ທ່ານ ດໍໂນລ ທຣໍາ ໄດ້ກັບເຂົ້າມາຄວບຄຸມທຳນຽບຂາວຄືນດ້ວຍໄຊຊະນະ ທີ່ເໜືອຄວາມຄາດໝາຍໃນວັນພຸດວານນີ້ ໂດຍຊາວອາເມຣິກັນຫຼາຍສິບລ້ານ ຄົນພາກັນເບິ່ງຂ້າມຂໍ້ກ່າວຫາທາງອາຍາ ແລະຄຳເວົ້າທີ່ສ້າງຄວາມແຕກແຍກ ກັນຂອງທ່ານ ເພື່ອຮັບເອົາຜູ້ນຳຄົນນີ້, ຖ້າທ່ານດໍາເນີນການຕາມຄຳສັນຍາຈາກ ການໂຄສະນາຫາສຽງ, ຈະເປັນການທົດສອບຂີດຈໍາກັດຂອງອໍານາດ ປະທານາທິບໍດີ.
ທ່ານ ທຣໍາ ອາຍຸ 78 ປີ, ໄດ້ຮັບໄຊຊະນະຈາກການເລືອກຕັ້ງໃນວັນອັງຄານ ທີ່ຜ່ານມາ, ຫຼັງຈາກການໂຄສະນາຫາສຽງທີ່ມີລັກສະນະຂັດແຍ້ງແລະ ວຸ້ນວາຍ ໂດຍມີຄວາມພະຍາຍາມທີ່ຈະເອົາຊີວິດຂອງທ່ານສອງຄັ້ງ, ແລະການເຂົ້າ ແຂ່ງຂັນຊ້າຂອງ ທ່ານນາງ ຄາມາລາ ແຮຣິສ ລຸນຫຼັງປະທານາທິບໍດີ ໂຈ ໄບເດັນ ຖອນໂຕອອກຈາກການແຂ່ງຂັນແບບບໍ່ຄາດຄິດ.
ໃນການກ່າວຄຳປາໄສຂອງທ່ານນາງຕໍ່ການເສຍໄຊ ຢູ່ທີ່ມະຫາວິທະຍາໄລ ຮາວເວີດ (Howard) ໃນຕອນບ່າຍວັນພຸດວານນີ້, ທ່ານນາງ ແຮຣິສ ໄດ້ພະຍາຍາມປອບໃຈບັນດາຜູ້ລົງຄະແນນສຽງ ທີ່ມີຄວາມຫວັງວ່າ ທ່ານນາງຈະກາຍເປັນຜູ້ຍິງຄົນທຳອິດທີ່ຊະນະຕໍາແໜ່ງປະທານາທິບໍດີ.
ທ່ານນາງກ່າວວ່າ “ສຳລັບທຸກໆຄົນທີ່ກຳລັງເບິ່ງຢູ່ນີ້, ຈົ່ງຢ່າໝົດຫວັງ, ນີ້ບໍ່ແມ່ນເວລາທີ່ຈະປະຖິ້ມຄວາມຮັບຜິດຊອບຂອງພວກເຮົາ. ນີ້ ແມ່ນ ເວລາທີ່ຈະປະຕິບັດໜ້າທີ່ຂອງພວກເຮົາຕໍ່ໄປ.”
ທ່ານນາງກ່າວວ່າ ໄດ້ທໍາການໂທຫາ ທ່ານ ທຣໍາ ເພື່ອສະແດງຄວາມຍິນດີ ກັບທ່ານ ແລະສັນຍາວ່າ ຈະຊ່ວຍເຫຼືອວຽກງານໃນການປ່ຽນແປງຂອງທ່ານ. ແຕ່ທ່ານນາງບໍ່ໄດ້ກຽມພ້ອມ ທີ່ຈະຮັບເອົາວິໄສທັດຂອງ ທ່ານ ທຣໍາ ສໍາລັບປະເທດຊາດ.
ທ່ານນາງກ່າວໃນຂະນະທີ່ຜູ້ສະໜັບສະໜູນບາງຄົນໃນຝູງຊົນພາກັນນໍ້າຕາຊຶມອອກມາວ່າ “ໃນຂະນະທີ່ຂ້າພະເຈົ້າຍອມຮັບຜົນການເລືອກຕັ້ງໃນຄັ້ງນີ້, ແຕ່ຂ້າພະເຈົ້າ ບໍ່ໄດ້ຍອມແພ້ການຕໍ່ສູ້ທີ່ເປັນແຮງຜັກດັນໃນການ ໂຄສະນາຫາສຽງຄັ້ງນີ້, ຈົ່ງພາກັນຕໍ່ສູ້ເພື່ອເສລີພາບ, ເພື່ອໂອກາດ, ເພື່ອຄວາມຍຸຕິທຳ ແລະກຽດສັກສີຂອງທຸກໆຄົນ.”
ຮູບພາບໃນສື່ສັງຄົມສະແດງໃຫ້ເຫັນວ່າ ມີປະຊາຊົນຢ່າງໜ້ອຍ 200 ຄົນ ໄດ້ພາກັນອອກມາເຕົ້າໂຮມກັນຢູ່ນອກໂຮງແຮມ Trump International Hotel ແລະ Tower ໃນນະຄອນຊິກາໂກ ເພື່ອທໍາການປະທ້ວງຜົນ ການເລືອກຕັ້ງຂອງທ່ານທຣໍາ. ປ້າຍໂຄສະນານຶ່ງຢູ່ດ້ານໜ້າອ່ານວ່າ “ທຣໍາ ຈົ່ງອອກໄປ!” ຂະນະທີ່ບັນດາຜູ້ພວກປະທ້ວງຍັງໄດ້ຮຽກຮ້ອງໃຫ້ຍຸຕິການບຸກໂຈມຕີຂົງເຂດກາຊາ ໂດຍ ອິສຣາແອລ.
ທ່ານ ໄບເດັນ ວາງແຜນທີ່ຈະກ່າວຄຳປາໄສຕໍ່ປະເທດຊາດໃນເວລາ 11 ໂມງເຊົ້າຂອງວັນພະຫັດມື້ນີ້, ເຊິ່ງທຳນຽບຂາວກ່າວວ່າ ທ່ານ ໄບເດັນ ໄດ້ໃຫ້ຄຳໝັ້ນສັນຍາວ່າຈະມີການປ່ຽນແປງແບບນຸ້ມນວນ ລະຫວ່າງການເຂົ້າຮັບຕຳແໜ່ງຂອງ ທ່ານ ທຣໍາ ໃນວັນທີ 20 ມັງກອນນີ້.
ທີມງານຫາສຽງຂອງ ທ່ານ ທຣໍາ ກ່າວວ່າ ທ່ານ ໄຊເດັນ ໄດ້ໂທຫາ ທ່ານ ທຣໍາ ເພື່ອທໍາການສະແດງຄວາມຍິນດີກັບທ່ານ ແລະໄດ້ເຊື້ອເຊີນໃຫ້ທ່ານ ເຂົ້າຮ່ວມກອງປະຊຸມທີ່ທຳນຽບຂາວ ໂດຍຍັງບໍ່ໄດ້ກໍານົດຊ່ວງເວລາອອກມາ.
ອ່ານຂ່າວດ້ານລຸ່ມນີ້ເປັນພາສາອັງກິດ
PALM BEACH, Florida/WASHINGTON, Nov 6 (Reuters) - Donald Trump recaptured the White House with a sweeping victory on Wednesday as tens of millions of Americans looked past his criminal charges and divisive rhetoric to embrace a leader who, if he carries out his campaign promises, will test the limits of presidential power.
Trump, 78, clinched Tuesday's election after a polarizing and dizzying campaign marked by two attempts on his life and Kamala Harris' late entry into the race following President Joe Biden's surprise withdrawal.
In a concession speech at her alma mater Howard University on Wednesday afternoon, Harris sought to console the voters who had hoped she would become the first woman to win the White House.
"To everyone who is watching, do not despair," she said. "This is not a time to throw up our hands. This is a time to roll up our sleeves."
Harris said she had called Trump to congratulate him and promised to aid his transition. But she was not prepared to embrace his vision for the country.
"While I concede this election, I do not concede the fight that fueled this campaign," she said, as some supporters in the crowd shed tears. "The fight for freedom, for opportunity, for fairness and the dignity of all people."
At least 200 people gathered outside the Trump International Hotel and Tower in Chicago to protest his election. One banner at the front read "Trump out!" as demonstrators also called for and end to Israel's Gaza incursion, pictures on social media showed.
Biden planned to address the nation at 11 a.m. EST (1600 GMT) on Thursday. The White House said Biden was committed to a smooth transition between now and Trump's inauguration on Jan. 20.
Trump's campaign said Biden called Trump to congratulate him and invite him to a meeting at the White House at an unspecified time.
ຟໍຣັມສະແດງຄວາມຄິດເຫັນ