ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ບູລິມະສິດ ຂອງ ປ. ທຣໍາ ທີ່ ສປຊ ຄື ໂດດດ່ຽວ ເກົາຫລີເໜືອ ທາງການທູດ


ປະທານາທິບໍດີ ດໍໂນລ ທຣໍາ ກ່າວຢູ່ຫ້ອງຕາເວັນອອກ ຂອງ ທຳນຽບຂາວ ໃນວັນທີ 28 ສິງຫາ 2017.
ປະທານາທິບໍດີ ດໍໂນລ ທຣໍາ ກ່າວຢູ່ຫ້ອງຕາເວັນອອກ ຂອງ ທຳນຽບຂາວ ໃນວັນທີ 28 ສິງຫາ 2017.

ປະທານາທິບໍດີ ດໍ​ໂນ​ລ ທຣໍາ ຈະ​ຊຸກຍູ້​ໃຫ້​ມີ​ການ​ຈຳກັດ​ຮັດ​ແຄບທາງ​ດ້ານ​ເສດຖະກິດ
ເພື່ອໂດ​ດດ່ຽວເກົາຫລີ​ເໜືອຢູ່ທີ່ກອງ​ປະຊຸມ​ສະມັດ​ຊາ​ໃຫຍ່​ສະຫະ​ປະຊາ​ ຊາດ​ໃນ​ອາ
ທິດ​ໜ້າ ອີງ​ຕາມ​ເຈົ້າ​ໜ້າ​ທີ່​ຂັ້ນສູງ​ສອງ​ທ່ານ ​ທີ່​ກ່າວ​ວ່າ ທ່ານ​ຈະ​ໂຕ້ ຖຽງ​ວ່າ ຄວາມ​ລົ້ມ
ແຫລວ​ທາງ​ດ້ານການ​ທູດ ອາດ​ຈະ​ເຮັດ​ໃຫ້​ມີ​ໂອກາດເພີ້​ມ​ຂຶ້ນ ​ໃນ​ການ​ທີ່​ຈະເກີດ​ສົງຄາມ.

ຢູ່​ໃນ​ການ​ລາຍ​ງານ​ທີ່​ທຳນຽບຂາວ ​ໃນ​ວັນ​ສຸກ​ວານ​ນີ້ ​ເອກ​ອັກຄະ​ລັດ​ຖະທູດສະຫະລັດ
ປະຈຳ​ສະຫະ​ປະຊາ​ຊາດ ທ່ານ​ນາງ Nikke Haley ​ແລະທີ່​ປຶກສາ​ດ້ານ ຄວາມ​ໝັ້ນຄົງ​
ແຫ່ງ​ຊາດ ທ່ານ H.R. McMaster ​ໄດ້​ສະ​ແດງ​ຄວາມຍິນ​ດີກ່ຽວ ກັບກາ​ນ​ເຄື່ອນ​ໄຫວ
​ຂອງ​ສະພາ​ຄວາມ​ໝັ້ນຄົງ ​ໃນ​ເດືອນ​ນີ້ທີ່​ຈະ​ທຳການ​ລົງ​ໂທດ​ເພີ້​ມຕື່ມຕໍ່​ເກົາຫລີ​ເໜືອ
​ແຕ່ກໍ​ກ່າວ​ວ່າ ການ​ກະທຳ​ແບບ​ຮຸກ​ຮານ ຂອງ​ພຽງ​ຢາງແມ່ນຍັງ​ດຳ​ເນີນ​ຢູ່​ຕໍ່​ມາ.

ທ່ານ​ນາງ Haley ກ່າວ​ວ່າ “ສິ່ງທີ່​ພວກ​ເຮົາ​ກຳລັງ​ເຫັນ ​ກໍ​ຄື​ພວກ​ເຂົາ​ຍັງ​ສືບ​ຕໍ່​ທ້າ​ທາຍ
​ເກາະ​ຜິດ ​ສືບ​ຕໍ່​ການ​ກະທຳ​ແບບ​ບໍ່​ມີ​ຄວາມ​ຮັບ​ຜິດ​ຊອບ. ບໍ່​ມີ​ຫຍັງ​ຫຼາຍ​ທີ່​ສະພາ​ຄວາມ
​ໝັ້ນຄົງ ​ຈະ​ສາມາດເຮັດ​ໄດ້ນັບຈາກ​ນີ້​ໄປ​ເວລາ​ເຈົ້າຕັດ 90 ​ເປີ​ເຊັນ​ຂອງ​ການ​ຄ້າ​ ແລະ
30 ​ເປີ​ເຊັນ​ຂອງ​ນໍ້າມັນ​ໄປ​ແລ້ວ. ​ໂດຍ​ການ​ກ່າວ​ດັ່ງ​ນັ້ນ ຂ້າພະ​ເຈົ້າ​ບໍ່​ມີ​ບັນຫາໃນ​ການ
​ທີ່​ຈະ​ມອບ​ຄວາມ​ຮັບຜິດຊອບ​ໃຫ້ລັດຖະມົນຕີ​ປ້ອງ​ກັນ​ປະ​ເທດ ນາຍ​ພົນ James
Mattis ​ເພາະຂ້າພະ​ເຈົ້າ​ຄິດ​ວ່າ ທ່ານຍັງ​ມີ​ທາງ​ເລືອກ​ຢ່າງ​ຫລວງ​ຫລາຍຢູ່.”

ສ່ວນທ່ານ McMaster ກ່າວ​ວ່າ ການ​ສະໜັບສະໜູນ​ຂອງໂລກຕໍ່​ການ​ດຳ​ເນີນ ຄວາມ​ພະຍາຍາມ​ທາງການ​ທູດ ທີ່​ໄດ້​ຮັບ​ການໝູນ​ຫລັງ​ໂດຍ ການຈັດຕັ້ງປະຕິບັດ​ການ​ລົງ​
ໂທດ​ຢ່າງ​ເຂັ້ມງວດນັ້ນ​ແມ່ນ​ມີ​ຄວາມ​ຈຳ​ເປັນ​ ​ເພື່ອ​ຫລີ​ກລ່ຽງຕໍ່ອັນ​ທີ່​ທ່ານ​ຮ້ອງ​ວ່າ “ທາງ​
ເລື​ອກດ້ານ​ທະຫານ.”

ທ່ານ McMaster ກ່າວ​ຕໍ່​ບັ​ນດາ​ນັກ​ຂ່າວ​ວ່າ “ສິ່ງ​ທີ່​ພວກ​ເຮົາ​ຕ້ອງ​ເຮັດກໍ​ຄືຮຽກ​ຮ້ອງ​ໃຫ້
ທຸກ​ປະ​ເທດ​ ຮຽກຮ້ອງ​ໃຫ້​ທຸກຄົນ​ເຮັດ​ທຸກ​ສິ່ງ​ທຸ​ກຢ່າງ ທີ່​ພວກ​ເຮົາສາ ມາດ ​ເພື່ອ​ແກ້​ໄຂ​
ບັນຫາ​ຂອງໂລກ​ດັ່ງກ່າວນີ້ ​ບໍ່​ເຖິງ​ຂັ້ນກັບ​ເຮັດ​ສົງຄາມ.”

​ເກົາຫລີ​ເໜືອ​ໄດ້​ຍິງ​ລູກ​ສອນ​ໄຟ​ລູກ​ນຶ່ງໃນ​ວັນ​ສຸກ​ວານ​ນີ້ຂ້າມປະ​ເທດ​ຍີ່ປຸ່ນ ​ຊຶ່ງເປັນ​ການ
​ຍິງ​ເທື່ອ​ທີ​ສອງ​ຂ້າມ​ປະ​ເທດດັ່ງກ່າວ ນັບ​ແຕ່​ປະທານາທິບໍດີ​ທຣໍາ​ ໄດ້​ຂົ່ມຂູ່​ໃນ​ເດືອນສິງ
ຫາ ທີ່​ຈະ​ປ່ອຍ “​ໄຟແລະ​ຄວາ​ມ​ໂກດ​ແຄ້ນ” ຕໍ່ພຽງ​ຢາງ ຖ້າ​ຫາກ​ການ​ກະທຳ​ແບບ​ຮຸກ​
ຮານ​ຍັງດຳ​ເນີນ​ຕໍ່​ໄປ. ການ​ຍິງ​ເທື່ອ​ຫລ້າ​ສຸດໄດ້​ພາ​ໃຫ້ເກີດຄວາມຕື່ນ​ຕົກ​ໃຈຢູ່​ໃນ​ທົ່ວ​
ໂລກກ່ຽວ​ກັບ​ໂຄງການ​ພັດ​ທະນາ​ອາວຸດນິວ​ເຄລຍ ​ແລະ​ລູກ​ສອນ​ໄຟຂອງເກົາຫລີ​ເໜືອ.

ການ​ເດີນທາງ​ໄປ​ສະຫະ​ປະຊາ​ຊາດ ຂອງ​ປະທານາທິບໍດີ​ທຣໍາ ​ເທື່ອ​ທຳ​ອິດ​ໃນຖານະ
ຜູ້ນຳຂອງ​ພວກ​ເຈົ້າໜ້​າທີ່ລະດັບ​ສູງ ​ຮວມທັງ​ຮອງ​ປະທານາທິບໍດີ Mike Pence ລັດ
ຖະມົນຕີ​ຕ່າງປະ​ເທດ Rex Tillerson ​ແລະ​ບັນດາ​ເຈົ້າ​ໜ້າ​ທີ່​ຂັ້ນ​ສູງຄົນ​ອື່ນໆອີກ​ດ້ວຍ.

ລາຍການ​ສີ່​ມື້​ຈະ​ເລີ້ມ​ໃນ​ວັນ​ຈັນ ​ເວລາ​ທ່ານ​ເປັນ​ເຈົ້າ​ພາບ​ກອງປະຊຸມ ກ່ຽວ​ກັບ​ການ​
ປະຕິ​ຮູບ​ສະຫະ​ປະຊາ​ຊາດ ຊຶ່ງ​ເປັນ​ສິ່ງ​ທີ່​ໃກ້​ກັບ​ ຫົວ​ໃຈ​ຂອງ​ທ່ານ. ພວກ​ເຈົ້າ​ໜ້າ​ທີ່​ກ່າວ​
ວ່າ 120 ປະ​ເທດ ຂອງສະມາຊິກ​ທັງ​ໝົດ​ເກືອບ 200 ປະ​ເທດ ຂອງ​ສະຫປະຊາ​ຊາດ
​ຈະ​ເຂົ້າ​ຮ່ວມກອງ​ປະຊຸມ​ດັ່ງກ່າວ.

ຮູບພາບເຜີຍແຜ່ໂດຍ ກະຊວງປ້ອງກັນປະເທດເກົາຫລີໃຕ້ ສະແດງໃຫ້ເຫັນການຍິງຊ້ອມລົບ ລູກສອນໄຟຂີປະນາວຸດ Hyunmoo II.
ຮູບພາບເຜີຍແຜ່ໂດຍ ກະຊວງປ້ອງກັນປະເທດເກົາຫລີໃຕ້ ສະແດງໃຫ້ເຫັນການຍິງຊ້ອມລົບ ລູກສອນໄຟຂີປະນາວຸດ Hyunmoo II.

ເອກ​ອັກຄະ​ລັດຖະທູດສະຫະລັດ ທ່ານ​ນາງ Haley ກ່າວ​ວ່າ ຄຳ​ປາ​ໄສ​ຂອງ​ທ່ານຕໍ່
ກອງ​ປະຊຸມສະມັດຊາ​ໃຫຍ່​ ​ໃນ​ວັນ​ອັງຄານ​ ຈະ​ກວມ​ເອົາ​ເລື້ອງ​ຕ່າງໆ​ທີ່ເປັນ​ບັນຫາ​
ທ້າ​ທາຍ ກຳລັງ​ປະ​ເຊີນ​ໜ້າ​ກັບ​ປະຊາ​ຄົມ​ໂລກ.

ອ່ານຂ່າວນີ້ເພີ້ມເປັນພາສາອັງກິດ

XS
SM
MD
LG