ລິ້ງ ສຳຫລັບເຂົ້າຫາ

ວັນເສົາ, 13 ສິງຫາ 2022

ທ່ານ Donald Trump ໄດ້ຊະນະ ທ່ານ Rubio ແລະ ທ່ານ Cruz ໃນລັດ Nevada ຢ່າງງ່າຍດາຍ


Trump Trounces Rubio, Cruz in Nevada
please wait

No media source currently available

0:00 0:02:14 0:00

ມະຫາ​ເສດ​ຖີພັນ​ລ້ານ ທ່ານ Donald Trump ​ໄດ້​ຊະນະ​ຢ່າງ​
ງ່າຍດາຍໃນ​ການ​ປະຊຸມ​ຄັດ​ເລືອກ ຜູ້​ສະໝັກ​ເປັນປະທານາທິບໍ
ດີ ຂອງພັກຣີພັບ​ບລິ​ກັນ ໃນ​ວັນ​ອັງຄານ​ອາທິດ​ແລ້ວ​ນີ້ ທີ່ລັດ
Nevada ທາງ​ພາກ​ຕາ​ເວັນ​ຕົກ​ຂອງ​ສະຫະ ລັດ ອັນ​ເປັນ​ໄຊຊະ
ນະ​ ທີ່​ເພີ້​ມ​ເຂົ້າ​ໃສ່ແຮງ​ກະ​ຕຸ້ນ​ທີ່​ມີ​ຢູ່​ແລ້​ວ ທີ່​ທ່ານ​ຈະ​ໄດ້​ຮັບ ການ
ແຕ່ງຕັ້ງ ​ໃຫ້​ເປັນ​ຜູ້​ສະໝັກ​ຂອງ​ພັກ ໃນການ​ເລືອກ​ຕັ້ງ​ທົ່ວ​ໄປທີ່
ຈະມີ​ຂຶ້ນໃນ​ເດືອນ​ພະຈິກທ້າຍ​ປີ​ນີ້. Richard Green ນັກ​ຂ່າວ
ວີ​ໂອ​ເອ ມີ​ລາຍງານເລື້ອງ​ນີ້​ ຊຶ່ງ ກິ່ງ​ສະຫວັນ ຈະ​ນຳ​ມາສະ​ເໜີ
​ທ່ານ ​ໃນ​ອັນ​ດັບ​ຕໍ່​ໄປ.

ໄຊຊະນະ​ຂອງ​ທ່ານ Donald Trump ​ເທື່ອ​ນີ້ ເປັນເທື່ອທີ​ສາມຕິດ​ຕໍ່ ກັນ ຫລັງ​ຈາກ​ໄດ້ມີ​
ການ​ເລືອກ​ຕັ້ງ​ຂັ້ນ​ຕົ້ນຢູ່​ໃນລັດ New Hampshire ​ແລະ ລັດ South Carolina ​ໃນ​ຕົ້ນ
​ເດືອນ​ນີ້.

​ໃນ​ການສະ​ແດງ​ທ່າທາງ​ຢ່າງ​ອົງອາດ ຊຶ່ງ​ເປັນ​ວິທີ​ໃນ​ການ​ໂຄສະນາ​ຫາ​ສຽງ​ຂອງ​ທ່ານ
​Trump ມາ​ຈົນ​ເຖິງ​ປັດຈຸບັນນີ້ ມະຫາ​ເສດຖີ​ອະສັງຫາລິ​ມາ​ຊັບ​ໄດ້​ກ່າວ​ຕໍ່​ຝູງ​ທີ່ສະໜັບ
ສະໜູນ ຢູ່​ໃນ​ການ​ກ່າວ​ຄຳ​ປາ​ໄສຮັບ​ເອົາ​ໄຊຊະນະວ່າ ​ເຖິງ​ແມ່ນຜູ້ ຊ່ຽວຊານພາກັນ​ທຳ
ນາຍ​ວ່າ ການ​ໂຄສະນາ​ຫາ​ສຽງ​ຂອງ​ທ່ານ ອາດ​ຈະ​ບໍ່​ໄປໄກ ​ແຕ່ບັດ​ນີ້ ທ່ານ​ໄດ້​ໄຊຊະນະ
​ຢູ່​ໃນທົ່ວ​ປະ​ເທດ.

ທ່ານ Donald Trump ກ່າວ​ວ່າ “ປະຊາ​ຊົນ​ຂອງ​ປະ​ເທດ​ນີ້ ​ເປັນ​ທີ່​ໜ້າອັດສະຈັນທີ່​
ສຸດ.ຂ້າພະ​ເຈົ້າ ຮັກ​ພວກ​ທ່ານຫລາຍທີ່ສຸດ. ຈົ່ງ​ຈື່​ໄວ້ວ່າ ຈົ່ງ​ເຮັດໃຫ້ອາ​ເມຣິກາ ຍິ່ງ​
ໃຫຍ່
ຄືນອີກ ພວກ​ເຮົາ​ຊິ​ເຮັດ​ໃຫ້​ມັນເກີດ​ຂຶ້ນ ​ແລະມັນ​ຈະ​ເກີດ​ຂຶ້ນ​ໃນ​ໄວໆນີ້. ຂອບ​ໃຈທຸກໆຄົນ.”

ສະມາຊິກສະພາ​ສູງ ລັດ Florida ທ່ານ Marco Rubio ​ໄດ້​ຮັບ​ຄະ​ແນນ​ສຽງ ເປັນ​ທີ
ສອງຢູ່​ໃນ​ລັດ Nevada ຊຶ່ງ​ລື່ນ ສະມາຊິກສະພາ​ສູງ​ ຈາກ​ລັດ Texas ທ່ານ Ted Cruz
ຍາດ​ເອົາ​ບ່ອນ​ທີ່​ສຳຄັນ. ​ແຕ່ວ່າ ​ແຕ່​ລະ​ຄົນ​ໄດ້ຮັບ​ຄະ​ແນນ​ສຽງຫລຸດທ່ານ Trump ​ກວ່າ
20 ​ເປີ​ເຊັນເວລາມີການ​ນັບບັດຄະ​ແນນ​ສຽງຂັ້ນ ສຸດ​ທ້າຍ.

​ເຖິງ​ແມ່ນ​ວ່າ ທ່ານໄດ້​ຮັບ​ຄະ​ແນນ​ສຽງ​ເປັນ​ທີ​ສາມກໍ​ຕາມ ທ່ານ Cruz ຜູ້ໄດ້ຊະນະ​ການ
ແຂ່ງຂັນ​ເພື່ອ​ຄັດ​ເລືອກ​ເທື່ອ​ທຳ​ອິດ ຢູ່​ທີ່​ລັດ Iowa ​ໄດ້​ກ່າວ​ຕໍ່​ບັນດາ​ຜູ້​ສະໜັບສະ​ໜູນ​ວ່າ
ທ່ານ​ເປັນ​ຄົນ​ດຽວ​ຂອງພັກ​ຣີພັບ​ບລິ​ກັນ ​ທີ່​ສາມາດຈະຍາດ ​ເອົາ​ທຳນຽບຂາວຄືນ​ມາ ໃນ​
ເດືອນ​ພະ​ຈິກນີ້.

ທ່ານ Ted Cruz ກ່າວ​ວ່າ “​ຖ້າ​ຫາກ​ທ່ານ​ຮວມຢູ່​ໃນ 65 ​ເປີ​ເຊັນ​ຂອງພັກຣີພັບ ​ບລິ​ກັນ
ຢູ່ທົ່ວ​ປະ​ເທ​ດ ຜູ້ທີ່​ຄິດ​ວ່າ ທ່ານ Donald Trump ບໍ່ເປັນຜູ້​ສະມັກທີ່ດີ​ເລີດ​ເພື່ອ​ແຂ່ງ

ຂັນແບບໜ້າ​ຕໍ່​ໜ້າ ​ກັບທ່ານ​ນາງ Hillary Clinton. ຜູ້​ທີ່​ເຊື່ອ​ວ່າ ພວກ​ເຮົາສາມາດ​
ເຮັດ​ໄດ້ດີ​ກ່ອນ​ນັ້ນໃນ​ການ​ເລືອກ​ຕັ້ງ​ເວລາ​ພວກ​ເຮົາໄດ້​ແຕ່ງຕັ້ງ​ຜູ້​ສະໝັກ​ນິຍົມ​ແນວ

ທາງ​ເດີມ​ ຫລັງ​ຈາກ​ນັ້ນ ການ​ແຂ່ງ​ຂັດ​ຢູ່ສີ່​ລັດ​ທຳ​ອິດ​ໄດ້ເຮັດ ໜ້າ​ທີ່​ອັນ​ສຳຄັນ ​ໃນ​
ການ
ເຮັດ​ໃຫ້​ການ​ແຂ່ງຂັນ​ແຄບ​ລົງ ​ແລະ​ສະ​ເໜີ​ທາງ​ເລືອກ​ອັນ​ຈະແຈ້ງ. ທ່ານສາ
ມາດ
ເລືອກ​ເອົາ ລະ​ຫວ່າງສອງຄົນ​ທີ່​ປະນີປະນອມຈາກວໍ ຊິງຕັນ ຫລື​ຜູ້​ໜຶ່ງ​ທີ່ຜ່ານ
​ການ​ພິສູດມາ​ແລ້ວ​ໃຫ້​ເຫັນວ່າ​ ເປັນ​ຜູ້ນິຍົມ​ແນວທາງ​ເດີມ ​ທີ່​ສະ​ເໝີ​ຕົ້ນສະ​ເໝີປາຍ."

ທ່ານ Cruz ​ໄດ້ປະສົບ​ກັບຄວາ​ມຍາກ​ລຳ​ບາກ ​ກ່ອນ​ໜ້າ​ກອງ​ປະຊຸມ​ຄັດ​ເລືອກ ຂອງ​ພັກ
​ໂດຍ​ຖືກ​ກ່າວ​ຫາ​ວ່າ ການ​ໂຄສະນາ​ຫາ​ສຽງ​ຂອງ​ທ່ານ ຫລີ້ນ​ແບບ​ສົກກະປົກ ຕໍ່​ຄູ່​ແຂ່ງ​
ຂອງ​ທ່ານ.

ທ່ານ​ໄດ້​ປົດ ຫົວໜ້າ​ສື່ສາ​ນໃນ​ການໂຄສະນາ​ຫາ​ສຽງ​ຂອງ​ທ່ານ ອອກ​ຈາກ​ໜ້າ​ທີ່ ຍ້ອນ​ລົງ​
ຂ່າວທີ່ບໍ່​ມີ​ມູນ​ຄວາ​ມຈິງທາງ​ສື່​ສັງຄົມ ທີ່ກ່າ​ວຫາ​ຢ່າງ​ຜິດພາດ ​ຕໍ່ທ່ານ Rubio ວ່າ ​ໝິ່ນ
ປະໝາດພະ​ຄຳ​ພີ.

ການ​ປ່ອນ​ບັດ​ຂັ້ນຕໍ່​ໄປ ຈະ​ມີ​ຂື້ນ​ໃນ​ມື້​ອື່ນນີ້ ​ເວລາ​ສິບກວ່າ​ລັດຈະ​ພາກັນ​ຈັດການ​ເລືອກ​
ຕັ້ງ​ຂັ້ນ​ຕົ້ນ ​ທີ່​ຮູ້​ກັນ​ໃນ​ນາມ​ວັນ​ອັງຄານ​ພິ​ເສດ ຫຼື “Super Tuesday.”

ທ່ານອາດຈະມັກເລື້ອງນີ້ຄືກັນ

XS
SM
MD
LG