ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ທ. ທຣໍາ​​ ໄປ​ຢ້ຽມຢາມ ​ຕ່າງປະ​ເທດ ​​ຄັ້ງທໍາ​ອິດໃນນາມ ປະທານາທິບໍດີ ຂອງອາເມຣິກາ


ປ. ​ດໍ​ໂນ​ລ ທຣໍາຢືນໂບກມືແກ່ຄົນທີ່ໄປສົ່ງທ່ານຂຶ້ນເຮືອບິນ ​ເດີນທາງ​​ໄປ​ຢ້ຽມຢາມ​ຕ່າງປະ​ເທດ​​ຄັ້ງທໍາ​ອິດ ​ໃນນາມ​
ປະທານາ ທິບໍດີຂອງ​ສະຫະລັດ​ ​ໃນ​ວັນ​ທີ 19 ພຶດສະພາ 2017 ນີ້
ປ. ​ດໍ​ໂນ​ລ ທຣໍາຢືນໂບກມືແກ່ຄົນທີ່ໄປສົ່ງທ່ານຂຶ້ນເຮືອບິນ ​ເດີນທາງ​​ໄປ​ຢ້ຽມຢາມ​ຕ່າງປະ​ເທດ​​ຄັ້ງທໍາ​ອິດ ​ໃນນາມ​ ປະທານາ ທິບໍດີຂອງ​ສະຫະລັດ​ ​ໃນ​ວັນ​ທີ 19 ພຶດສະພາ 2017 ນີ້

ທ່ານ​ດໍ​ໂນ​ລ ທຣໍາ ເລີ້ມການ​ເດີນທາງໄປ​ຢ້ຽມຢາມ​ຕ່າງປະ​ເທດຄັ້ງທໍາ​ອິດ ​ໃນນາມ​
ປະທານາ ທິບໍດີຂອງ​ສະຫະລັດ​ ​ໃນ​ວັນ​ສຸກ​ມື້ນີ້ ຊຶ່ງ​ໄດ້ປະປ່ອຍ​ໃຫ້​ທໍານຽບຂາວເຕັມ​
ໄປ​ດ້ວຍຄວາມ​ຄິດ​ເຫັນ​ທີ່ຂັດ​ແຍ່ງກັນ​ຢ່າງ​ຮ້າຍ​ແຮງ ​ແລະ​ຫລວງຫລາຍ ຊຶ່ງ​ພາ​ໃຫ້​
ນັກ​ການ​ເມືອງຫລາຍ​ຄົນ ​ມີ​ການ​ສົມທຽບ ສະພາບ​ການ​ໃສ່​ຂ່າວ​ນອງ​ນັນຄະດີ​ວໍ​ເຕີ
ເກດທີ່​ເຮັດ​ໃຫ້​ທ່ານ Richard Nixon ຕົກ​ຈາກ​ຕໍາແໜ່ງປະທານາທິບໍດີ​ນັ້ນ.

ທ່ານ​ດໍ​ໂນ​ລ ທຣໍາ ​ໄດ້​ກ່າວ​ຕໍ່ພວກ​ນັກ​ຂ່າວ​ ​ໃນ​ວັນ​ພະຫັດ​ວານ​ນີ້ວ່າ "ພວກ​ເຮົາ​ຫວັງ
​ວ່າ ຈະ​ເຮັດ​ໃຫ້​ສະພາບ​ການ ທັງ​ມວນ ທັງຫລາຍ​ນີ້ໝົດ​ໄປ​ຊະ."

ຄວາມ​ຄິດ​ເຫັນ​ທີ່ຂັດ​ແຍ່ງກັນດັ່ງກ່າວ​ລວມມີ ການ​ປົດ​ຕໍາ​ແໜ່ງທ່ານເຈ​ມສ໌ ​ໂຄ​ມີ ອະ
ດີດຫົວໜ້າ ອົງການສືບສວນຂອງລັດຖະບານກາງ ທ່າມກາງການກ່າວຫາວ່າ ທ່ານ
ທຣໍາ ຢາກໃຫ້ທ່ານໂຄມີ ຢຸດຕິການສືບສວນທ່ານ Michael Flynn ອະດີດທີ່ປືກສາ​
ດ້ານຄວາມໝັ້ນຄົງແຫ່ງຊາດ. ທ່ານປະທານາທິບໍດີ ຍັງປະເຊີນກັບຄໍາຖາມ​ກ່ຽວກັບ ​
ການພົວພັນຂອງທ່ານກັບຣັດເຊຍ ໃນໄລຍະທີ່ມີການເລືອກຕັ້ງປະທານາທິບໍດີ​ຢູ່​ນັ້ນ
ແລະການກ່າວຫາ ວ່າທ່ານໄດ້ເອົາເອກະສານລັບ ໃຫ້ແກ່ລັດຖະມົນຕີ ກະຊວງ​ການ
ຕ່າງປະເທດຣັດເຊຍ ໃນຕອນທີ່ມີການພົບປະກັນ ຢູ່ຫ້ອງການຂອງທ່ານ ທີ່ທໍານຽບ
ຂາວນັ້ນ.

ບ່ອນ​ທີ່​ທ່ານ​ຈະ​ຢຸດ​ແ​ວ່​ໃນ​ລະຫວ່າງ​ການເດີນທາງ​ຄັ້ງນີ້ລວມມີ ຊາ​ອຸ​ດີ ອາຣາ​ເບຍ,
ອິສຣາແອລ ແລະນະຄອນວາຕິກັນ ບ່ອນທີ່ສັກສິດ ຂອງສາມສາສະໜາ ທີ່ໃຫຍ່ທີ່
ສຸດໃນໂລກ.

​ທີ່ຊາ​ອຸ​ດີ ອາຣາ​ເບຍນັ້ນ ທ່ານ​ທຣໍາ ທີ່​ໄດ້​ເວົ້າອອກ​ມາ​ຢ່າງແຮງ​ ກ່ຽວກັບ ​ການ​ຂາດ​
ຄວາມໄວ້​ໃຈ​ພວກ​ມຸສລິ​ມແລະ​ພະຍາຍາມ​ຫ້າມຊາວມຸສລິ​ມບໍ່​ໃຫ້​ເຂົ້າ​ມາໃນ​ສະຫະ
ລັດນັ້ນມີ​ແຜນຈະ​ຂຶ້ນກ່າວ​ຄໍາ​ປາ​ໄສຕໍ່ກຸ່ມ​ຜູ້​ນໍາຊາວມຸສລິ​ມຫລາຍ​ຄົນ. ​ທ່ານ H.R.
McMaster ທີ່​ປຶກສາດ້ານ​ຄວາມໝັ້ນຄົງ​ແຫ່ງ​ຊາດ ​ຂອງທ່ານ​ທຣໍາ​ ເວົ້າວ່າ ທ່ານ​
ປະທານາທິບໍດີຫວັງ​ວ່າ ​ຈະ​ເຫັນ​ວິ​ໄສ​ທັດ​ ດ້ານ​ສັນຕິພາບຂອງສາສະໜາ​ອິສລາມ​
ປະກົດຂຶ້ນ.

ມີ​ຄໍາ​ເຫັນ​ຂັດ​ແຍ້​ງກັນ​ກ່ອນໜ້າທີ່​ປະທານາທິບໍດີ​ສະຫະລັດ ຈະ​ໄປ​ຢຸດ​ແ​ວ່ຢູ່​ອິສຣາ​
ແອລ​ເຊັ່ນ​ກັນ ພາຍຫລັງ​ທີ່​ທ່ານ​ທຣໍາ​ໄດ້​ເປີ​ດ​ເຜີຍ​ຄວາມ​ລັບ​ຂອງ ອິສຣາ​ແອ​ລ ໃຫ້​
ເຈົ້າໜ້າທີ່ຣັດ​ເຊຍຮູ້.

​ປະທານາທິບໍດີ​ສະຫະລັດ ຍັງ​ຈະ​ໄປ​ວັງ​ວາ​ຕິ​ກັນ​ເພື່ອ​ພົບ​ກັບ​ສັນຕະປະປາ Francis
ທີ່​ໄດ້​ເວົ້າວ່າ ທ່ານ​ຈະ​ບໍ່ທັນ​ໃຫ້​ຄໍາ​ເຫັນໃດໆກ່ຽວກັບ​ທ່ານ​ທຣໍາ ກ່ອນ​ທີ່​ຈະໄດ້​ພົບ​ກັບ
​ທ່ານ​ທຣໍາ.

ຫລັງ​ຈາກ​ນັ້ນ ທ່ານ​ທຣໍາ ກໍຈະ​ເດີນທາງ​ໄປ​ຍັງແບ​ລຢ້ຽມ ​ເພື່ອ​ພົບ​ກັບສະມາຊິກ​ຂອງ
​ກຸ່ມ​ເນ​ໂຕ້ຢູ່​ນະຄອນ Brussels ກ່ອນການ​ເດີນທາງ​ໄປ​ຍັງ​ເມືອງ Taormina ​ທີ່​ເກາະ
Sicily ຂອງອີຕາລີ ເພື່ອເຂົ້າຮ່ວມກອງປະຊຸມສຸດຍອດ ຂອງກຸ່ມ G-7.

ອ່ານຂ່າວນີ້ເພີ້ມເປັນພາສາອັງກິດ

XS
SM
MD
LG