາກລັດ California.
ການປະມວນພາບ: ການເລືອກຕັ້ງຜູ້ຕາງໜ້າພັກ ເພື່ອລົງແຂງຂັນເປັນປະທານາທິບໍດີ
